لمالكي الالنترا : بعد الألنترا هاتجيب أيه ؟

[Samir Elshahawy]

الأخوة الكرام / نجوم هيونداي

السؤال الي مالكي ألنترا بكل فئاتها (xd - hd - md)

لو ربنا كرمك بالمال و حبيت تغير الالنترا هاتجيب أيه ؟
و هل ممكن تفكر في الكوري تاني ؟

[moha4tec]

الله ينور على المواضيع
و بما انى مش معايا النترا و معايا اختها السيراتو
و اظن ان الراى هيبقا قريب فى القسمين .
ممكن الراى ينقسم الى الاتجاه الى السيارات الالمانى او الكورى الجديد فقط
يعنى اليابانى و الامريكى و الايطالى برا الحسبه
لان الكورى بيديك كل حاجه و اوبشن كتير بسعر منافس و مش ناقسها غير شويه ثبات و موتور تربو و عفشه نعمه و الكلام ده موجود فى الالمانى بس غالى طبعا
و باذن الله كوريا تظبط العفشه فى الاجيال 2018 تبقى مالتى لينك و ناعمه و ثابته و تكون المواتير التيربو بقت بتنزل عادى فى كل الفئات اختيارى طبعا
تسلم على المواضيع الهايله يا بشمهندس سمير

[haysam2000]

و لو انى معيش النترا بس لو كانت معايا كنت هفكر فى السوناتا طبعااااااااااااااااا

[AoA]

انا عمرى مابصيت على حوار كورى ويابانى خالص المهم اللى يعجبنى ويناسب احتياجاتى
فى الوقت الحالى مفيش تغيير طبعا انما ممكن بعد فتره
مش هاطلع عن اختيارين
يا volvo s60
يا x3 3.0
ان شاء الله

شكرا على الموضوع وعلى فكره انت سالت وماقلتش انت رايك ايه ؟

[Samir Elshahawy]

انا عمرى مابصيت على حوار كورى ويابانى خالص المهم اللى يعجبنى ويناسب احتياجاتى
فى الوقت الحالى مفيش تغيير طبعا انما ممكن بعد فتره
مش هاطلع عن اختيارين
يا volvo s60
يا x3 3.0
ان شاء الله

شكرا على الموضوع وعلى فكره انت سالت وماقلتش انت رايك ايه ؟

لو تلاحظ موضوعاتي و ردودي هاتعرف

[AshTurbo]

حلو أوي السؤال ده وفي الجون بص ياهندسة :

- مبدأياً كده بأذن الله العربية معايا مش أقل من 3 سنين مكفياني ومريحاني بالزيادة والحمد لله .
- بعد ال 3 سنين بأذن الله في دماغي عربيتين ال فولفو S60 R-type والفورد مونديو الجديدة اللي هي الفيوجن الأوروبية .

[dozo]

انا كان معايا النترا 2008 و بعتها من 5 شهور و محتار لغايه دلوقتى بس انا ملاحظ معظم الردود تتجه للاروبى ( قبل محد يضرب) ده ليه تفسير:
- هو انه فاقد الشىء دائما يدور على اللى ناقصه يعنى اللى معاه كورى يبتدى يدور على الثبات و الامان . وللى معاه اروبى موديل قديم و ممعاهوش يكمل و يجيب اروبى زيرو حتلاقيه يتجه للكورى او اليابانى لتعويضه بالرفاهيه و التكييف القوى و نعومه العربيه.
- انا عن نفسى منتظر الاوكتافيا الجديده بس اتاكد من موضوع dsg و مش عارف لو نزلت بيه اجيب ايه . بصراحه بصيت على الفوكاس و الفلوينس مميلتش ناحيتهم اوى ( مع احترامى لملاكهم) و انا كان معايا النترا و عاوز اغير الكورى بصفه عامه مش عشان وحش عشان احس بالتجديد و شكرا.

[Mohamed Fawzy]

انا كان معايا الالنترا 2007 كل اللي اقدر اقوله انها عربية ممتازة قعدت معايا 5 سنين عمرها ما كسفتني او خزلتني في اي حاجة جري ونعومة واعتمادية عربية فعلا جميلة تخليك لما تحب تغيرها تبقى محتار لوفكرت تجيب حاجة مثلا احسن منها في الثبات تلقيها اقل في التسارع طيب احسن في الامان تلاقي عفشتها انشف وهكذا كل ما افكر اني شوف احسن منها في حاجة الاقيها بردو متفوقة في حاجة تانية وده دليل على انها عربية محترمة
المهم بقى في الاخر عشان ما اطولش عليكو ما لاقيتش قدامي غير الفورد فوكاس هي اكتر عربية حسيت انها ممكن تعوضني الالنترا وهي فعلا الصراحة عوضتني بقوة انما لسة بردو الالنترا ليها مكان جوايا لأنها من الاخر عربية اصيلة

[hates]

سؤال حلو بس صعب لان محدش يعرف الي جاي فيه ايه ولا التكنولوجيا هتوصل لفين يعني لو هيونداي طورت من نفسها كمان وظبطت العيوب الي واقعه فيها دلوقتي اكيد هفضل هيونداوي النتراوي
بس انا عن نفسي بحب الجيتا جدا والبي ام 316 والاوكتافيا والكيا سبورتاج ان شاء الله واحده منهم

[king_de_egypt]

انا معايا اى 30 و اعتقد فى نفس فئه الالنترا و انا ان شاء الله ناوى اجيب بعد الاى 30 هجيب جولف 6 ان شاء الله امنيه حياتى :)

[Ultramisho]

فكرة جيدة بس كان نفسي تكون أعم

الأخوة الكرام / نجوم هيونداي

السؤال الي مالكي ألنترا بكل فئاتها (xd - hd - md)

لو ربنا كرمك بالمال و حبيت تغير الالنترا هاتجيب أيه ؟
و هل ممكن تفكر في الكوري تاني ؟

هي فكرة ممتازة بصراحة
بس هي المشكلة ان الي عنده النترا وصل للتوب في فئة 1600 الي معظمنا بندور حولها علشان الضرايب وبالتالي الي هيفكر يغير بيفكر في عربيات ذات فئة سعرية اعلى وبتكون هنا يااوروبي ياسبورتاج الكورية ياالهوندا والقشقاي الياباني 01600 برضه)
كان نفسي - مع تقديري لفكرتكم - كان يكون الموضوع مفتوح لاي واحد معاه كوري والسؤال لو غيرت هتغير لكوري برضه ولا لأ
أصلي حاسس ان كده بنظلم الالنترا علشان هي التوب في الكوري 1600 زي ماقولت وماحدش هيعيرها باقل منها طبعا

أخيرا تحياتي لكم ياباشمهندس في قسمكم
دايما منوره بموضيعكم وتعليقاتكم القيمة
انا بقيت هنا أكتر من في قسم كيا بكتيييييير
تحياتي

[Samir Elshahawy]

هي فكرة ممتازة بصراحة
بس هي المشكلة ان الي عنده النترا وصل للتوب في فئة 1600 الي معظمنا بندور حولها علشان الضرايب وبالتالي الي هيفكر يغير بيفكر في عربيات ذات فئة سعرية اعلى وبتكون هنا يااوروبي ياسبورتاج الكورية ياالهوندا والقشقاي الياباني 01600 برضه)
كان نفسي - مع تقديري لفكرتكم - كان يكون الموضوع مفتوح لاي واحد معاه كوري والسؤال لو غيرت هتغير لكوري برضه ولا لأ
أصلي حاسس ان كده بنظلم الالنترا علشان هي التوب في الكوري 1600 زي ماقولت وماحدش هيعيرها باقل منها طبعا

أخيرا تحياتي لكم ياباشمهندس في قسمكم
دايما منوره بموضيعكم وتعليقاتكم القيمة
انا بقيت هنا أكتر من في قسم كيا بكتيييييير
تحياتي

أنا بأشكرك جدا علي مرورك بالموضوع و تعليقك القيم جدا و دايما منور قسم هيونداي أن شاء الله
و برضه سيارات كيا لها كل التقدير و الاحترام خاصة أنها شقيقة لسيارات هيونداي

هنا المقصود بالموضوع هو فعلا لو معاك مبلغ زيادة و بتفكر تغير العربية الالنترا هاتجيب حاجة أعلي في فئة الكوري يعني مثلا :
- ألنترا فئة ثالثة أو فولي لودد
- سوناتا
- كيا سيراتو
- كيا أسبورتاج

و لا هاتخرج من الكوري لحاجة أوروبي أو ياباني مثلا

أنا عن نفسي و بعد ماجربت الكوري قانع جدا به و شايف أني هأكرر التجربة تاني ان شاء الله و لكن مع فئة أعلي و ممكن جدا تكون النترا و لكن بمواصفات أعلي من الفئة الحالية اللي معايا و ده لأسباب أقتصادية في الاساس مع أقتناعي التام بتوافر التطور التكنولوجي فيي تلك السيارات بما يرضيني و يشبع رغباتي و أحتياجاتي و لا داعي لأن أدفع بالمزيد من أموالي في سيارة اغلي لمجرد أنها ياباني أو أوروبي

أرجو أن تكون الفكرة قد وضحت

[mahmoud_afifi]

بعد اسعار الهيونداي المرتفعه هتبقى بره المقارنه تماما.
ومنتظر السيراتو الجديده ولو هتنزل غاليه يبقى الواحد يدخل على الالماني بقى ويشوف الجيتا او الفوكاس. الواحد يشتري عربيه من شركه بقالها 100 سنه بتعمل عربيات ومش هيكون فيها عيوب صناعه ولا غيره

[ahmedfd]

أشكرك على الموضوع المتميز.
أنا حالياً معايا الـ HD من الزيرو و تحقق لي كل إحتياجاتي بكفاءة عاليه- وسع وراحة و نعومة و كماليات وتكييف قوي وكمان إقتصادية و أنا مبسوط جداً بيها و النهاردة نفس الإحساس بالظبط زي ما ركبتها من 4 سنين. و كلمة إحتياجات دي مهمة جداً، يعني أنا مش من إحتياجاتي إني أنزل أوصل أولادي الصبح المدرسة و أروح شغلي و أطير على 180كم/ساعة على غيار الريق كدة. و مش من إحتياجاتي و أنا مسافر الساحل أو شرم الشيخ أطير على 200 كم/ساعة و أخد غرز طول السكة.
لما أحب أغير كمان فترة سواء قصيرة أو طويلة أنا شخصيا بدور على Value for Money و ليس Value و خلاص. يعنى الألماني هو أعلى قيمة بالتأكيد لكن الكوري أعلى قيمة مقابل المال و ده لقب خطفه من الياباني و أتوقع قريباً الصين تخطفه من الكوري بعد إرتفاع مستوى المعيشة الرهيب في كوريا و بالتالي إرتفاع أسعار منتجاتها و ده إبتدينا نشوفه في أسعار العربيات الكوري.

[mrgamal]

4*4 (ix35 1600L او tucson )
ان لم يظهر الجديد ما يستدعى تغير وجه نظرى