لو هبيع النيو اكسنت اركب ايه

[sabregas2010]

ازيكو يا شباب هيونداى
انا معايا نيو اكسنت 2010 بحالة تحفة بجد لانى من الناس اللى بتحافظ على العربية وبشياكتها كمان والصيانة فى التوكيل
وزى ما احنا كلنا عارفين ان العربية مافيهاش الكماليات اللى فى دماغ الواحد
فى قدامى 4 عربيات قولولى رايكوا ايه ولو حد عنده اى راى مختلف يا ريت يقولى
نيسان صنى 2013 الشكل القديم 93000 جنيه
بروتون برسونا 2013 97000 جنيه
اكسنت ار بى سيدان هاى لاين تقريبا 121000 جنيه
كيا ريو سيدان هاى لاين تقريبا 122000 جنيه
ومحدش يقول اسعار اكتر من كده عشان ده اخرى وكمان هجيب قسط
ويا ريت محدش يبخل عليا برايه
وشكرا

[sabregas2010]

معلش يا شباب الصورة دى قديمة شويه ايام الجنط ال 15 لكن دلوقتى انا مجنط 16

[elkorany]

انا عايز اعرف مواصفات عربيتك وسعرها النهائى على الخاص
لو امكن على الخاص
ومكان المعاينة واول يد ولا لا وعاملة كام كيلو والرخصة باقى فيها قد ايه
ربنا يجعل فيه مصيب
انا اولا مركبتش الأكسنت القديمة بس ركبت ال rb
واسعة من جوه وكانت اوتو ومحستش انها اوتو سحبها حلو وشكل عددتها حلو
بس انا مسقتهاش
ومش هقدر افيدك بس نصيحة منى لو بعت استنى شوية وركز واستخير ربنا
لأن الاختيارات كتييرررررررررررررر واللى يعجب غيرك ممكن ميعجبكش والعكس صحيح

[Samir Elshahawy]

طالما هاتجيب قسط يبفي بلاش عربية غالية أنت أولي من البنك بالفلوس و برضه هات عربية كويسة
لو مكانك هأجيب البروتون البيرسونا

[mahmoud_afifi]

انا لو منك هجيب ريو اعلى فئه بفتحة سقف ومثبت سرعه وجنوط وشكل تحفه وتوكيل محترم.

[Magoda]

هات النيسان صنى أنا بعشقها

[elpasha1]

بيرسونا

[sameh3600]

الهينداي اكسنت rb علشان افضل كمليات وشكل وارخص قطع غيار

[Rsarabia]

لو منك هجيب البيرسونا و هى مع واحد صاحبى و هى تحفة و احسن من الاكسنت و الريو و ارخص و فيها مثبت سرعة و عفشة مستقلة مالتى لينك و ثابتة جدا و عفشة رياضية ناشفة شوية بس ثابتة
لو الماديات تزود شوية هات النترا اول فئة اوتو ممتعة جدا

[haysam2000]

انا احترم الصنى ولو الأتنين العاليين يبقى الريو

[Ahmed salamaa]

اكسنت اربي بجد عربية تحفة و محترمة و ثبات و جري و سحب و شكل و انا سوقتها كتيييير و مبتحكش في مطبات زي مابيقولو و هي مع اخويا و عربية ماشاء الله و تكيفها تلاجة

[S O P H O S]

كيا ريو ..
كراي فقط

[sabregas2010]

شكرا يا رجاله على اهتمامكم بالموضوع وانا متابع ارائكم باهتمام وبعدين هاصلى استخارة وربنا يوفقنى للخير ان شاء الله على الرغم من ان كل معارفى معارضين موضوع بيع عربيتى