خبر حلو يا رب يبقى صح

[DEVILRIDER]

امبارح كنت فى معرض و بسال عن اسعار الالنترا دلوقتى فا بسال ليه غليت اوى كده ١٣٦٠٠٠ اول فئة اوتو قالوللى الاستىراد و كده و غبور غلها تدريجى لحد ١٣٦ و غلى كل الهيونداى و الخبر الحلو بقى ان فيه كلام ان غبووووور هيسيب توكيل هيونداى فى مصر ان بدعى يكون الكلام صحح و نخلص بقىى و اللى لعب فى دماغى بررده انه اشترى توكيل جيلى الصينى !! و تغور من وش هبووووور

[hossam_elwani]

يعنى كده زادت 12 الف جنيه حته واحده يااااااااااااا سلام وهو لسه فيه حد بيشترى اصلا .. مع احترامى يبقى مغفل

صعب هبور بعد كل السنين دى يسيب هيونداى بعد ما فرش ارضيه كبير جدا ليها فى مصر صعب جداااااااا ..

اللعب كله فى قطع الغيار مش فى بيع العربيات بس

طيب اخبار الخليجى اول فئه اوتو ايه ؟؟؟ وسعرها كام دلوقتى؟؟

[MohammedAladel]

ما هو هيسيبها موزة مقشرة للى جاى بعده دا لو كلامك صح يبقى هو شارب حاجة أو ناويلنا على نية سودا

[Samir Elshahawy]

يعني لو غبور اللي مش أمور هايسيب توكيل هيونداي ... تفتكر يعمل مشروعات زي توكيل العبور و توكيل أسيوط ؟

[DEVILRIDER]

يعني لو غبور اللي مش أمور هايسيب توكيل هيونداي ... تفتكر يعمل مشروعات زي توكيل العبور و توكيل أسيوط ؟

و الله انا حاطط كل ده فى دماغى بس انا بشارككو اللى اتقالى امبارح

[hamada2u2000]

ياسيدى الفاضل غبور معاتش هايصنع الفيرنا ولا هايقفل هيونداى هنا
الباشا خد توكيل صينى علشان يقفله هنا وهايستورد العربيات كلها من تركيا

[Samir Elshahawy]

و الله انا حاطط كل ده فى دماغى بس انا بشارككو اللى اتقالى امبارح

خلي بالك ..
اللي شغالين في المعارض بيحبوا يفتوا زي الميكانيكية بالظبط

تصدق مرة واحد صاحب معرض كبير قعد يقسم لي أن موتور الالنترا الجديدة 1500 سي سي مش 1600 و لما زوجتي قالت له أنت بتجادل مع مين .. مالاقيتش غير ده اللي تجادل معاه في معلومات عن هيونداي الراجل سكت ووشه جاب ألوان و سألني " هو حضرتك مهندس في التوكيل ؟"

طبعا ضحكت و قولت له " طيب خايف ليه مش أنت واثق من كلامك ؟"

[DEVILRIDER]

يعنى كده زادت 12 الف جنيه حته واحده يااااااااااااا سلام وهو لسه فيه حد بيشترى اصلا .. مع احترامى يبقى مغفل

صعب هبور بعد كل السنين دى يسيب هيونداى بعد ما فرش ارضيه كبير جدا ليها فى مصر صعب جداااااااا ..

اللعب كله فى قطع الغيار مش فى بيع العربيات بس

طيب اخبار الخليجى اول فئه اوتو ايه ؟؟؟ وسعرها كام دلوقتى؟؟

الخليجى فئات عالية من اول ١٤٠ و انتا طالع ملقتش فئات قليلة و اللى ب١٤٠ دى سعودى فيها ا ايرباج و ايه بى اس و فتحة سقف من غىر جنوط

[sabregas2010]

كل عربيات هيونداى هيتم استيراده من بلادها وشركة هيونداى مش هتجمع عربيات بره تركيا تانى
بس هو ده الموضوع

[sabregas2010]

اسف يا شباب قصدى بره كوريا

[DEVILRIDER]

ياسيدى الفاضل غبور معاتش هايصنع الفيرنا ولا هايقفل هيونداى هنا
الباشا خد توكيل صينى علشان يقفله هنا وهايستورد العربيات كلها من تركيا

ده اكيد الكلام ده ؟

[DEVILRIDER]

المهم انا عايز اشترى العربية اول فئة اوتو و مش هنجيبها بالسعر ده و مش موجودة كمان يعنى ممكن نستنى كتىر حتى السيراتو ٢٠١٣ اس اكس مش موجودة خااالص محدش يقدر يساعدنى فى الحوار ده ؟؟

[MIVEC.A92]

يسيبها ازاي, ده هقق نجاح غير طبيعي, ده بسم الله ما شاء الله جايب عربية 'قرعه' و كاتب انها Fully Loaded!! و بكام ؟ ب 160 الف !! ده مفيش بني ادم يعرف يحقق معادلة زي اللي غبور حققها ده المفروض يتعمله تمثال بسبب المبيعات اللي حققها في مصر. و بعدين حضرتك مشفتش المركز اللي لسا عامله علي طريق مصر الأسماعلية الصحراوي؟ صعب جدا يعمل حاجة علي المستوي ده و يسبها ده لسا بيقول يا هادي .

[S O P H O S]

يارب بس صعب اعتقد ..

[hossam_elwani]

الخليجى فئات عالية من اول ١٤٠ و انتا طالع ملقتش فئات قليلة و اللى ب١٤٠ دى سعودى فيها ا ايرباج و ايه بى اس و فتحة سقف من غىر جنوط

كانت موجود عند سمير ريان و 123 فتحة سقف 2012 ياخساره يعنى الى صبر اخد ........... ولا بلاش