العشرات من مالكي ''هيونداي ألنترا'': سيارتنا بتتسرق وبيوتنا بتتخرب

[kha_led29]

نقلا عن مصراوى سيارات هوندى وخاصة الالنترا بتتسرق بكسر الزجاج بمسحوق مخصوص بيخلى الانذار لايعمل
فحبيت اعرف مالكى هذة السيارات لتأمنها بوسيلة اخرى
ودى رابط الخبر
العشرات من مالكي ''هيونداي ألنترا'': سيارتنا بتتسرق وبيوتنا بتتخرب

[mshmshm3]

عربية زي اللوجان و النيسان صني نازلين بايمبولايزر و العربيتين سعرهم لا يتعدي ال 100 الف و دي فرحانين بالمالتي فنكشن و شكل الفوانيس و معاها جهاز انزار يتحط علي 128

[Ashraf_Ibrahim]

يعني ايه مسحوق خاص مش فاهم !

[Kareem Fawzy]

فى حاجه اسمها مسحوق خالص
ياريت حد يفهمنا يا جماعة

[MEDO84EG]

شيء بايخ يا ريت يكون اشاعه

[mrgamal]

بخصوص موضوع المسحوق الخاص دة .
ما فيش حاجة اسمها مسحوق خاص ولا حاجة
بس فى اختراع جديد ناس قالتلى علية من التوكيل بيتعمل يخلى الزجاج يسرطن من غير رزع او دب او اصدار اى صوت
وبيقوللى انه عن تجربة عملوها المعلومه صحيحة وهما عرفوها من واحد كانت عربيته مشروقة عرفها من السيد المبجل الحرامى لما راح يدفعلة الفلوس علشان يسترد عربيته
مش عارف اقولها ونبقى بساعد الحرامية على سرقتنا ولا كل الحرامية عارفينها واحنا اخر من يعلم ؟؟؟؟؟؟؟؟؟؟؟؟؟

[mrgamal]

وعلى العموم الموضوع دة بيتعمل فى كل العربيات الى من غير امبولايزر مش النترا بس !!!!

[M.ADEL KAMEL]

الله يطمنك ياشيخ ...انا سامع صوت السكتة القلبية جايالى اهيه

[abogogo]

البودرة الخاصة اللى بتكلموا عليها عبارة عن القطعة الخزف اللى في البوجية بتطحن وتترش على الزجاج يجيله سرطان ... مش عارف ايه الحكمة او التفاعل الكميائي اللى بيحصل بس الحركة دي بسمعها من زمان خالص من أواخر الثماننيات وسمعتها من كذا صنيعي من بتوع زمان .... وكنت زمان عامل موضوع عن القصة دي هنا في المنتدى بس مش فاكر امتى ...... ايضا لما بتكسر قطعة صغير من الخزف ده وتحدفه على الزجاج بيتكسر على طول ...!!! زي اللى في الفيديو ...
How to break the car window by spark plug - YouTube

Breaking car window with spark plugs - YouTube

Crackin a Truck window with a piece of spark plug - YouTube


يلا كله يخلي معاه في جيب العربية كام حتة من خزف البوجيه وأي حد يعكنن عليك في الطريق اديله واحده في الازاز ولا بلاش عشان ماشيلش ذنب حد انا برئ من اي حد يعمل كدة