جديد في عالم افيرنا ، أعمل ايه و انا بستلم ؟؟

[socratov]

السلام عليكم ,
طبعا باين اني ابن امبارح فى العربيات و بعد التدقيق و التمحيص و تطبيق سياسات التقشف ، أنا اشتريت فيرنا 2013 من التوكيل الحمد لله و هستلم كمان يومين تلاتة.
نخش فى المهم ، و أنا بستلم ، أبص علي ايه و آخد بالي من ايه ؟؟
اللى هيتقال هنا هاكتبه في نوتة و هعمله هناك بالمللي

[socratov]

هي فيرنا چي إل إس بالمناسبة لو هتفرق في حاجة في الحوار يعني ، و شكرًا مقدما

[Amr Axel]

اتمني الموضوع ده يفيدك :)


تعالوا نعرف نعمل ايه لما نيجي نستلم عربية جديدة او مستعملة

http://www.nilemotors.net/Nile/244408-a.html

[socratov]

صراحة ، أنت عملت الواجب و جبت من الآخر ، شكرا

[socratov]

استلمت زوبة الحمد لله

استلمت زوبة و عامل ٢٠٠ كيلو في يومين ، العربية حلوة ما شاء الله ، بس كان فيه مشكلة ، اول مروحت بيها الشغل و أنا علي الدايري الدركسيون كان بيرج جامد ، رحت رصصت و ظبط ضغط هواء في الكاوتش ، آه غبور كان مرصصه " الرصاص موجود" بس الواضح ان غبور عنده مشكلة في الترصيص و ضغط الهواء لأنهم كانوا في الضياع .

[Amr Axel]

الف مبروك يا باشا العربية
بس اوعي تغريك في المناورات ع السرعات العالية :)

[socratov]

الله يبارك فيك يا باشا ، هي جراية بصراحة و مغرية ، بس الحمد لله الواحد مالوش في الادرينالين

[Ashraf_Ibrahim]

تمام محتاج الترصيص عشان تظبط العربية
واظبط هوا على 30
ولين العربية كويس وبلاش اي جري في اول 1000 كم
وألف مبروك على العربية

[socratov]

علم و جاري التنفيذ d:
الله يبارك فيك

[sabregas2010]

الف مبروك العربية وربنا يديك خيرها ويحفظهالك ويكفيك شرها
نصيحة اخوية (اوعى سحب العربية يغريك على الجرى) عشان ربنا يستر طريقك