Tweet
يا جماعة انا قرفت من الفيرنا ويارتني ما اشتريتها ومن النهاردة كل واحد عايز يجبها هأقوله اشتري عربية كارو ... معايا فيرنا 2011 والله العظيم لسه بكياسها وبأتعامل معاها زي عيالي ... المهم من فترة 4 شهور كنت سمعت صوت كركرة رخمة جايه من ورا شمال وبيظهر في الطرق المدقات وبقى يظهر بعد كده طول ما العربية ماشيه وتقريبا فيه ناس في المنتدى هنا كان يعرفوا القصه ده ورحت التوكيل وغيرولي مساعد شمال ومسامير ميزان وتشحيم للعفشه ولسه الصوت فضل ... المهم الصنايعي بعد 6 ساعات متواصل ومش عارف يعمل ايه قعد يربط حاجات كان مربطها المهم الصوت راح .... المهم من حوالي 4 أيام رجع الصوت تاني بس بالتدريج لحد ما بقى طول ما العربية ماشية باسمع صوت كركرة كأني راكب عربية بيجو موديل 80 رحت النهاردة توكيل الغردقة ونفس القصة ستة ساعات لكن من غير فايدة المرة ده لحد ما المهندس قالي معلش العربية هاتبات وهانتصل بيك لأنه هايفكوا فبر العربية كلها لأنه ممكن يكون منه وان كنت أشك .
معلش يا جماعة صدعتكم بس شان تعرفوا مأساتي من عربية جايبها بقالي سنة قعدت في التوكيل أكتر ما قعدت معايا . السؤال أفرضوا توكيل الغردقة معرفش يوصل للحل انا مين الي هايجبلي حقي وهاعمل ايه ؟؟؟ أرجو الإهتمام من فضلكم لأن ده على ما أعتقد دور وفلسفة المنتدى
شكراً
معلش يا جماعة صدعتكم بس شان تعرفوا مأساتي من عربية جايبها بقالي سنة قعدت في التوكيل أكتر ما قعدت معايا . السؤال أفرضوا توكيل الغردقة معرفش يوصل للحل انا مين الي هايجبلي حقي وهاعمل ايه ؟؟؟ أرجو الإهتمام من فضلكم لأن ده على ما أعتقد دور وفلسفة المنتدى
شكراً
Comment