محتاج مساعدة فى الالنترا 2012

[sadkoooi]

فية صوت زنة صغيرة اعتقد انها من التابلوة اللى قدام الكرسى اللى جنب السواق بتظهر قوى بعد 70 كيلو مش عارف اية السبب العربية عاملة 12000 كيلو

[Samir Elshahawy]

هل الزنة بتظهر علي كل الطرق الممهدة و الغير ممهدة بشكل جيد ؟

[big big]

بتظهر عندي بردجه بس في الطرق المكسرة بس

[Rsarabia]

يمكن يكون قصد حضرتك على صوت الكاوتش ؟؟
انا عندى الكاوتش كومهو و هو اسوأ ما فى العربية و صوته مسموع لما بكون قافل الزجاج على اى سرعة حتى لو 10 :(
موضوع الصوت دا رخم جدا بس انا مكبر دماغى لانى لو حطيته فى دماغى هغير كاوتش و حرام اغير كاوتش لسه جديد

[Samir Elshahawy]

يمكن يكون قصد حضرتك على صوت الكاوتش ؟؟
انا عندى الكاوتش كومهو و هو اسوأ ما فى العربية و صوته مسموع لما بكون قافل الزجاج على اى سرعة حتى لو 10 :(
موضوع الصوت دا رخم جدا بس انا مكبر دماغى لانى لو حطيته فى دماغى هغير كاوتش و حرام اغير كاوتش لسه جديد

الكاوتش كومهو و لا هانكوك ؟

[Samir Elshahawy]

بتظهر عندي بردجه بس في الطرق المكسرة بس

لو الصوت بيظهر في الطرق الغير ممهدة فقط و بيختفي مع الطرق الممهدة جيدا أحتمال يكون كالأتي :

1- شئ بالتابلوه الامامي (الدرج) أو اماكن التخزين (زي عملة معدنية - مسامير - .....) بيتحرك مع المطبات و أهتزازات الطريق
2- كلبسات أو مسمار مفكوك في تابلوه العربية

لذا في الحالة الثانية انصح عند الذهاب الي التوكيل لعمل صيانة ال 10000 كم أو ال 15000 كم أن تخبرهم عن هذه الزنة (بعد ان تفرغ التابلوه و أماكن التخزين من محتوياتها )

[hany63]

يمكن يكون قصد حضرتك على صوت الكاوتش ؟؟
انا عندى الكاوتش كومهو و هو اسوأ ما فى العربية و صوته مسموع لما بكون قافل الزجاج على اى سرعة حتى لو 10 :(
موضوع الصوت دا رخم جدا بس انا مكبر دماغى لانى لو حطيته فى دماغى هغير كاوتش و حرام اغير كاوتش لسه جديد

مش فاهم ايه نظرية التوكيلات انها تخليك حاسس انك راكب بابور زلط
لو تقدر تبيع الكاوتش القديم بسعر كويس اخلص منه و ركب بريدجستون gr-90 هتحس انك راكب عربيه فخمه و احساس سواقه تاني و ده عن تجربه و برضه فيه انواع معينه في الميشلان و الكونتيننتال مريحه جدا

[Rsarabia]

الكاوتش كومهو و لا هانكوك ؟

اللى نازل فيها كومهو على الجنط ال 17

[Rsarabia]

مش فاهم ايه نظرية التوكيلات انها تخليك حاسس انك راكب بابور زلط
لو تقدر تبيع الكاوتش القديم بسعر كويس اخلص منه و ركب بريدجستون gr-90 هتحس انك راكب عربيه فخمه و احساس سواقه تاني و ده عن تجربه و برضه فيه انواع معينه في الميشلان و الكونتيننتال مريحه جدا

بكام سعر الفردة بريدجستون ؟؟ جنط 17

[hany63]

ال ١٦ كانت ب ٨٧٠ و كان عليها خصم ٤٥ جنيه لاعضاء نايل موتور و مش مهم الاستيكر
قول ال ١٧ تعمل ٩٠٠ بعد الخصم

[atyam]

ال ١٦ كانت ب ٨٧٠ و كان عليها خصم ٤٥ جنيه لاعضاء نايل موتور و مش مهم الاستيكر
قول ال ١٧ تعمل ٩٠٠ بعد الخصم

باشا متاكد من الاسعار دى

على مافتكر لما جيت اجيب ال16 وسالت على بريدجستون من رقم التوكيل نفسه كانت فوق الالف جنيه

[Samir Elshahawy]

مش فاهم ايه نظرية التوكيلات انها تخليك حاسس انك راكب بابور زلط
لو تقدر تبيع الكاوتش القديم بسعر كويس اخلص منه و ركب بريدجستون gr-90 هتحس انك راكب عربيه فخمه و احساس سواقه تاني و ده عن تجربه و برضه فيه انواع معينه في الميشلان و الكونتيننتال مريحه جدا

هاني بيه ..

البريدجستون مع الالنترا غير مناسب لها لأنه ناشف و بيعطي أحساس أن العفشة اصبحت أنشف و ده كلام معظم اللي غيروا ببريدجستون كمان لما سألت في بريدجستون أكدوا المعلومة دي
لكن ده لايمنع أنه كاوتش ممتاز و في أعتقادي رقم واحد و علي فكرة انا كان عندي في الياريس البريدجستون البوتنزا برضه صوته عالي و لما واحد صاحبي غيره بنوع تاني علي ما أظن جوديير العربية أصبحت أنعم و الصوت أنخفض لكن لما جربتها حسيت أن أداء الفرامل أنخفض


نييجي بقي للألنترا و الهانكوك أو الكومهو ..
الهانكوك صحيح مزعج لكن بصراحة تماسكه مع الأسفلت و الطرق الرمليه أو اللي عليها مياه ممتاز بيفكرني بصراحة بنفس أداء البوتنزا لذلك أنا مصمم عليه و عايز أركبه تاني عند أستبدال الكاوتش أن شاء الله ده غير أن مع الكاوتش ده بتشعر أن العربية ناعمة جدا و لاتكاد تشعر بالمطبات

الكومهو طبعا هو الهانكوك (الاثنين شركة واحدة) لكن بأشعر أن الهانكوك درجة أعلي حتي سعره بيكون أغلي

أنا باحاول حاليا توفير كاوتش هانكوك أصلي للالنترا أم دي لي و للأعضاء اللي محتاجين و ده بالاتفاق مع عدد من محلات الكاوتش اللي ممكن يروح لهم حد معاه النترا بجنوط 15 و بيجنط
ربنا ييسر الامر و تنجح المحاولة دي

[hany63]

هاني بيه ..

البريدجستون مع الالنترا غير مناسب لها لأنه ناشف و بيعطي أحساس أن العفشة اصبحت أنشف و ده كلام معظم اللي غيروا ببريدجستون كمان لما سألت في بريدجستون أكدوا المعلومة دي
لكن ده لايمنع أنه كاوتش ممتاز و في أعتقادي رقم واحد و علي فكرة انا كان عندي في الياريس البريدجستون البوتنزا برضه صوته عالي و لما واحد صاحبي غيره بنوع تاني علي ما أظن جوديير العربية أصبحت أنعم و الصوت أنخفض لكن لما جربتها حسيت أن أداء الفرامل أنخفض


نييجي بقي للألنترا و الهانكوك أو الكومهو ..
الهانكوك صحيح مزعج لكن بصراحة تماسكه مع الأسفلت و الطرق الرمليه أو اللي عليها مياه ممتاز بيفكرني بصراحة بنفس أداء البوتنزا لذلك أنا مصمم عليه و عايز أركبه تاني عند أستبدال الكاوتش أن شاء الله ده غير أن مع الكاوتش ده بتشعر أن العربية ناعمة جدا و لاتكاد تشعر بالمطبات

الكومهو طبعا هو الهانكوك (الاثنين شركة واحدة) لكن بأشعر أن الهانكوك درجة أعلي حتي سعره بيكون أغلي

أنا باحاول حاليا توفير كاوتش هانكوك أصلي للالنترا أم دي لي و للأعضاء اللي محتاجين و ده بالاتفاق مع عدد من محلات الكاوتش اللي ممكن يروح لهم حد معاه النترا بجنوط 15 و بيجنط
ربنا ييسر الامر و تنجح المحاولة دي

معلوماتك مظبوطه يا باشمهندس بس اسمح لي اوضح شوية حاجات بحكم اني جربت كذا نوع
اولا ما ينفعش نقول على ماركه معينه بريدجستون مثلا ناشفه او مريحه دون تحديد الموديل عشان بريدجستون بتعمل حوالي 30 موديل كاوتش بنقشات مختلفه عشان تتناسب مع كافه المتتطلبات طبقا للظروف المحيطه زي درجات الحراره - امطار - ثلوج او لتتناسب مع طبيعة القياده سواء اقتصاديه - رياضيه شد و غرز مقفوله على سرعات عاليه و دخول المنحنيات بسرعه عاليه
نيجي نقارن ما بين البوتانزا و التورانزا (gr90) نلقى البوتانزا مخصصه للاداء الرياضي فعشان تاخد منها ثبات لازم تضحي بعامل الهدوء و نعومية العفشه
التورانزا عكسها هتاخد هدوء و نعوميه عفشه تحفه و ثبات معقول برضه فدي فضلتها على اساس عربيتي ثباتها كويس و حتى لو عربيه ثباتها متوسط فشوارعنا ماشاء الله سرعتها صفر تقريبا
و انا بالنسبه لي كان اللي راكب عندي التورانزا القديم فكان ناشف و صوته عالي و نزل بعديه مودلين اخرهم gr90 فرق السما و الارض بالنسبه للسيفيك
اما حتة انه هيبقى طري في عربيات ما عدا الهيونداي غريبه شويه ولو ان الواحد ما يستبعدش اي حاجه عشان ساعات حاجات بتحصل ضد المنطق و المهم انكم تاخدوا حاجه مجربينها كويس

[hany63]

باشا متاكد من الاسعار دى

على مافتكر لما جيت اجيب ال16 وسالت على بريدجستون من رقم التوكيل نفسه كانت فوق الالف جنيه

البوتانزا هي اللي بالسعر ده مش التورانزا

[Samir Elshahawy]

أستاذ هاني ..

كلامك مظبوط 100 %
المشكلة تلاقي النوع اللي يناسب عربيتك و يناسب أستخدامك لأن معظم أنواع بريدجستون غير متوفرة