الكيك داون النترا 2012

[big big]

اولا انا معاية النترا 2012 ام دي وعاملة 12000ك عملت مقارن امبارح مع سيرات 2012 جنط 17 المهم اولنا نجرب الانترا الاول طلعنا علي طريق صلاح سالم الساعة 2 باليل كنا صحرا اول مالعربية جابت 40 ادينا الكيك النتيجه مكنتش متوقعه من عربية بالمواصفات دية العربية حرقت صوت الموتور علي وده طبيعي اما النترة بتاعت الكيك داون مكنتش اد كده الار بي ام عنده اسهال جري بسرعه عجيبة والتجميع مكنش اد كدة يعني من 40 الي 130 في حوال من 8 الي 12 ثانية رجعنا وجربنا السيراتو حسيت بفرق في الاربي ام بيطلع براحتة وةمشبع الغيار كويس جدا والتجميع كان اسرع بكتير من الالنترا مش عارف ازاي مع انا السيراتو 124 هورس باور والالنترا 130 انا مش عارف هل هية كده ولي هربيتي فيها مشكلة
ملحوظه انا مكش بتاع حرء ولي الكلام ده خالص انا اخري اجري علي طرق مفتوحة 160 180 مش اكتر هل ده لية علاقة وجوه البلد اخر 80 90 100 لما الطريق يكون كويس ياريت تدلوني اعمل اية ولو هروح اكشف عليها في التوكيل اؤلهم اي وافهمهلهم ازاي ولي العربية كده طبيعية

شكرا لكل المهتمين بالموضوع

[moh19227]

اولا يا باشا مبروك العربيه :)
ثانيا

من 40 الي 130 في حوال من 8 الي 12 ثانية

انت بتتكلم في زمن رائع ومعتقدش اي عربيه تقدر تجيبو بسهوله

لار بي ام عنده اسهال جري بسرعه عجيبة

دا بيدل علي ان موتور العربيه بسم الله ما شاء الله قوي , وبالعكس في السيراتو لما الاربي ام يعلي ببطي دا دليل علي ان موتور العربيه مش اد كده
لو حضرتك اتفرجت علي اي فيديو للمبرجيني شوف الاربي ام بيتحرك ازاي ؟! :)
واخر حاجه

انا مكش بتاع حرء

لازم كل فتره تحرق ع الموتور شويه علشان يبقي فايق معاك
وشكراااا

[big big]

ياباشا الف شكر علي اهتمامك يعني كده العربية كويسة ولي مش اد كده

[Samir Elshahawy]

أفضل تسارع للالنترا أم دي بيكون تحت ال 60 كم/س أو بعد ال 100 كم/س لحد 180 كم/س

اللي حصل معاك ده طبيعي في الالنترا أن عدد اللفات يعلي جامد و بعدها العربية تبدأ تجمع و تسحب لأن وزن العربية ثقيل علي المحرك ده اللي المفروض أنه يكون 140 حصان (ال جي دي أي) مش الموتور العادي أبو 130 حصان

لكن بشكل عام الالنترا أم دي الموجودة حاليا معقولة في تسارعها صحيح هيا مش بتاعة شد و لكن كويسة جدا في المواقف الصعبة و الموتور هايسعفك

اما موضوع الحرق كل فترة فالافضل منه أنك لو تقدر تمشي بالعربية علي سرعات فوق ال 120 كل فترة علي طرق مفتوحة هايبقي افضل من الحرق و كمان ياريت تستخدم منظف رشاشات أو دورة وقود كل 5000 كم أو كل 10000 كم

[Rsarabia]

فتيس الالنترا 6 سرعات فطبيعى انه هينقل بدرى و هيرفع
السيراتو غالبا 4 سرعات عشان كدا الغيار بيشبع
هات الستترونك و جرب
انا حافظ السيراتو و حاليا معايا النترا الاتنين واحد فى الجرى بس وزن الالنترا اتقل حاجة بسيطة و فتيسها 4 سرعات اكيد هتسبق بفرق بسيط

[Samir Elshahawy]

فتيس الالنترا 6 سرعات فطبيعى انه هينقل بدرى و هيرفع
السيراتو غالبا 4 سرعات عشان كدا الغيار بيشبع
هات الستترونك و جرب
انا حافظ السيراتو و حاليا معايا النترا الاتنين واحد فى الجرى بس وزن الالنترا اتقل حاجة بسيطة و فتيسها 4 سرعات اكيد هتسبق بفرق بسيط

أنت لخبطتني ..
الالنترا 6 سرعات و لا 4 سرعات ؟

[hany63]

بص حضرتك الفتيس ال 6 سرعات يخنق اي عربيه 1600 عشان عندك 5 مناطق ممكن الفتيس يهنج فيها اللي هيا بين كل نقله و ده بيتطلب حساسيه في الدوسه امتى تدوس و مقدار الدوسه و امتى تسايس و امتى تكبس و هكذا و طبيعي كل طرقنا تجيب شلل من كتر الزحمه فالفتيس بيبرمج نفسه ان سواقتك اقتصاديه غصب عنك
انا بعمل حاجه كل كام يوم اني اسوقها كأنها مانيوال عن طريق الشيفت لو الطريق ماشي حتى لو ببطء و بكده هيبقى اخرك النقله الرابعه عشان انا اخري في السيفيك النقله التالته و على فكره انت كده بتحافظ على الفتيس عشان ما فيش كيك داون كل شويه
و اوتو لما يبقى الطريق قافش و بكده هتبقى فايقه و جميله حتى لو مشيت على الاوتو بعدها

[atyam]

متهيالى ده عادى بالنسبة للمقارنه وعلى فكره ممكن الدوسه بتاعتك تكون برضو مش كيك داون وبجد الدوسه بتفرق

انا معايا اكسنت ار بى واحيانا بيحصل معايا كده بس لما حد معاه سيراتو بيفكر يشد معايا بنفخو بمعنى الكلمه

[hany63]

متهيالى ده عادى بالنسبة للمقارنه وعلى فكره ممكن الدوسه بتاعتك تكون برضو مش كيك داون وبجد الدوسه بتفرق

انا معايا اكسنت ار بى واحيانا بيحصل معايا كده بس لما حد معاه سيراتو بيفكر يشد معايا بنفخو بمعنى الكلمه

و ده عشان فتيس الاربع نقلات النقله رانجها كبير و لما بتعمل كيك و انت بتشد بتسقط نقله واحده غالبا و هتلاقي العربيه قالت معاك جامد انما الست نقلات ممكن يسقط تلات نقلات فالفتيس يهنج لحظيا عشان يعرف يحطه على انهي نقله
يعني انا في الاول كنت حاسس الكورولا الاوتو ال 1300 سلسه عن السيفيك 1600 كاستجابة بنزين و ده كان عشان السيفيك 5 غيار مقارنه بالكورولا 4 غيار بس لما رجلي فهمتها الموضوع اتغير

[Rsarabia]

أنت لخبطتني ..
الالنترا 6 سرعات و لا 4 سرعات ؟

هههههههه لا مفيش لخبطة ولا حاجة
اقصد الالنترا 6 سرعات فالعربية بتنقل بدرى و العزم بيقل
عكس السيراتو 4 سرعات بس فالعزم اعلى

لكن لو الاتنين عالستيبترونك مش هيفرق لان الفتيش مش هينقل و هش هتغير النقلة الا لما تجيب اقصى عزم للنقلة و ساعتها الفتيس الجديد يكسب

[Samir Elshahawy]

فعلا الفتيس ال 6 سرعات بينقل بدري و بأستمرار مش هايسمح لك بعدد اللفات العالي لكن ...
بعد كذا تجربة قمنا بيها انا و اخي (وليد عادل) أمكن تنفيذ الكيك داون بشكل صحيح و عدد اللفات وصل ال 6000 لفة/دقيقة و تم تجربة نفس الكلام في الاختبار الاخير علي طريق السخنة / القطامية (بمناسبة مرور عام علي العربية) و جابت برضه ال 6000 لفة/دقيقة ووصلت لأقصي عزم عندها

ده بيتحقق أنك تدوس مرة واحدة و للأخر علي الدواسة بالكامل و يفضل أن يكون من وضع الثبات أو من سرعة منخفضة (تحت ال 80 كم/س) او عندما تكون سرعة العربية مستقرة و عدد لفات المحرك تحت ال 3000 لفة/دقيقة

بس قابل بقي الزيادة في استهلاك البنزين اللي ممكن توصل لحد 16 لتر / 100 كم لو أستمريت علي السرعة دي لوقت طويل

[big big]

اولا احب اشكركم علي الاهتمام الرهيب ده بس معلش انا ممكن اسئل علي حاجة هوه انا ازاي استخدم منظف الرشاشات وهوه فين الرشاشات دي والمنظف اسمة اية ونوعه لو انا عاوز اعملها بنفسي

اما موضوع دورة الوقود كل 5000 او 10000 دي عبارة عن اية وطريقتها ازاي
ومره تانية احب اشكركم جدا انتو بجد ناس محترمة انا عارف اني اسئلتي كتير بس ده لاني بخاف جدا اعمل اي حاجة في العربية عن دون خبرة ولازم اسئل اهل الخبرة عشان مصلحش حاجة ابوظ حاجة تانية مع كامل الشكر لكم

[Samir Elshahawy]

أخي الكريم ..

أسأل زي ما أنت عايز كلنا هنا بنجتهد علشان نفيد بعض



.... منظف الرشاشات (أو دورة الوقود) :

ده شكل العبوة هتلاقيها في محطات البنزين (موبيل أو أمارات)
و بتستخدم كل 5000 كم
و لازم التانك يكون تقريبا فاضي




ده بقي منظف لدورة الوقود كلها و ليس الرشاشات فقط يعني .. (يعني من اول المضخة حتي الرشاشات)
الميزة كمان أنه بيحسن من أداء المحرك و بيرفع من نسبة الأوكتان للبنزين المستخدم

نيجي بقي لطريقة أستخدامه ..

1- يكون التانك تقريبا فاضي (لمبة البنزين منورة)
2- يتم وضع محتوي العبوة داخل التانك قبل ملئه بالبنزين
3- يتم ملء التانك

فيه نوع تاني أنا بأستخدمه كمان ممتاز بس مش فاكر أسمه دلوقتي لما أروح هأجيب لك اسمه

[big big]

بعد ما احطة في التانك امون عادي ولي استني لما يخلص وهل فيه اسبراي ممكن استخدمة للرشاشات

[big big]

وبعدين اية الفرق بين الاسود والسلفر واستعمل ده امتي وده امتي