تقرير صيانة الألف النترا مركز العدوى طريق المنصورة المحلة

[Rsarabia]

المركز هو معتمد لدى هيونداى و موجود بالصفحة الرسمية على هيونداى ايجبت و هو وكيل رينو و ميتسوبيشى و المكان نضيف و واسع و فيه استراحة مكيفة و بتقدر تشوف العربية و هى بتتصين

السيارة النترا 2013 خليجى

ميعاد دخول السيارة 10 ونص
ميعاد خروج السيارة 11 ونص

تم تغيير زيت شل الترا 10 الاف كيلو سعره 230
فلتر زيت 28 جنيه
طبة الزيت 7 جنيه
رفع السيارة و تربيط العفشة
غسيل الموتور و السيارة من الخارج
المصنعيات لا شئ ( الصيانة الاولى مجانا )

الاجمالى 265

كلمتهم عن موضوع الاوتو لوك و قالولى ان السيارة مفيهاش اوتولوك مع انى شفت على منتديات اجنبية انهم بيدخلوها على الكمبيوتر و بيفعلو الاوتولوك

كان عندى مشكلة ان الكبوت فيه رجرجة بسيطة بتبان عالطريق و ظبطوها الحمد لله

شكرا هيونداى و شكرا العدوى

[S O P H O S]

مبروك الصيانة يا باشا ..

[vedodido]

مبروك يا باشا الصيانة
بس استفسار بسيط هو فلتر البنزين اتغير ليه؟؟

[MohammedAladel]

ألف مبروك ياباشا

طيب هو لازم فى أى عربية عند تغيير الزيت تغيير الطبة ؟؟؟

[MohammedAladel]

ألف مبروك ياباشا

طيب هو لازم فى أى عربية عند تغيير الزيت تغيير الطبة ؟؟؟

[Rsarabia]

مبروك يا باشا الصيانة
بس استفسار بسيط هو فلتر البنزين اتغير ليه؟؟

اسف فلتر زيت و ليس بنزين خطأ مطبعى

[Rsarabia]

ألف مبروك ياباشا

طيب هو لازم فى أى عربية عند تغيير الزيت تغيير الطبة ؟؟؟

كلام المهندس ان الطبة دى لما بترجع تتقفل تانى مش بتكون محكمة زى اول مرة بيكون فى تسريب بسيط جدا عشان كدا بتتغير و هى مش غالية

[Samir Elshahawy]

موضوع تغيير طبة الزيت ده مالوش اي لازمة الا لو فوتت أثناء الرباط !!

اما بخصوص تغيير فلتر البنزين أنا كنت متأكد أنه خطأ مطبعي .... ههههههههه
لأن سعر فلتر البنزين لايقل عن 160 جنيه و ليس 28 جنيه

بالمناسبة فلتر البنزين في الكتالوج لايتم تغييره قبل ال 90000 كم (أيوه 90 ألف كم) أو عند الاحساس بأنخفاض السحب أو ظهور مشكلة في اداء العربية و أنا لما سمعت كلامهم و غيرته علي صيانة ال 20000 كم لاقيته نظيف و بيلمع

[Rsarabia]

موضوع تغيير طبة الزيت ده مالوش اي لازمة الا لو فوتت أثناء الرباط !!

اما بخصوص تغيير فلتر البنزين أنا كنت متأكد أنه خطأ مطبعي .... ههههههههه
لأن سعر فلتر البنزين لايقل عن 160 جنيه و ليس 28 جنيه

بالمناسبة فلتر البنزين في الكتالوج لايتم تغييره قبل ال 90000 كم (أيوه 90 ألف كم) أو عند الاحساس بأنخفاض السحب أو ظهور مشكلة في اداء العربية و أنا لما سمعت كلامهم و غيرته علي صيانة ال 20000 كم لاقيته نظيف و بيلمع

فلتر البنزين لو على كلام الكوريين بتغير بعد 90 الف
يبقى عندنا فى مصر يتغير بعد 9 الاف مش 20 الف زى ما التوكيل بيقول
البنزين عندنا زفت زفت زفت
الفلتر من برة هيبقى نظيف و بيلمع لكن من جوة هيبقى مزفت و مطين

زى فلتر الهوا كدا هتلاقى كوريا تقولك غيره بعد رقم كبييييير لكن عندنا هيتغير كل 20 الف و كل 5 الاف كيلو هتطلعه تنضفه هتلاقيه مليان تراااااب

فلتر التكييف كذلك انا كنت بشترى فلتر تكييف جديد كل 20 الف مع فلتر الهوا للميجان

[Kareem Fawzy]

مبروووك على حضرتك الصيانة وان شاء الله ربنا يباركلك فيها يا باشا
شكراً على التقرير يا فندم

[Samir Elshahawy]

فلتر البنزين لو على كلام الكوريين بتغير بعد 90 الف
يبقى عندنا فى مصر يتغير بعد 9 الاف مش 20 الف زى ما التوكيل بيقول :f_eyeb1[1]:
البنزين عندنا زفت زفت زفت
الفلتر من برة هيبقى نظيف و بيلمع لكن من جوة هيبقى مزفت و مطين

زى فلتر الهوا كدا هتلاقى كوريا تقولك غيره بعد رقم كبييييير لكن عندنا هيتغير كل 20 الف و كل 5 الاف كيلو هتطلعه تنضفه هتلاقيه مليان تراااااب

فلتر التكييف كذلك انا كنت بشترى فلتر تكييف جديد كل 20 الف مع فلتر الهوا للميجان

- فلتر البنزين شفاف و أكيد حضرتك شوفته لو وسخ هتلاقيه كله أسود أو أصفر من جوه

- فلتر الهواء بقاله معايا 20000 كم و بانظفه كل شهر مرة

- فلتر التكييف عامل 30000 كم و تم غسله مرة واحدة فقط في صيانة ال 20000 كم

كلام الكوريين صح , بس حاول تنقي المحطات اللي بتتعامل معاها

[mina_888]

انا عاوز اسئل على اقرب مركز صيانه معتمد من المنصوره فين و هل مركز العدوى دا كويس ولا اى كلام و اروح القاهره و يا ترى هو فين بالظبط

[Rsarabia]

انا عاوز اسئل على اقرب مركز صيانه معتمد من المنصوره فين و هل مركز العدوى دا كويس ولا اى كلام و اروح القاهره و يا ترى هو فين بالظبط

تجربتى بسيطة مش هقدر احكم عليهم من اول مرة لكن اللى شفته كويس
مكانه فى طريق المنصورة المحلة بعد بنزينة انا مش عارف بعد كام كيلو بالظبط حضرتك تسأل
مركز العدودى هو الوحيد المعتمد لهيونداى
الدلتا و عيسى غير معتمدين

[amagroup]

انا روحت مركز العدوي في 1000 و5000
تقيمي 10/10 في الصيانات الدورية والحاجات البسيطة
6/10 في المشاكل وضمان القطع الكبيرة لأنه بيتعامل مش بخلفيه كاملة
يعني مثلا مساعدين الrb سوفت لو رحت له عشان تغيرهم هارد هيقولك هنكشف عليهم وطبعا النتيجه المساعدين اللي راكبيت زي الفل تغيرهم لهي حرام

اما لو في التوكيل هيغيرهم عادي

فهمتني