سؤال عن الفيرنا أوتوماتيك

[hossamf]

دى اول مشاركة ليا والصراحة المنتدى جميل جداً
ان شاء الله نويت اشترى فيرنا اوتوماتيك وكنت عاوز اعرف هل ماتور فيرنا الأوتوماتيك هو نفس ماتور الماتريكس وهل فى عيوب ظهرت فى الفيرنا الأوتوماتيك

[Nile_Storm]

اهلا بيك ياباشا
بص يا سيدي اولا الجير الاتوملتيك هو نفسه جير الماتركس
اما موتور الفيرتا ال 1600 فهو نفس موتور الالنترا القديم و الجتر و الماتركس
و اي استفسار اخر اأمر

[Ahmed Anwer]

دى اول مشاركة ليا والصراحة المنتدى جميل جداً
ان شاء الله نويت اشترى فيرنا اوتوماتيك وكنت عاوز اعرف هل ماتور فيرنا الأوتوماتيك هو نفس ماتور الماتريكس وهل فى عيوب ظهرت فى الفيرنا الأوتوماتيك

أهلآ بيك معانا ،،

أنا معايا فيرنا اتوماتيك عاملة دلقوتي 25 الف كم ،،

لسه مظهرشي مشاكل في الأتوماتيك ،،

و فيه زمايل معانا معاهم فيرنا اتوماتيك من 2004

مفيش مشاكل عامة حتي الآن

عموما انا الصراحة شايفها غليت اوي وصلت 78 الف ،،

انا لما اشترتها مثلآ كانت ب 72500 جنية

و أقرب حاجة اتوماتيك كانت ب ثمانين الف السيريون و الجيتز ،،

فبالنسبة ليا كانت انسب لأن فرق السعر مغري ،،

اعتقد حاليا ممكن اغلي من سعرها حاجات بسيطة تلاقي حاجات كتيرة ظريفة و اكثر حداثة و مستوردة

زي الجيتز و السيريون و الأفيو او تزود شوية و تجيب نيو اكسنت او ريو او شويتين و تجيب ماتريكس او ياريس او اوبترا

السبب اني بقولك كده ان الفيرنا بقت سيارة مصر الشعبية الأولي ،،

فهتزهق منها و مش هتحس انها زيرو ،، او اي نوع من التميز

تكون متناسبة مع الثمانية و السبعين الف دول

[hossamf]

متشكر جداً ياجماعة على الأستجابة السريعة وأن شاء الله حافكر فى الأفيو اوتوماتيك