استفسار خبراء المنتدى فى الفيرنا 2012

[mina_888]

اولا بشكر اعضاء المنتدى المتعاونيين جدا و بشكرهم على تعابهم معانا
ثانيا :
عاوز استفسر على فيرنا 2012 زيرو عامل بيها تقريبا 600 كم لسه فى التليين بس انا مش بمشى بيها كتير خالص بقالها شهرين تقريبا لكن مش بستخدمها كتير
و فى ملاحظه ان العربيه بتستهلك بنزين بمعدل عالى بطريقه مش طبيعيه
حتى انى كل مره بنزل بيها و بروح بحس المؤشر نزل كتير

كمان عاوز استفسر عن افضل مركز صيانه اعمل فيه صيانه 1000 و يكون قريب من المنصوره لانى من المنصوره

و ايه افضل زيت استخدمه ؟

[akmm]

مبروك السياره ... ومتابع .

[samihanwar]

عشان لسه بتلين
هى بيتعمل معاك كام فى الصفيحه؟

[Ashraf_Ibrahim]

أولا ألف مبروك على العربية
ثانيا معدل استهلاك العربية للبنزين مش هيتظبط غير بعد اول 5000 كم
ثالثا استهلاك البنزين منقدرش نحسبه في الزحمة ووسط البلد لازم يتحسب على طريق سريع وبسرعة ثابتة ومتوسطة 90 كم/س
رابعا الزيت اللي تحطه يكون زيت تخليقي اوعا تحط زيت معدني
يعني شيل هيلكس الترا 10000 كم
او كاسترول ايدج 15000 كم
او فالفولين سين باور 15000 كم
لاحظ ان الزيوت اللي تحطها اما تكون 5w/30 or 5w/40
لو عندك اي استفسار هنفيدك فيه ان شاء الله
بالنسبة لمركز الصيانة اللي تعمل عنده صيانة الألف فمش هقدر أفيدك لأني معرفش حاجة في المنصورة بس ممكن تدخل على موقع غبور وتعرف ايه المراكز المعتمدة عندك عشان يختملك دفتر الضمان بتاع العربية
ومبروك مرة تانية يا عزيزي

[alaamousa]

اشرف الفيرناوي بتاعنا قااااام بالواجب يا مينا

[mina_888]

شكرا جدا يا استاذ اشرف على ردك الوافى
و لو سمحت عاوز استفسر على الفرق بين الزيون المعدنيه و التخليقيه و ليه احط تخليقيه احسن ؟
كمان انا مش فاهم حوار 5w/30 or 5w/40 دا فا عاوز اعرف احط نوع ايه بالظبط و سعره كام و اشتريه من برا ولا هو موجود فى التوكيل
شيل هيلكس الترا 10000 كم سعره كام