تجربة مع محسنات البنزين للفيرنا

[verna2008auto]

بعد كل خير وصباح الخير عليكم جميعا
السلام عليكم ورحمه الله وبركاته

بعد زيارة سريعة للمهندس هاني سبيد سيرفيس وبعد تظبيطة العربية حبيت اني اجرب منتج لتحسين البنزين ..

اليكم التجربية

اولا- اشتريت "إزازة " واحده من STP octane booster "





ترجمتها بالبلدي " اس تي بي مضخم او مقوي الاوكتان للنزين"

يعني بيضيف " لحد علمي " اوكتان للبنزين بتاع العربية وبالتالي بتبقي عملية الحرق افضل وعزمة احسن ..

واستنيت لغاية ما نص التانك "خلص " وماشي علي النص اللي باقي .. وحطيت ال "ازازة " كلها في التنك ..

مكتوب عليها انها ممكن تعالج 21 جالون ... "" عارف جالون مش لتر ""
انا اعتبرت ان نص التانك 20 لتر ...يعني علشان التأثير احاول الاعظة ...

وإليكم النتيجة ..
مشيت شوية بالعربية ... اني الاحظ .. حاجة في الاداء ... مافيش .. يعني ال 1600 سي سي ..هما هما ..
طيب اجرب اشد شويتين علي طريق سريع ... عادي مالاحظتش حاجة ..
..
قلت ((( انضحك عليا يا رجالة ))) وباعولي الهوا في منديل ...

فضلت ماشي شوية ... ونا با اركن ..لاحظت اني كنت مشغل التكييف علي 3
وما شي ....
حد فهم حاجه ....

يعني المفروض ان التكييف بيشيل من عزم العربية شوية ... وانا كنت مشغلة ..ولاقيت العزم ما اتغيرش ..وعادي ..

يعني الخلاصة .. حسيت دة في استخدامي للتكييف .. ان العربية ما تأثرتش بسحب التكييف .. وكان عزمها كويس ....

يعني اعتقد ان المادة دي بتحسن فعلا اداء البنزين ..
نوع البنزين 92
فيرنا 1600 سيسي

اتمني اني اكون افدتكم
ودومتم

[Samir Elshahawy]

التحسن مش بيكون ملحوظ علي طول خاصة داخل المدينة
بيبان تأثيره أكثر في المشاوير الطويلة و السرعات العالية , هاتشعر أن صوت المحرك أهدي و سحب العربية أتحسن

بس أنا شايف أن الافضل من محسنات البنزين أنك مرة كل شهر تستخدم بنزين 95 و تشوف أداء العربية هايبقي أزاي ؟

قبل مشوار رأس سدر كانت حاسس أن أستهلاك البنزين عندي بدأ يرتفع (فوق ال 8.5 لتر / 100 كم) فقررت أني أعمل الاتي :
- تفويل التانك بنزين 95 (حوالي 36 لتر من أصل 48)
- تنظيف فلتر الهواء كويس جدا
- تنظيف الشبكة الامامية و الردياتير بالهواء المضغوط

و طلعت المشوار و كانت العربية محملة كمان و التكييف شغال و النتيجة :
- أنخفاض معدل الاستهلاك الي 8.2 لتر / 100 كم (حسابيا) بالرغم من الحرق في بعض مراحل الطريق
- تحسن السحب بشكل ملحوظ و أنخفاض صوت المحرك عن ذي قبل
- الجديد بقي لما قمت باعادة التفويل ببنزين 92 من يومين أستهلاك العربية داخل المدينة نزل الي (6.8 - 7.0) لتر/ 100 كم و ده من واقع الحسابات و من قراءة شاشة كمبيوتر الرحلات

[dr.hazem]

بعد القراءة المطوله عن رافعات الاوكتان
كانت النتيجة ان فعليا ملهمش اي فايده مرجوة الا في حالة واحدة وهي ان نسبة انضغاط المحرك عالية
وبرضو لو نسبة الانضغاط عالية بينصحو انك تحط بنزين برقم اوكتيني اعلى بدل متجيب رافع الاوكتان....

تحياتي

Sent from my LT18i using Forum Runner

[hany63]

التحسن مش بيكون ملحوظ علي طول خاصة داخل المدينة
بيبان تأثيره أكثر في المشاوير الطويلة و السرعات العالية , هاتشعر أن صوت المحرك أهدي و سحب العربية أتحسن

بس أنا شايف أن الافضل من محسنات البنزين أنك مرة كل شهر تستخدم بنزين 95 و تشوف أداء العربية هايبقي أزاي ؟

قبل مشوار رأس سدر كانت حاسس أن أستهلاك البنزين عندي بدأ يرتفع (فوق ال 8.5 لتر / 100 كم) فقررت أني أعمل الاتي :
- تفويل التانك بنزين 95 (حوالي 36 لتر من أصل 48)
- تنظيف فلتر الهواء كويس جدا
- تنظيف الشبكة الامامية و الردياتير بالهواء المضغوط

و طلعت المشوار و كانت العربية محملة كمان و التكييف شغال و النتيجة :
- أنخفاض معدل الاستهلاك الي 8.2 لتر / 100 كم (حسابيا) بالرغم من الحرق في بعض مراحل الطريق
- تحسن السحب بشكل ملحوظ و أنخفاض صوت المحرك عن ذي قبل
- الجديد بقي لما قمت باعادة التفويل ببنزين 92 من يومين أستهلاك العربية داخل المدينة نزل الي (6.8 - 7.0) لتر/ 100 كم و ده من واقع الحسابات و من قراءة شاشة كمبيوتر الرحلات

ياريت تركب فلتر k&n ستوك اللي بيركب جوه العمه اخو الاصلي بالظبط و ما بيطلعش من الضمان و هتدعيلي
اكبر ميزه فيه ان العربيه بتكون متجاوبه مقارنه بالفلتر الاصلي بدون الدخول في جدال انه بيعلي الهورس باور
بالبلدي وانت بتدوس تحس ان الفتيس مش بيقاومك و الار بي ام بيتحرك اسرع و بيوصل للفات اعلى بنفس الدوسه
هيعمله 450 جنيه بس هيعيش معاك مش اقل من 100 الف كيلو بس هتنضفه كل 5000 كم

[verna2008auto]

التحسن مش بيكون ملحوظ علي طول خاصة داخل المدينة
بيبان تأثيره أكثر في المشاوير الطويلة و السرعات العالية , هاتشعر أن صوت المحرك أهدي و سحب العربية أتحسن

بس أنا شايف أن الافضل من محسنات البنزين أنك مرة كل شهر تستخدم بنزين 95 و تشوف أداء العربية هايبقي أزاي ؟
:b4_444:
قبل مشوار رأس سدر كانت حاسس أن أستهلاك البنزين عندي بدأ يرتفع (فوق ال 8.5 لتر / 100 كم) فقررت أني أعمل الاتي :
- تفويل التانك بنزين 95 (حوالي 36 لتر من أصل 48)
- تنظيف فلتر الهواء كويس جدا
- تنظيف الشبكة الامامية و الردياتير بالهواء المضغوط

و طلعت المشوار و كانت العربية محملة كمان و التكييف شغال و النتيجة :
- أنخفاض معدل الاستهلاك الي 8.2 لتر / 100 كم (حسابيا) بالرغم من الحرق في بعض مراحل الطريق
- تحسن السحب بشكل ملحوظ و أنخفاض صوت المحرك عن ذي قبل
- الجديد بقي لما قمت باعادة التفويل ببنزين 92 من يومين أستهلاك العربية داخل المدينة نزل الي (6.8 - 7.0) لتر/ 100 كم و ده من واقع الحسابات و من قراءة شاشة كمبيوتر الرحلات

اجمل صباح سعيد علي عيونك يا قمر
هوا دة الشغل يا يابش مهندس سمير ...

وربنا يستر .. الحق احط بنزين 95 قبل ما يتشال الدعم من علية




تحياتي ..

[verna2008auto]

بعد القراءة المطوله عن رافعات الاوكتان
كانت النتيجة ان فعليا ملهمش اي فايده مرجوة الا في حالة واحدة وهي ان نسبة انضغاط المحرك عالية
وبرضو لو نسبة الانضغاط عالية بينصحو انك تحط بنزين برقم اوكتيني اعلى بدل متجيب رافع الاوكتان....

تحياتي

Sent from my LT18i using Forum Runner

كلام جميل .. وحقائق علمية افضل ...
شكرا للمعلومه القيمة

[verna2008auto]

ياريت تركب فلتر k&n ستوك اللي بيركب جوه العمه اخو الاصلي بالظبط و ما بيطلعش من الضمان و هتدعيلي
اكبر ميزه فيه ان العربيه بتكون متجاوبه مقارنه بالفلتر الاصلي بدون الدخول في جدال انه بيعلي الهورس باور
بالبلدي وانت بتدوس تحس ان الفتيس مش بيقاومك و الار بي ام بيتحرك اسرع و بيوصل للفات اعلى بنفس الدوسه
هيعمله 450 جنيه بس هيعيش معاك مش اقل من 100 الف كيلو بس هتنضفه كل 5000 كم

كلام تمام التمام .. فعلا انا با افكر في الفلتر دة لانة مصنوع من المنتجلت القطنية صعبة التصاق الرواسب عليها وسهلة الغسل مش زي الاصلي المصنوع من الورق وباالتالي اول ما يشم ريحة رطوبة مع اتربة يعمل تكتلات غير قابلة للازاله ولو اتغسل لا يصلح للتركيب مرة اخري .. ..

[youtube]http://www.youtube.com/watch?v=mJW29eDZXzg[/youtube]

شكرا للافادة والمعلومه عن السعر .. اتمني يكون السعر لسة جديد .. ما يغلاش اكتر من كده

[Samir Elshahawy]

كلام تمام التمام .. فعلا انا با افكر في الفلتر دة لانة مصنوع من المنتجلت القطنية صعبة التصاق الرواسب عليها وسهلة الغسل مش زي الاصلي المصنوع من الورق وباالتالي اول ما يشم ريحة رطوبة مع اتربة يعمل تكتلات غير قابلة للازاله ولو اتغسل لا يصلح للتركيب مرة اخري .. ..


شكرا للافادة والمعلومه عن السعر .. اتمني يكون السعر لسة جديد .. ما يغلاش اكتر من كده

لو كده يبقي نجيبه سوا يمكن نأخد تخفيض في الحالة دي
شكرا أ/ هاني علي النصيحة

[verna2008auto]

لو كده يبقي نجيبه سوا يمكن نأخد تخفيض في الحالة دي
شكرا أ/ هاني علي النصيحة

تمام التمام .. انا عاوز اجيب فلتر K&N ...طيب نشترية فورا منين ..؟؟

انا في انتظار رأي حبايبنا هنا حد عندة معلومه عن مكان شراء الفلتر دة في مصر ...
نتفق علي معاد يا باش مهندس سمير وننزل نجيبة سوا ... اوك

[hany63]

تجيبه من عند عادل وجدي في الحرفيين او جو كار او حماده غزي بتاع مدينة نصر

[hany63]

لو كده يبقي نجيبه سوا يمكن نأخد تخفيض في الحالة دي
شكرا أ/ هاني علي النصيحة

لا شكر على واجب ياباشمهندس و خيرك سابق

[verna2008auto]

تجيبه من عند عادل وجدي في الحرفيين او جو كار او حماده غزي بتاع مدينة نصر

شكرا علي ردكم السريع

[yousflee]

شكرا على المعلومات المفيدة

[iabdo666]

السلام عليكم ورحمة الله وبركاتة
بنزين 95 مختلف عن92 ومختلف عن 80 كل نوع لية مواصفات وعيوب
اولا وضع محسن الاوكتين يفيد في الانضغاط لو العربية حديثة او قديمة والماتور جيد بة الانضغاط ويكون شوط الانضغاط كبير فبيحسن الضغط والتجانس بين الهواء والبنزين حتي يصل لدرجة المزيج المكتمل وعند اصدار امر الاشتعال يكون توليد الحريق والطاقة المنضبطة النظيفة ويقل نسبة اول اكسيد الكربون.
هناك محسنات اخري للحريق وليس للاوكتان كما يوجد في موضوعي الذي نشرتة من قبل علي موقع نيل ماتور.
تنظيف مكونات السيارة وغسيلها بالطبع يحسن من حرقة السيارة ومقاومتها للحركة.