عصاية الفتيس في الماتركس

[شريف حجازي]

الاخوة الاعزاء بعد التحية احب اقول لكم اني اشتريت سيارة ماتركس موديل 2008 الشكل الكوري ولكن لاحظت مشكلة مضيقاني اوووي وهيا ان البلاستكة الي بتحرك عصاية الفتيس في السيارة متشالة من المجري بتاعتها هل يوجد قطع غيار لهذة البلاستيكة ولا بيكون الحل فيها اية ( البلاستكة دي عاملة زي الحصيرة الي بتحرك الفتيس ) لونها اسود ومرنة فهل يوجد لها قطع غيار ارجوكم افيدوني يا خبراء الماتركس وشكرا وهيا بتتباع جديدة ولا مستعملة وشكرا

[شريف حجازي]

10 مشاهدات ومفيش رد واحد هو الموضوع غريب ولا اية ؟؟؟؟؟؟

[شريف حجازي]

فين الناس مفيش ولا رد واحد يطمني ولا اية

[Ashraf_Ibrahim]

طب معلش هستئذن حضرتك صورة لعصاية الفتيس عشان انا مش مستوعب الموضوع معلش !
هو اكيد بتتباع طبعا بس اشوف الصورة عشان اقدر افيدك اكتر

[شريف حجازي]

اولا شكرا لهتمام حضرتك بالرد ثانيا القطعة الي اقصدها هيا البلاستكة الي بيتحرك فيها عصاية الفتيس التوماتيك لفوق وتحت يعني وضع الdاو n او r مغطية المجري بتاع الفتيس واسف علشان مش عارف ارفع صورتها علي المنتدي بس حضرتك لو شوفتها في اي عربية ماتركس هتعرفها علي طووول بتكون ماسكة في عصاية الفتيس ومغطية المجري بتاعتها وشكرا مرة اخري لاهتاما حضرتك بالرد

[moamenehab]

اكيد هتلقيها في عزبه شلبي بالمطريه
اصلهم بيجيبوا العربيات متقطعه و يبعوها قطع غيار = حتي ممكن تفكها بايدك من اي عربيه متقطعه

[شريف حجازي]

ويا تري هيرضو يبعوها لواحدها ولا هيقولو بالعصاية كاملة ؟؟؟؟؟؟

[Ashraf_Ibrahim]

تتباع لوحدها عادي مفيش مشاكل
عزبة شلبي فيها كل حاجة :]

[شريف حجازي]

انا سألت عليها في غبور لقيتها ب165 جنية بس مش عارف مين يقدر يركبها بنضافة علشان مش عايز اي حاجة تتجرح او تتركب غلط ا يا تري حد يعرف صنايعي كويس وامين يقوم بالمهمة دي ؟؟؟؟

[Ashraf_Ibrahim]

الموضوع سهل مش كبير
روح مركز سبيد كار سيرفيز وهيظبطوهالك هناك ان شاء الله