الزجاج الامامى للسائق فى الفيرنا اتكسر

[ahmed9003]

الحمد لله رب العالمين قدر الله وماشاء فعل

موتوسيكل دخل فى العربية من قدام (وش فى وش) الاستاذ اللى كان سايقه كان باصص ورا ودخل

فى العربية. الحمدلله هوا سليم بس انا الزجاج الامامى اتكسر فارجو النصيحة عشان عايز اغيره

(انا بسمع عن زجاج دكتور جريش ) بس معرفش اى حاجة عنه هل فيه انواع من الزجاج ده ؟

وتكلفة الزجاج تقريبا بكام ؟ وتكلفة التركيب ؟ وهل يوجد نوع احسن من دكتور جاويش ؟

واهم حاجة بيتباع فين وحد ثقة يركبه (انا بتواجد فى مدينة نصر / مصر الجديدة )

بجد يا جماعة انا عايز حاجة كويسة

العربية فيرنا موديل 2005

واشكرك وكفاكم الله شر الحوادث (امين)

[mohamed_rhem]

الفيرنا 2012 الزجاج كله من عند الدكتور جريش ليهم فرع في مكرم عبيد

والمصنع في العاشر

انا شخصيا ركبت زجاج امان مصنعهم في اكتوبر المنطقة الصناعية الثالثة امام مصنع جبنة المصريين

كان كريم منير عامل موضوع من سنة كده عن الفرق بين امان وجريش

وانا بضم رأيي لرأيه امان افضل في وضوح الرؤيا والعزل

والسعر في للبرابريز الامامي 230 شامل التركيب

[falcon191]

زجاج السيارة الأمامي عندي انكسر من سنة وفضلت افكر اروح للدكتور جريش بس المشكلة هو سفر بالنسبة لي ،وبعدين توكلت على الله وروحت لمحل عندنا في دمياط وغيرته بـ 250 جنيه والحمد لله زي الفل مفيش فيه حاجة، علشان كده عاوزك تسأل عن حد قريب منك وخلص عنده

[ahmed9003]

اشكركم جميعا على الرد والاهتمام انا رحت لفرع دكتور جريش فى مصر الجديدة وركبته بـ 325 جنيه شامل التركيب والضريبة وكفاكم الله شر الحوادث

[Ashraf_Ibrahim]

التركيب خد وقت قد ايه ؟!

[ahmed9003]

تقريبا نص ساعة وقالوللى انه فيه ضمان شهر على التركيب وعيوب الصناعة بس مادونيش ورقة بكده الكلام ده اتقال شفهى ومعايا الفاتورة بتاريخ التركيب

على فكرة هما اجازة يوم الاحد وبيفتحوا من الساعة 10 ص حتى السابعة مساءا بس قاللولى ان اخر عربية بيستلموها بتبقى الساعة السادسة مساءا تقريبا عشان يلحقوا يقفلوا الساعة 7