أول موضوع لى محتاج نصيحة ضرورى جداا

[temoo_110]

[b][color=darkblue][size=6][b][b][size=12]:roll:
السلام عليكم ورحمة الله وبركاتوه
فى البدايه اشكر المنتدى الرائع الذى يتيح الارشاد اللى ماهو صحيح فى عالم السيارت
كان لى استشارة
فانا نويت إن شاء الله ان اشترى سيارة فيرنا
وروحت اليوم الى توكيل غبور فى الاسكندرية وسالت على الاسعار والانواع
ولقيت انه يوجد اربع انواع من الفيرنا
1- فيرنا LS (تكييف - وباور - وكاسيت ) تقفبل مصرى 1300 سى سى وسعرها هو (63000)
2- فيرنا فيفا ( تكييف - وباور ) تقفيل هندى 1500 سى سى وسعرها هو (63000)
3- فيرنا 1600 كاملة منول تقفيل مصرى وسعرها (66500)
4- فيرنا 1500 كاملة منول تقفيل هندى و سعرها (66500)
وبصراحة محتار جدا انى اختار ما بنهم ومش عارف هل الفيرنا سيارة كويسة ولا وهل التقفيل المصرى احسن ولا الهندى وبصراحة من ساعت ما سائلت وانا محتار ومش عارف اخود قرار انى اشترى الفيرنا المصرى مع انى سمعت ان غبور السيارت اللى بيطلعها تقفلها مش كويس ولا اشترى الهندى ومش عارف تقفلها كويس ولا مش كويس ولا اغير رائى من الهيونداى اساسا على العلم انى اختارتها علشان السعر
فياريت تريحونى وتجوبونى على اسائلتى واكون شاكر على العلم ان السيارة اللى هشتريها مش هتبقى استعمال شخصى انا هشتريها للعمل بها يعنى مش عاوز يجيى منها وجع دماغ كتير
واكون شاكر جدا على مجاوبتى على اسفسارتى
اخوكم تاامر

[ahmed ismail]

ابعد عن قرف الهيونداى كله وهاتلك حته دايو لانوس


معاك الشكل قديم بس الاساسات كلها احسن من الفرنا

[hazem_khidr]

مرحبا بك يا اخي .
الفيرنا في مشاكل في ضبط الزوايا بتاعها و بسمع عنها في موديلا 2005 بالتحديد ف مش عارف الموديل الجديد اتصلح ولا لاء؟؟؟ ف الاحسن انك تجيب اللانوس مافيهاش مشاكل كتير و عربيه كويسه.و الاحين من الاتنين طالما انت محتاجها في شغل يبقي تجيبلك شاهين زيرو و تريح دماغك و تركب عربيه تستحمل اي حاجه تعملها فيها و دي رايي الشخصي و انا افضلها طالما شغلك محتاج لها

[m_mostafa4]

يا جماعة براحة شوية الفيرنا مش سيئة للدرجة دى و اللانوس بردو ليها مشاكلها أنا معايا فيرنا 1500 كاملة مانيوال و ماشية معايا كويس

[fahd_628]

رأيى توكل على الله و هات فيرنا 1600 مانيوال و بلاش الهندى دى خالص

[Mohamed El Sokkary]

لو مصمم على الفيرنا هات ال 1600، بس لو لسه متردد انصحك باللانوس

[temoo_110]

يعنى هيا 1600 التجميع مصرى احسن من 1500 التجميع هندى
وايه السبب
ومشكور جدا على الردود الجميلة من الاخوة الاعضاء

[fahd_628]

يعنى هيا 1600 التجميع مصرى احسن من 1500 التجميع هندى

بص يا باشا اولا الفيرنات كلهم اكسنت برة اوكى !

الفيرنا المصرى احدث من الفيرنا الفيفا المصرى كانت موديل لحاد 2005 و لكن الفيفا كانت لحاد 2001 او 2002

و كمان الناس اقبلت على الفيرنا العادية مش الفيفا فا حتلاقى الفوانيس و الذى منة متوفر

و كمان الى نعرفة احسن من الى منعرفوش

و فى التهاية لك الاختيار

[temoo_110]

طيب وبالنسبة للفيرنا 1300 ايه رايك فيها

[fahd_628]

طيب وبالنسبة للفيرنا 1300 ايه رايك فيها

بصراحة يا باشا مسمعتش عن فيرنا 1300 سى سى

انا اعرف بس ال 1500 و ال 1600 !

[temoo_110]

لا هيا موجودة فى التوكيل 1300 ومعاها تكييف وباور وكاسيت
انما 1600 فهيا كاملة بس مش عارف ايه معاها زيادة عن 1300

[Abonora]

بص انت تشيل من دماغك خالص ال 1300 ديه اذا كانت موجودة لان اي عربية بيتحط فيها موتور اقل من المصمم لوزنها وشاسيها بتبقي وحشة وسحبها ضعيف واستهلاك البنزين اكبر والحمل علي الموتور اعلي

الحاجة التانية انك تشيل من دماغك الهندي برضوا لانة طلع ولا نزل تقفيل شرق اوسطي يعني تقفيل درجة تاني علي افضل حال ده بالاضافة لكلام فهد ان قطع غيارها مش متوفرة (فوانيس وشبكة واكصدام) زي الفيرنا العادية وكمان سعر اعادة البيع لسه مش معروف وممكن يقل عن سعر الفيرنا العادية لو اتحطوا مع بعض في مقارنة

اخر حاجة لازم تعرفها ان فيه حسبة انت بس اللي تقدر تحسمها بين الشاهين والفيرنا
الاتنين قطع غيارهم متوفرة وصيانتهم سهلة ومش مكلفة وان كانت الشاهين اسهل واوفر
بس الشاهين معمرة اكتر من الفيرنا والفيرنا احدث في التكنولجيا والشكل
انت اللي تقرر انت عايز ايه علي حساب ايه

[bassam nagy]

فيرنا 1600 تقفيل مصرى موتور قوى على العربية حلوة احسن من الهندى فول اوبشن اما بالنسبة لموضوع الزاويا هو مش كل الفيرنا فى مشكلة الزاويا ومايمنعش انوا فية بعضها بياعنى من الزاويا بس الموضوع موقت وبيتحل

[temoo_110]

اشكر جدا كل الاعضاء الذين تم الرد على اسئلتى
اما بالنسبة لموضوع الشاهين انت فاهم انا عاوز سيارة شكلها حديث وحديثة فى التكونولجيا بتاعتها وفى نفس الوقت تكون قوية ومفهاش مشاكل كتير وعلى قد فلوسى
فانا حاسس ان الفيرنا سيارة كويسة مش واحشة بس المشكلة التوكيل بتاعها هنا اللى سمعت عنه كلام وحش جدا وغير كده فى المقارنة بينها وبين الهندى علشان هو ده اللى متوفر امامى للشراء فخايف اتسرع فى الشراء واقول ياريتنى كنت جبت التانية
مع الشكر لكل الاعضاء

[ايهاب عبد العزيز]

ما حدش لسه يعرف حاجه عن الهندي ده، واكيد حياخد وقت على ما الناس تجربه وتعرف اذا كان فيه مزاي ولا كله عيوب ولا ايه نظامه، انا رأى انك تخليك فى ال 1600 المصرى عربيه منتشره اوى وحتلاقى حاجتها متوفره جدا وعربيه حلوه مش وحشه. انما الهندي بلاش لغايه لما نشوف الصيني حيعمل فينا ايه الاول وبعدين نبقى نشوف الهندي