دخان بسيط بيخرج من الشكمان لونه ابيض

[tota_ys]

الحمد لله اشتريت هيونداى اكسنت 2001 من اسبوع طبعا قبل ما اشتريها كشفت عليها فى البنزينه وطلع كبس الماتور 68 فى الميه والراجل اللى فى البنزينه قالى كويس
بس المشكله ان فى دخنه بسيطه لونها ابيض بيخرج من الشكمان وانا خايف يكون فى حاجة فى الماتور او يكون محتاج عامره
ف ارجو من اصحاب الخبرة الرد عليا اخوكم ولا بيفهم اى حاجة غير السواقه وخايف يضحك عليا عند اى ميكانيكى عايز اروح وانا فاهم

[m_adeleid]

الدخان اللي بيطلع ده بيطلع بأستمرار ولا مع الكبس بس؟

[ملك فرنا]

ولا بهمك ده بداية للموتور بس انت الاول عارف بكام موتور الاكسنت 1500 لو كامل بالفتيس 2500جنيه ولو فاضى 1500
يعنى ولا يهمك
واوعا اوعا حد يقولق اعمله عمرة ده عمرة فيه مبتنفعش خالص ولا يقلولق الموتور الاستراد مش مضمون نعمل الحاجة على ادنا احسن الكلام ده كله غلط
سيب الموتور يخلص و ابقى اشترلها موتور
واى وقت انا فى الخدمة

[ملك فرنا]

معلش نسيت اقول انك تخاد بالك من مقاس الزيت قوى وترجعه على طول طول مانت واخد بالك من الزيت مش هتعطل بيك

[Ashraf_Ibrahim]

الدخان الابيض دا امتى تحديدا؟!
مع بداية التشغيل الصبح مثلا؟ وبعد كدة ينتهي ؟
واللا على طول؟
واللا امتى بالظبط؟!
ولو خايف انه ينضحك عليك من الصنايعية ومحتاج مركز صيانة كويس عندك مركز سبيد كار سيرفيز
( Speed Service Center :: ( enghany - نايل موتورز - NileMotors.net
المهندس هاني فاهم شغله كويس جدا وراجل اخلاق وذوق جدا وبيراعي ربنا وضميره في شغله

[tota_ys]

ليا صديق بيفهم شويا فى الميكانيكا وشال خرطوم كدا من الماتور جنب العمه وقالى لو طلع دخنه بييضا يبقى كدا ماتور بس اللى حصل ان ما فيش اى دخان ابيض خرج من الخرطوم دا
لو مش عيب ماتور ممكن يكون عيب ايه تانى
اما حكايه الدخان دا اول ما بشغل العربيه مش اخدت بالى بصراحة بس وانا ماشى مش بشوف دخان طالع جامد يعنى وهاخد بالى بردور وهرد عليكم انا شاكر جداااااا لرد حضرتكم
العربيه 1300 سى سى

[ملك فرنا]

gلو متئكد ان الخرطوم الى شاله صحبك من العمة مبيجبش اى نسبة دخنة
يبقى اتوكل على الله و اعمل طقم اولسيه صباب و ده هيكلفك حزلى 300 جنيه
طقم اولسيه 30
جوان وش 35
والمكانيكى هيعمل روديه للصباب و يقفل الاةلسية و يخد من 120 الى 150
وزيت و فلتر

[khaled_legend]

ممكن يكون مياه التبريد دخلت علي المحرك و بتتحرق مع الزيت

[tota_ys]

ممكن يكون مياه التبريد دخلت علي المحرك و بتتحرق مع الزيت

بس انا غيرت الزيت ومافيش فى طحينه هو مش لازم لما الميه تدخل على الزيت يعمل زى ما بيقول طحينه
كان عندى فى الفليشيا بتعمل كدا
بس الاكسنت مافيش فيها كدا خالص

[khaled_legend]

اصل الجو غير بارد عشان نقول ان هذا الدخان مش عرض لمشكله ما