اطلع من حفره اقع فى .... اه منك يا فيرنا

[Chemist Shehap]

السلام عليكم ورحمه الله
يا جماعه هوه الطبيعى للفيرنا ان صوتها يبقى عالى وخشن ؟
صوت الموتور على مره واحده ( بعد ما غيرت زيت اخر مره والله اعلم )
مش عارف اعمل ايه
لسه مغير ل موبيل ال 5000 والمره اللى قبلها ( اللى هيا اول مره اغيرلها زيت ) كان كاسترول 3000
ملحوظه :
العربيه عدادها 182 الف كيلو
موديل 2005 / 1500
الزيت : كاسترول 3000 ثم الى موبيل 5000
افيدونى الله يباركلكم ولا يشمت لادا فيكم

[Ashraf_Ibrahim]

اذن انت محدد المشكلة
فيه مشاكل من موبيل تحديدا في صوت الموتور
طيب لما كنت حاطط كاسترول هل نقص معاك او صوت الموتور كان عالي؟!
لو منقصش وصوت الموتور كان كويس ليه متستمرش عليه؟!

[HAITHAM1985]

هوا الموبيل كده ...... لو مش عايز الصوت الخشن ده خليك فى كاسترول اللى بعتبره أحسن زيت دلوقتى أو حط ليكوى مولى وممكن الفالفولين زيت محترم

متتخضش على المكنة الزيت بيؤدى وظيفته بس مسألة الصوت دى هيا اللى مزعجة

[Chemist Shehap]

اذن انت محدد المشكلة
فيه مشاكل من موبيل تحديدا في صوت الموتور
طيب لما كنت حاطط كاسترول هل نقص معاك او صوت الموتور كان عالي؟!
لأ صوت الموتور ماكنش عالى بس الزيت نقص وزودته بس نقص حاجه بسيطه بس انا عندى مشكلتين علشان كده مش قادر احدد الصوت
أولا : ما عنديش فلتر الهوا والعمه لأنى اشتريت العربيه بفلتر تربو ( قلبت السويس على العمه الجزء اللى من فوق مش لاقيه ولا لاقى حتى العمه كلها )
ثانيا: الميكانيكى كان قايلى انت عندك كستبانين بايظين ومحتاج تغير عرايس تاكيهات .. فهل ممكن الصوت العالى ده بسبب ان العرايس كلها باظت مثلأ ولازم اغيرها ) ؟
لو منقصش وصوت الموتور كان كويس ليه متستمرش عليه؟!

لأن ناس كتير قالتلى عايز تحافظ على المكنه هات موبيل ال 5000 وطبعآ انا محتار ومش عارف اعمل ايه

[samihanwar]

هوا الموبيل كده ...... لو مش عايز الصوت الخشن ده خليك فى كاسترول اللى بعتبره أحسن زيت دلوقتى أو حط ليكوى مولى وممكن الفالفولين زيت محترم

متتخضش على المكنة الزيت بيؤدى وظيفته بس مسألة الصوت دى هيا اللى مزعجة

معالى الباشا انا عايز احطو فى الالنترا
بس مني أجيبو وبكام ؟
ولك جزيل الشكر

[alrazy]

معالى الباشا انا عايز احطو فى الالنترا
بس مني أجيبو وبكام ؟
ولك جزيل الشكر

السلام عليكم

حضرتك ممكن تجيبه من اى بنزينة طاقة ..... فى واحده على الدائرى بعد المرج تقريبا على الشمال و فى واحده فى قليوب ... هم كتييير .... الاسهل انك تتصل بيهم بيوصلوه لحد البيت مجانا ....aramex بتتصل بيهم و ده لو حضرتك من القاهرة الكبرى .... انا عملت كده و جالى للبيت و بعد ما وصل اتصلوا و سالونى ان كان فى اى ملاحظات و بعتولى ستيكر و نتيجه ..... انا مجربه فى الفيرنا لثالث مره و كمان جبته لمكنة الكهربا .... ممتاز

الرقم : 0227960101

تحت امرك

[dragking]

انصحك بتجربة زيت فيسكو 3000 بيقعد 10000 كم وثمنه 125 جنيه من اي محطة كار جاس