النترا 2009 تيل امامي احسن نوع اية

[dr_abooody]

السلام عليكم

كنت في التوكيل امبارح بعمل صيانة ال 50 الف

و غيرنا الزيت و زيت الفتيس

راح بص على التيل قالي دة خلاص كدة قرب يخلص تحب تغيرة قولتلة اه

قولتلة بكام الاول قالي ب 400 ج

طبعا قولتلة لا

لاني حسيت انة غالي بغباء

انا بفكر اروح لحد برة يركبة

اجيب نوع اية وهل في اصلي برة التوكيل

انا سامع ان في mobis و gold وحاجات تانية هل الانواع دة حلوة

و لا اجيب الاصلي منين

المشكلة اني خايف الاصلي دة يطلع مضروب

[Hacker5]

الموبيس هو الاصلى بتاع العربية و سعره 120 جنيه تقريبا
و الجولد ممتاز عن تجربة سعره مابين 70 و 80 جنيه

[حماده المصري]

مفيش احسن من الاصلي

اي تيل تاني لازم يستهبل معاك شويه ممكن تلاقيه بيطلع ريحه شياط او يصفر بعد كده الدنيا بتسلك

واعتقد انهم كلهم على السرعات والسخونه ضياع


التيل الاصلي موجود في شارع دمشق في رنج 270 جنيه وممكن تلاقيه مثلا ب 250 جنيه عند نافع

لو لقيت تيل موبيس هاته حتى لو رخيص او غالي لانه بينزل منه درجات منه زي الاوريجنال بالضبط

وممكن الموبيس العادي وبرضو هيبقى نضيف لانه كده كده موبيس هي شركه قطع غيار هيونداي مش هتنزل حاجه تعبانه

[dr_abooody]

الاقي الموبيس عند مين ؟؟

[roland_yamaha]

الاقي الموبيس عند مين ؟؟

ممكن في التوفيقية عند ابراهيم البنا أو جورج سليمان أو الفادي

[mahmoud_afifi]

ممكن في التوفيقية عند ابراهيم البنا أو جورج سليمان أو الفادي

ابراهيم البنا ماعندهوش موبيس. بيبيع الاصلي وب370 وعن تجربه كويس جدا بس غالي.

[Ashraf_Ibrahim]

فيه محل قطع غيار في جسر السويس كويس جدا اسمه اوتو عمرو
هتلاقي عنده موبيس
ركبه وادعيلي :d

[mazeen]

فيه محل قطع غيار في جسر السويس كويس جدا اسمه اوتو عمرو
هتلاقي عنده موبيس
ركبه وادعيلي :d

فين فى جسر السويس لو سمحت ؟

[Kareem.ElAraby]

أخر جسر السويس من ناحيه الحرفيين فيه مسجد كبير أوي قريب من شبراوي للفول و الطعميه بردو
الموبيس طبعا و فاكس أصلي

و الناس اللي ركبته شكرت فيه