استفسار بخصوص طقم صوت الانترا 2009

[roland_yamaha]

يا جماعة محدش غير عنده طقم الصوت قبل كده عاوز اعرف طريقة فك السماعات من البيبان عشان عاوز اغيرهم ولو في حد عامل اي شغل أو مركب صب يقولي علي تجربته واخبار الصوت بقي عامل ايه
محدش يطنش ضروري
الانترا(2007 - 2011)

[roland_yamaha]

مفيش حد يرد علينا ولا ايه

[samihanwar]

يا معالى الباشا مفيش اسهل من فكهم
انت اول حاجه حتفك المسماراللى ورا الطبه البلاستيك اللى فى يد الباب والمسمار اللى ورا الطبه بردو اللى فى اليد تحت وبعد كده تفك الفرش بتاع الباب من تحت تشدو براحه لأنو عباره عن كليبسات وبعد كده تفك الفيشه من الفرش وهتلاقى عندك السماعه فى وشك علاطول هتفكها من المسامير بتاعتها وتيشل الفيشه بتاعتها وخلاص كده هتلاقيها طلعت معاك
لوعندك اى استفسار انا تحت امرك

[roland_yamaha]

كل ده انا عارفه يا سامح المشكلة ان اللي ماسك السماعات عدد 4 مسامير برشام مش مسامير عادية تقريبا كده بتاعة الفابريكة معندكش فكرة بقي بيتفكوا أزاي
وبالنسبة للصوت عندك انت مركب ايه؟

[Kareem.ElAraby]

متابع

[samihanwar]

معلش ممكن تدينى فرصه عشان هبص تانى على السماعات

[roland_yamaha]

في الانتظار بس أهم حاجة تكون سماعات الفابريكة لأنها نازلة متبرشمة علي فكرة عربيتي خليجي معرفش غبور ايه نظامه

[Kareem Fawzy]

ولا اعرف اى حاجة عن الموضوع دة :)

[bakkarahmed]

انك توصل للسماعات دي حاجه سهله خالص لاني بافك فرش الباب بنفسي...بس عمري ما اخدت بالي انهم متبرشمين.....
لو هاتعلي طقم الصوت هاتركب ساعتها رف خلفي بسماعاته علشان ما تقطعش في الصاج...وتركب جي ام وتخليه يشتغل علي السماعات الجديده وهاتخلي القديمه شغاله عادي زي ما هي عالشان مش هاتستحمل جي ام...غير كده مش هاتحس باي تغيير يذكر

[roland_yamaha]

ولا اعرف اى حاجة عن الموضوع دة :)

علي كده بقي انت مش مغير حاجة في الصوت يا كيمو مش كده؟

[roland_yamaha]

انك توصل للسماعات دي حاجه سهله خالص لاني بافك فرش الباب بنفسي...بس عمري ما اخدت بالي انهم متبرشمين.....
لو هاتعلي طقم الصوت هاتركب ساعتها رف خلفي بسماعاته علشان ما تقطعش في الصاج...وتركب جي ام وتخليه يشتغل علي السماعات الجديده وهاتخلي القديمه شغاله عادي زي ما هي عالشان مش هاتستحمل جي ام...غير كده مش هاتحس باي تغيير يذكر

انا بصراحة مش مايل لفكرة تركيب رف خلفي لاكن خيالي إني أغير السماعات الأمامي لسوني 300 وات وأخلي الخلفي زي ماهما واجيب بازوكا بايونير 1400 وات في الشنطة علي جي أم يقومها وأخلي سماعات الابواب علي الكاسيت واقفل البيز بتاعهم واخلي البازوكا تقوم بالمهمة دي
ايه رأيك

[Mohab.Nabil]

انا بصراحة مش مايل لفكرة تركيب رف خلفي لاكن خيالي إني أغير السماعات الأمامي لسوني 300 وات وأخلي الخلفي زي ماهما واجيب بازوكا بايونير 1400 وات في الشنطة علي جي أم يقومها وأخلي سماعات الابواب علي الكاسيت واقفل البيز بتاعهم واخلي البازوكا تقوم بالمهمة دي
ايه رأيك

البازوكا هتبقى تقيلة اوى على سماعات الابواب اظن يعنى هتحس ان الاغنية كلها بيز

انا عندى مركب 4 سماعات 500 وات ورا بيضاوى و البازوكا مغطية عليهم شوية برضه

و الله اعلم

[bakkarahmed]

انا بصراحة مش مايل لفكرة تركيب رف خلفي لاكن خيالي إني أغير السماعات الأمامي لسوني 300 وات وأخلي الخلفي زي ماهما واجيب بازوكا بايونير 1400 وات في الشنطة علي جي أم يقومها وأخلي سماعات الابواب علي الكاسيت واقفل البيز بتاعهم واخلي البازوكا تقوم بالمهمة دي
ايه رأيك

لصوت هايطلع مش حلو ومعظمه دربكه..بالنسبه لي

[roland_yamaha]

ما اهو انا نفسي اركب بيضاوي بس معنديش مكان ليهم ومعرفش لو ركبت رف خلفي هيبقي شكله حلو ولا وحش مش متخيل شكله هيبقي عامل إزاي

[roland_yamaha]

لصوت هايطلع مش حلو ومعظمه دربكه..بالنسبه لي

طب حضرتك عندك تصور لنظام صوت كويس للالنترا 2009
مش مهم الصوت العالي يهمني الكواليتي أوي والبيز مظبوط مفهوش خروشة من رق السماعة