accent rb مميزات وعيوب

[elmo7amed]

السلام عليكم ورحمه الله وبركاته
اولا احب احى الموقع الجميل والقائمين عليه مع تمنياتى بالتوفيق الدائم..
انا محمد بحيى حضراتكم وحبيت بس ازيل الستار عن الشكوك الموجوده فى الاكسنت اربى 2012 انا اشتريت العربيه فى 10-6-2012 والحمد لله مشفتش اى شئ من المذكور عن عيوب السياره فى المنتديات والمواقع الاخرى والكثيره فى الاكسنت 2012

1-عيوب الاكسنت 2012
-الشئ الوحيد اللى مدايقنى فقط المساعدين الخلفيين ودا بيظهر ايضا فقط مع الاحمال الذائده بمعنى لو فى 3 اشخاص فى الكنبه الخلفيه زات اوزان زائده بيزهقونى كقائد سياره لكن لو 3 اشخاص ايضا زات اوزان عاديه فبيكون مافيش اى مشكله فى السياره .. تقريبا العيب الوحيد الموجود ويمكن وجوده فى اى سياره ؟؟

اما عن مميزات الاكسنت 2012
فيوجد
1-موتور قوى جدا ويقال انه موتور الالنترا 2011
2-سحب جميل وقوى ونعومه فى الموتور ..اللهم ما ديمها نعمه واحفظها من الذوال
3-تكييف ممتاز ولا يوجد تاثير ايضا على سحب السياره
4-شكل خارجى وداخلى للسياره اقدر اقول عليه انه راقى وممتاز جدا
5-طبعا وكيل مجربتش التعامل معه لكن اعتقد انه تحسن ايضا ..

دا يا جماعه بكل صدق وامانه رؤيتى للعربيه من خلال العمل والسير بها وانا وصلت بيها ل 180 صدقونى قوه وثبات مكنتش اتوقعه منها كسياره صغيره الحجم ...


مستنى الردود واى تعليق لحضراتكم انا موجود

[Samir Elshahawy]

ألف شكر لك علي تقريرك و ربنا يبارك لك في عربيتك و يكفيك شرها و شر الطريق

بس ياريت حضرتك توضح لنا بعض النقاط التالية كي يكون التقرير مكتمل :
- معدلات استهلاك البنزين (داخل المدينة - السفر - الأجمالي لهما)
- عزل الموتور و الصوت داخل الكابينة
- أداء التكييف
- التسارع تحت مختلف الظروف (حمولة - مطالع - ....)
- أرتفاع العربية عن الارض و أحتكاكها بالمطبات المصرية
- نعومة العفشة و مدي الاحساس بالمطبات و الطرق الغير ممهدة
- التحكم و التوجيه (عجلة القيادة) علي السرعات المختلفة
- توضيح أكثر للثبات في الملفات علي السرعات المختلفة
- الرؤية الامامية و الجانبية و الاحساس بابعاد السيارة
- أتساع الصالون و خاماته

و شكرا لك مرة أخري علي التقرير

[haissam24h]

الف مبروك بالنسبه للمساعدين الخلفين فى هنا موضوع عن تغيره فى التوكيل بالمساعدين المعديلن عشان الحمل الزائد والتنطيط وبيتم تغيرهم ببلاش فى التوكيل

[elmo7amed]

تحياتى لحضرتك يا استاذ سمير وحرد على حضرتك
اولا انا حتكلم عن نفسى اللى بيحصل معايا انا شخصيا
1- العربيه فى استهلاك البنزين تعتبر قياسيه جدا واقسملك بالله بمثال بسيط جدا انا كنت مسافر ولمبه البنزين نورت جبت فى كمبيوتر العربيه كام كيلو باقيين طلع 65 كم واقسملك انها مشيتهم بالظبط وربنا ستر انها وصلتنى لاخر بنزينه وفولت منها لان كان فى ازمه فى البنزين دا بالنسبه للبنزين نقدر نقول ان لكل 100 كم بتاخد حوالى 7 ليترات من غير تكييف .
2-عزل الموتور الحمد لله صوت العربيه مش مسموع تماما لحد 130 كم وبعد كده الصوت بيبان لكن مش عالى واقدر اقول على عزل الموتور ايضا انه جيد جدا
3-ارتفاع السياره ايضا طبيعى لكن احب اقول لحضرتك ان احنا معندناش مطبات فى مصر دى حواجز منيعه للعبور عليها لكن لو قائد السياره محترف حيعدى من غير ميأثر عليها وطبعا الطرق تقليديه جدا لتخطى المطبات!!!
3-التسارع انا كنت فى مشوار مع واحد صحبى هو ووالدته واحنا راجعين جت معانا خالته والحمد لله خالته من ذات الاوزان العاليه جدا يعنى ممكن نقول عليها 160 كم ركبت ورا هى وصحبى ووالدته وعمه قدام عاوز اقوله انه كان يوم صعب عليا لانى كنت خايف قووى منها بس مقدرتش اتكلم طبعا بس صدقنى والله مكان فى تاثير على اى حاجه والحمد لله عدى اليوم بس مجربتش بقه التسارع بالاحمال لانى بخاف قوى على العربيه ...
4-نعومه العفشه والاحساس بالمطبات ..انا مش عارف يعنى ايه نومه العفشه بس انا بحس بالمطبات الجامده يعنى لكن العاديه اعتقد انها عاديه
5-عجله القياده جميله جدا وثابته جدا وبتتقل اكتر مع السرعات العاليه اقدر اقول عليها ممتازه
6-الثبات فى الملفات مجربتوش ومقدرش اعمله كده وانا على سرعه عاليه ؟
7-الرؤيه الاماميه جميله وطبيعيه والخلفيه ايضا واعتقد دى تتوقف على حسب التعود على السياره
8-اتساع الصالون دا ممكن تجربه بنفسك فى اى سياره اكسنت وتشوفه بنفسك لانه فعلا محنرم جدا ولعلمك انا طوالى 188سم ودا مش بياثر عليا فى حاجه ولو حتى حد راكب ورايا ..

دا صدقنى تجربه مع العربيه بمى يرضى الله انا لا شغال هنا ولا هنا وكل ما فى الامر انى بقول رأيى بكل صدق وامانه وربنا هو الرقيب الحسيب .... معلش طولت فى الرد علشان بس استوفى كل الامور وشكرا لحضرتك ..

[elmo7amed]

الاخ اللى بيقول انى ممكن اغير المساعد الخلفى ببلاش ممكن يكلمنى يعرفنى فين وازاى لانى اتصلت وكلمتهم عنهم قالو انهم ب 1400 جنيه فياريت تساعدنى فى الموضوع دا ولحضرتك جزيل الشكر والتقدرير ..
EMAIL- elmo7amed@yahoo.com
mobil- 01069391339

[abogharib]

دا الموضوع بتاع تغير المساعدين للاربى

http://www.nilemotors.net/Nile/309515-exclamation-rb.html

[elmo7amed]

شكرا لتعب حضرتك بس انا فعلا عن طريق الموضوع دا عملت شكوى فى موقع هيونداى وردو عليا فى نفس اليوم بالايميل واديتهم البيانات وسالت عن السعر قالى 1400 ... مافيش حاجه ببلاش فى التوكيل يا جميل

[A.Adel]

هو ال power steering في ال accent غير ال elantra ؟؟

أصل أنا شفت بتاع ال elantra
عالسرعات ما يطمنش خالص , غير بتاع kia بصراحة

ممكن أنا مش متعود عليه :)

[ibn_seena]

حضرتك لو جربت تاخد دوران قاسي علي 170 مثلا. هتعرف ثبات العربيه كويس
مش بعيد تلاقيها ماشيه علي عجلتين. ..
ولو المساعدين الجداد معدلين يبقي من حقك تغيرهم بدون دفع ولا مليم

[atyam]

شكرا لتعب حضرتك بس انا فعلا عن طريق الموضوع دا عملت شكوى فى موقع هيونداى وردو عليا فى نفس اليوم بالايميل واديتهم البيانات وسالت عن السعر قالى 1400 ... مافيش حاجه ببلاش فى التوكيل يا جميل

1400 ايه؟؟؟ لا لا لو انت عربيتك نازله بالمساعدين القديمة اللى بتنطط العربية وخصوصا مع الاوزان

يبقى روح التوكيل واعملهم غاغا هناك وقلهم ناس كتير جت غيرتها ببلاش

وعلى فكره انا واحد منهم وحاولت معاهم حوالى شهرين لحد مركبيتهم وببلاش

[A.Adel]

حضرتك لو جربت تاخد دوران قاسي علي 170 مثلا. هتعرف ثبات العربيه كويس
مش بعيد تلاقيها ماشيه علي عجلتين. ..
ولو المساعدين الجداد معدلين يبقي من حقك تغيرهم بدون دفع ولا مليم

واسعه شوية 170 دي ;)
حتى الأوروبي مياخدش tight corner على 170 ,أصل احنا مش راكبين super cars
قول 100 مثلا ده لو tight :)

[elmo7amed]

طيب قولى روحت توكيل ايه بالظبط وعملت ايه وانا اروح واجرب واشوف ايه اللى حيحصل
وممكن لو سمحت بس تكلمنى ياهو علشان نشوف الموضوع دا
elmo7amed@yahoo.com مســــــــــــــــــــــــــــــــــــــــــــــــ ـــــــــــــــتنيك

[elmo7amed]

دوران على 170 طيب خلينى معاك على كده انا حبقى مجنون واعملها بس قطر الدوران دا كام مهى تفرق انت لو ماشى طبيعى اصلا وجه دوران خفيف جدا وانت ماشى بسرعه باى عربيه بيكون فى قلق بسيط طيب لو دوران كسر بقه اسمحلى احنا مش فى need for speed most wonted