متعه القياده والرفاهيه accent rb 2012

[elmo7amed]

السلام عليكم ورحمه الله وبركاته
من خلال الموضوع نحب نعرف مدى رضى قائدى اكسنت 2012 فى القياده وقوه السياره وما هو مواضع القلق فيها ايضا وماذا تشعر عند القياده بسرعات عاليه تتخطى 140 كم

اولا انا حتكلم عن نفسى
انا بستمتع جدا فى قياده السياره
وبحس انى طاير وبحب قوى العربيه وهيه بتعمل كل اللى انا عاوزه منها فى اى شى الحمد لله اكسنت مخيبتش املى فيها انا وصلت بيها لسرعه 180 كم وبصراحه بقيت مش مصدق انها ماشيه بالطريقه دى وحسيت بقوه الموتور وصوته الطبيعى غير المزعج فى السرعات العاليه دا لفتره قصيره لتجربه السياره مع العلم انى جبان قوى فى السرعات العاليه يعنى الطبيعى بتاعى انى مش بعدى 120 كم

[akmm]

هى اصلا عربيه جميله .

[Samir Elshahawy]

طيب قولنا أيه رأيك في الفرامل علي السرعة العالية اللي وصلت لها

[elmo7amed]

طيب قولنا أيه رأيك في الفرامل علي السرعة العالية اللي وصلت لها

طبعا زى محضرتك عارف يابش مهندس سمير ان الضغط المفاجى على الفرامل فى سرعات عاليه يمكم ان يؤدى الى كوارث لكن انا لما هديت بالعربيه كنت بلمس فرامل فقط لتوقف السياره وتبطئ من سرعتها اعتقد انها فرامل قويه ايضا لانى اتعرضت للفرامل فى اكثر من موقف من غير سرعه والحمد لله بحس ان الارض بتحضنى لما بضرب فرامل العربيه وثابته ماشاء الله

[khaled_legend]

عملت تجربه قياده ليها و بصراحه كانت غير ممتعه بالمره و انا مش فاهم ازاي عربيه بالسعر ده بدون اي وسائل امان

[SAMEH_FOUAD]

هو فى الاول وفى الاخر ربنا يباركلك فيها ويحببك فيها كمان وكمان

بس معلش اسمحلى انا صاحبى اللى معاة العربية نفسة بيقولى كلمة واحدة ( فراملها ززززززفت ) وبسببها لبس اكتر من مرة , وهو دلوقتى عارضها للبيع بسبب ضعفها وكمان الثبات الضعيف اللى مخلية مش عارف يجرى غير بس لما بيكون فى طريق سفر واخرة 140 عشان الثبات وساق اكتر من واحدة لاقها بنفس الطريقة , وربنا يبعد عنك وعن السامعين عمل بيها حادثة بسبب الفرامل مالحقتش تقف وهو على سرعة 50 كم بس وكانت فية مسافة كافية , دة غير الثبات الضعيف على سرعات مابعد ال120 , طبعا الثبات مش هتعرفة غير لما تاخد غرز على سرعات عالية لكن محدش بيقول على عربية ثابتة وهية ماشية فى طريق مستقيم

بلاش اقولك كلامى عنها , لانى بسوقها كتييييييير جدا

ومعلش اعذرنى انى دخلت كدة فى الموضوع بس بجد والله العربية دية خفيفة فى كل حاجة ( فراملها - ثباتها ) فحاول تتجنب بيها الجرى بالسرعات العالية لانها فعلا خفيفة بجد كحال كل سيارات هوينداى
وربنا يسترها معانا ومعاك

[john55]

انا معايا اكسنت ار بي بصراحه انا اخري فيها 120 او 130لاني بحس فعلا انها مش ثابته واقدر في اي لاحظه اني اسيطر عليها في سرعه120لكن غير كدا انا بخاف منهاوشكرا

[ibn_seena]

نفسي حد يمشي بيها علي 160 وفجاه يغير الحارة اكنه بيفادي كلب مثلا ويقلنا ايه اخبار الثبات. ....
ما فيش حاجه اسمها ثبات في طريق مستقيم
ثبات العربيه بيبان في الغرز والمواقف الصعبه. ...
كفايه العربيه ما فيهاش abs.
انا سقت الالنترا الجديده
هي ممتازة جدا لحد 130. بعد كده. اكني راكب الهوا

[elmo7amed]

ههههههههههههههههههههههههه يبقى انا عربيتى مش اكسنت وانا مش عارف انا عاوز حد يركب عربيتى يا جماعه يمكن انا بكون بحلم وانا ماشى بيها 180 وانا مش عارف ومشوفتش اى كلام من اللى بتقولوه دا خالص انا قلت عيب العربيه فى المساعد الخلفى فقط وغير كده انا الحمد لله مشوفتش مشاكل وربنا يكفينا شرها كلنا

[elmo7amed]

الجماعه بتوع هوندا عاملين علينا كمين يا رجاله هجوووووووووووووم .............. اولا شرفتونا بالتعليقات الجميله دى واهلا بيكم فى منتدى هيونداى وعقبال مينضاف ليكم ى بطه علشان تبقوا هيونداويه :))

[atyam]

هو فى الاول وفى الاخر ربنا يباركلك فيها ويحببك فيها كمان وكمان

بس معلش اسمحلى انا صاحبى اللى معاة العربية نفسة بيقولى كلمة واحدة ( فراملها ززززززفت ) وبسببها لبس اكتر من مرة , وهو دلوقتى عارضها للبيع بسبب ضعفها وكمان الثبات الضعيف اللى مخلية مش عارف يجرى غير بس لما بيكون فى طريق سفر واخرة 140 عشان الثبات وساق اكتر من واحدة لاقها بنفس الطريقة , وربنا يبعد عنك وعن السامعين عمل بيها حادثة بسبب الفرامل مالحقتش تقف وهو على سرعة 50 كم بس وكانت فية مسافة كافية , دة غير الثبات الضعيف على سرعات مابعد ال120 , طبعا الثبات مش هتعرفة غير لما تاخد غرز على سرعات عالية لكن محدش بيقول على عربية ثابتة وهية ماشية فى طريق مستقيم

بلاش اقولك كلامى عنها , لانى بسوقها كتييييييير جدا

ومعلش اعذرنى انى دخلت كدة فى الموضوع بس بجد والله العربية دية خفيفة فى كل حاجة ( فراملها - ثباتها ) فحاول تتجنب بيها الجرى بالسرعات العالية لانها فعلا خفيفة بجد كحال كل سيارات هوينداى
وربنا يسترها معانا ومعاك

كلام سليم 100% وانا من ملاك العربية وبقالها معايه سنه

العربية حلوة ماشاء الله وشيك وصالون تحفه وجرايه وكان فعلا اصعب عيب فيها المساعدين الخلفيه ودلوقتى التوكيل حلها بتغييرها

بس فعلا فراملها زفت وخصوصا زى عربيتى اول فئه من غير abs وثباتها متامنلهاش من بعد 130 ومع العلم انا جنطها 16 وعرضت الكاوتش 205 للسبب ده وبقيت ثابته عن الاول بس العفشه بقيت زفت ولازم كل فتره اروح اربط واظبط زواية

والاسؤ بقى انى غيرت تيل فرامل فيها بعد 15000 كيلو!!!!! وتمنه 550 جنيه يا رجاله

[john55]

لو سمحت ايه اعراض انتهاء تيل الفرامل

[Ahmed salamaa]

والله عربية قوية جدا و ثابتة و مع اخويا بسوقها كتير جدا و جايب بيها 210 و ثابتة بجد علي الارض و بخيط بيها علي ال160 عادي جدا علي الدائري كل يوم رايح جاي و فراملها تحفة بجد و الصراحة مشفتش منها اي عيب يذكر حتي الان

[elmo7amed]

والله عربية قوية جدا و ثابتة و مع اخويا بسوقها كتير جدا و جايب بيها 210 و ثابتة بجد علي الارض و بخيط بيها علي ال160 عادي جدا علي الدائري كل يوم رايح جاي و فراملها تحفة بجد و الصراحة مشفتش منها اي عيب يذكر حتي الان

210 اسمحلى بقه انت اضربك على ايديك واقولك متعملش كده تانى احنا محتاجينك معانا وربنا يطول فى عمرك وتعقل علشان كده غلط وربنا يكفيك شرها

[Ahmed salamaa]

210 اسمحلى بقه انت اضربك على ايديك واقولك متعملش كده تانى احنا محتاجينك معانا وربنا يطول فى عمرك وتعقل علشان كده غلط وربنا يكفيك شرها

لا ماهي كانت مرة و راحت لحالها ربنا يباركلك يا رب و يكفيك شر عربيتك انت كمان و بعدين انا اصلا في الاساس مازداوي بس موديلات القديمة بقي كيييف عندي الاكسنت دية بتاعت اخويا بس عربية محترمة مشاء الله عليها