شوية أسئله للأخوه الجتزاويه

[Morieno]

السلام عليكم

العربيه جيتز 2008 اوتو معايا بقالها شهر
اولا العربيه باشا باشا باشا
بكره فيها ان مافيهاش عداد حراره ولا حتى لمبه تقولى ان العربيه بارده استنى لما تسخن غير كدا باشا فعلا
دا غير ان الباشمهندس سمير الشهاوى هو العضو المنتدب بتاع قسم الهيونداى ودا ميزه فى العربيه فعلا

الأسئله بقى :

السؤال الاول:
بالنسبه لزرار ومؤشر الاوفر درايف (od) لما ينور فى الطابلوه يبقى كدا الوفر درايف شغلا ولا طافى
اللى اشتريت منه العربيه بيقول طالما منور يبقى شغال
الكتالوج بيقول طالما منور يبقى طافى
دا غير ان المؤشر اللى بينور مكتوب عليه (od off) يعنى بالمنطق المؤشر بيقول الوافر درايف مقفول
وانا مابقتش فاهم

السؤال الثانى:
بالنسبه لتغيير زيت الفتيس الاتو : كل كام وينصح باي نوع وبكام

السؤال الثالث:
بالنسبه للبنزين ايه معدل الاستهلاك الطبيعى للعربيه الجيتز الاوتو


السؤال الرابع:
هى الجيتز كلها شنتها مش بتقفل مع لوك العربيه (يعنى لازم اقفل شنطة العربيه بالمفتاح) ولا دى بايظه ولا موديلات وموديلات وفى واحد بتاع ببان قالى هاعملها سنتر مع لوك العربيه - ايه رايكم فى الاقتراح دا

السؤال الخامس:
ممكن الاقى مسند للايد بتاعتها استيراد ولا لاه وهل بتاع الفيرنا او النيو اكسنت ينفع معاها ولا لاء خصوصا انه موجود فى الكتالوج

اسف يا شباب على الاطاله وارجو الرد والتواصل

[Morieno]

ايههوا الموضوع صعب قوى كدا ولا ايه

[Morieno]

بجد محبط من عدم الرد وقلة الاهتمام

[haysam2000]

معلش بقى بس انا شفت الموضوع متاخر

اولا عن خبرة فى عربيتى و جيتز واحد صاحبى (انا فيرنا)

1- فعلا الأوفر درايف طالما منور يبقى شغال عكس الكتالوج و عندى عكس اللى مكتوب على الفتيس نفسه (عربيتى كورى زى الجيتز) و بالتجربه خليه ينور (يعنى شغال) العربيه مش هتنقل من التالت للرابع و العكس صحيح لو مش منور العربيه هتجيب النقله الرابعه عادى جدا

2- ينصح كل 30.000 كيلو و زيت شيل الأسود كثافه و كفائة فى التشغيل

3- الجيتز موفرة جدا فى البنزين يعنى 20 لتر = حوالى 260 كيلو

4- فعلا الشنطه مش بتقفل مع اللوك و لازم تقفلها بالمفتاح و ممكن توصلها على السنتر و مفيش ضرر (صاحبى بتاع الجيتز عاملها)

اى استفسار فى حدود معلوماتى انا تحت امرك