اكسنت على المحك

[elmo7amed]

انا دلوقتى عملت الموضوع دا علشان الاراء بقت كتير قوووى ومختلفه بالنسبه لاكسنت ار بى 2012 ..ناس بتقول ان العربيه جميله جدا وثابته وقويه وناس بتقول انها ضعيفه جدا وفراملها ضعيفه وغير ثابته ايضا لو سمحتم كل ملاك اكسنت يقول رايه فى العربيه مع مواصفات السياره وسنه الصنع وكل الكماليات اللى فيها وجايبها منين ؟ وشكرا




وحبدأ انا بأكسنتى ؟ :))

1-اكسنت اربى 2012 مانيوال
2-اللون ابيض
3-ebs
4-تكيبف وباور وسنتر لوك وازاز كهربا
5-لمبه التشك موجوده
6-انذار
7-سعر 97000 الف
8-المصدر ابو رواش القاهره

العربيه والله جميله جدا الحمد لله وبتعمل كل اللى انا عاوزه منها ومافيش اى مشكله غير بس المساعد الخلفى وهو ايضا لا يعتبر مشكله قويه فى العربيه لكن تغيره افضل

ثبات موجود
قوه موتور موجود
عازل موتور فى السرعه موجود
ثبات الدركسيون فى السرعات العاليه لدرجه انى بحس بقوته
ــــــــــــــــــــــــــــــــــــــــــــ
[gdwl]
مع تحياتى
محمد عطيه ودى بتاعت باش مهندس سمير الشهاوى ومحدش يقلده عيب

[Ahmed salamaa]

نفس مواصفاتك بالظبط بس اللون برونزي و عربية جراية و حلوة جدا و فراملها زي الفل بس سمعت انها بعد المساعدين الخلفية ما تتغير بتبقي لازقة علي الارض

[moh19227]

شكرااا ع التقرير وربنا يديك خيرها ويكفيك شرها

[Samir Elshahawy]

بداية كويسة جدا لمالكي الاكسنت الجديدة و بأشكر حضرتك جدا علي نشاطك
و أن شاء الله تلك النوعية من الموضوعات ستساعد في أكتمال الفهرس الخاص بموضوعات الاكسنت أر بي

و كل عام و حضراتكم بخير

[Ashraf_Ibrahim]

شيء رائع وفكرة جيدة جدا ان ملاك العربية يعملوا موضوع مجمع بحيث كل واحد يحط فيه تقييمه الخاص للعربية ووجهة نظره فيها
استمروا يا شباب
عاوزين ننطلق بلا هوادة في سماء نايل موتورز :d

[Kareem.ElAraby]

ايه هو ال EBS !?
انا عارف ال ABS : antilock brake system
EBD : electronic brake distribution
ESC: Electronic stability program
EPS : Electronic Power Steering

ولا زلت علي رأي مفيش عربيه هيونداي امان علي السرعات في الثبات و الفرامل لا سيما الكاوتش العره اللي بتنزل بيه معظم الموديلات اللي ناس بتقول و البينه علي من ادعي انه صيني
و ناس كتير لما غيرته قالت الفرامل بقيت نسبيا أحسن

[Eng.Geo]

تسمحولي ؟!
النهاردة أول مرة أشوف ال rb بتعمل كدة
كنت عالدائري وحتة ملف وفيها مطبات هوا كتير ورا بعض
كان واحد بيجري معايا ب rb وجيت عند الحتة ده كنت وراه وجه يخش المف تقريبا 120 ولقيت ضهر الهربية أتنطت أكتر من 10 مرات وكانت خلاص بتخرج مالملف
انا طلعت منه بسرعة وخدت الملف عالضيق لأنه كان أتطوح حارة كاملة
انا شايف ده عيب مساعدين واضح جدااااااا
يا أما العربية ده بايظة يا أما المساعدين اللي ورا بتوع العربية ده مش تمام
انا حتي كنت بعيب عالسيراتو الحركة ده .... بس ال rb بالمنظر ده تفوقت
خدوا بالكوا وربنا يستر

[Samir Elshahawy]

ممكن لو العربية مش مظبوطة (مساعدين - ضغط كاوتش - زوايا - .....) تعمل كده و أكثر من كده مش علشان هيا أكسنت أو هيونداي

كمان أحنا الطرق عندنا غير مطابقة للمواصفات أو نقدر نقول أن ماعندناش طرق أصلا علشان نقول العربيات عندنا كويسة و لا لأ

أحنا بالظبط بنصدر أحكام علي العربيات بدون أساس زي بالظبط اللي بيدخل أمتحان و هو مش مذاكر و لا الامتحان جاي من المقرر الدراسي و لا أصلا فيه مقررات دراسية يتحط علي أساسها امتحان و عايز يجيب بعد كده الدرجة النهائية

لذا أنا بأطلب من كل مالكي الاكسنت أر بي الجديدة أنهم يشاركونا في الموضوع ده و يقولوا بكل صراحة رأيهم في العربية و المشاكل اللي ظهرت معاهم خلال الفترة دي و ياريت لو الفترة دي كانت اكثر من سنة علشان نقدر نقول تقييمنا علي العربية بشكل كويس و مظبوط

[Kareem.ElAraby]

مهندس سمير
حضرتك بتقول الطرق عندنا غير مطابقه ماشي أكيد متفقين علي النقطه ديه بس ما العربيات التانيه ماشيه علي نفس الطريق بردو ايه الفرق ؟!
ايه اللي مخلي فراملها أحسن و ثباتها أكتر بغض النظر عن ان صاحبها معدل أو مجنط !
انا بأتكلم في عربيتين ستوك مش ملعوب فيهم عاوز تعدل بقي ادفع و هنا تختلف المعايير علي حسب قدر الفهم و الميزانيه المتاحه
عاوز عربيه أرخص من الار بي و فرامل و ثبات أقولك البروتون ساجا شوف الثبات و البروتون جين تو
فرامل ما أفتيش
ارجع و أقول هيونداي = شكل + منظر لكن و أه من لكن لا فرامل ولا ثبات ممكن لو abs أو ebd الامور تتحسن شويه + هيونداي فقدت السعر المتهاود و الصيانه السهله و المصنعيه الرخيصه و انت سيد العارفين ما انت مجرب في عربيتك سواء توكيل أو موزع معتمد

[Samir Elshahawy]

مش للدرجة دي يا كريم
فرامل العربيات دي مش وحشة للدرجة يعني أنت عايز تجري علي كام و تقف في مسافة قد أيه ؟

و بالنسبة للثبات لازم نتفق الأول علي معيار الثبات قبل مانقول العربية ثابتة و لا لأ
يعني لما عربية تأخد ملف حاد علي سرعة 170 كم/س و تفضل في نفس الحارة تبقي ثابتة و لا لأ

عموما أفضل أننا نتناقش في الموضوع ده بكرة لما نتقابل أن شاء الله و أحنا بنفرم سندوتشات اللحمة و السجق

[SAMEH_FOUAD]

نفسى والله اشوف الهيونداى بتاخد ملفات عادية حتى مش حادة على السرعة دية ., بجد انا كل مرة بشوف وبركب والهيونداى فكرتى واحدة عمرها ماتغيرت ,

يمكن الحاجة اللى شوفتها بتتغير ان العربية بجد كل مابتمشى اكتر حالتها بتسوء اكتر

[Samir Elshahawy]

يمكن الحاجة اللى شوفتها بتتغير ان العربية بجد كل مابتمشى اكتر حالتها بتسوء اكتر

غريبة مع أن معايا هيونداي موديل 2012 و عامل بيها 30000 كم و الحمد لله حالة العربية زي ماهي لما كانت زيرو

و كمان معايا جيتز موديل 2007 عاملة 66000 كم و أنا ثاني مالك لها و حالتها تقريبا زي الجديدة (84 %) حسب تقرير الكبس اللي عملناه قبل مانشتريها و مش بس كده لما أحب اشد مع اي عربية حتي لو كانت هوندا بأشد بالجيتز القديمة التعبانة اللي المفروض أن حالتها ساءت

سمسم ... أحنا بكرة موجودين في المضيفة ياريت تيجي و نتكلم هناك

[Kareem.ElAraby]

مش للدرجة دي يا كريم
فرامل العربيات دي مش وحشة للدرجة يعني أنت عايز تجري علي كام و تقف في مسافة قد أيه ؟
عاوز أجري180 و أضرب فرامل في بطن العربيه , العربيه لا تتحرك مم يمين ولا شمال و تقف بمنتهي السلاسه و لو في مياه كمان يبقي كتر خير الدنيا

و بالنسبة للثبات لازم نتفق الأول علي معيار الثبات قبل مانقول العربية ثابتة و لا لأ

شوف حضرتك اختبارات الثبات علي ال you tube و قولي !
يعني لما عربية تأخد ملف حاد علي سرعة 170 كم/س و تفضل في نفس الحارة تبقي ثابتة و لا لأ

تبقي ثابته لما جسمها يبقي علي ثابت مش مايل و تحس بديل العربيه ماسك نفسه مش بيلعب و لما تغير حاره لحاره في غرزه نتش العربيه زي الطوبه مش زي الريشه شوف حضرتك اختبار الكاوتش بريدج بوتينزا أدرينالين علي النت و حضرتك هتعرف انا قصدي و ديه كده مثال بسيط

عموما أفضل أننا نتناقش في الموضوع ده بكرة لما نتقابل أن شاء الله و أحنا بنفرم سندوتشات اللحمة و السجق

انا بأفضل أفرم البطاطس !
البطاطس هناك حلوه

[toty_305]

-هي فعلا المساعدين اللي وراه لو ضغط على العربيه و هي واقفه طريه جدا كأنها بايظه
-في السفر ال eps الحساسيه بتاعته مزعجه أي لمسه بتروح
-محتاجه الجنط ال 16"
-غير كده العربيه 100%

[SAMEH_FOUAD]

غريبة مع أن معايا هيونداي موديل 2012 و عامل بيها 30000 كم و الحمد لله حالة العربية زي ماهي لما كانت زيرو

و كمان معايا جيتز موديل 2007 عاملة 66000 كم و أنا ثاني مالك لها و حالتها تقريبا زي الجديدة (84 %) حسب تقرير الكبس اللي عملناه قبل مانشتريها و مش بس كده لما أحب اشد مع اي عربية حتي لو كانت هوندا بأشد بالجيتز القديمة التعبانة اللي المفروض أن حالتها ساءت

سمسم ... أحنا بكرة موجودين في المضيفة ياريت تيجي و نتكلم هناك

ربنا يباركلك فيها بس دة اللى بيحصل مع كل سيارات هيونداى بتوع اصدقائى , كل مابركب العربية بحس انها اصبحت اقل اداء من ناحية العفشة , صوت التزييق بقى مسموع اوضح

حاجة بايظة مش شغالة اخرهم واحد صاحبى رايح الشغل صباحا ومعاة rb بيفتح الباب وجاى يقفلة مش عايز يقفل فضل 10 دقائق عشان يقفل الباب ويرزع فية مافيش لحد مارزعة بغباء راح قافل
والعربية ولا واخدة خبطة او اى حاجة نهائى

ماشى 84 % كبس ماتور من 2007 حضرتك عارف ان الهوندات اللى موديلات 1992-2000 كبس مواتيرها بيكون 84% مع القرص والقيادة الرياضية يعنى بتجرى بمتوسط 15 سنة مثلا وماتورها كبسة 84% يعنى لو على محركات هيونداى هتلاقى كبس المحرك اصبح 70% بعد 20 سنة يعنى الماتور ودع والقيادة عادية مش رياضية

معلش ياباشا الجيتز اخر عربية حد يفكر يجرى بيها لانها خفيفة جدااااااااااااااااااااااااا انا ركبتها مرتين حسيت انى هطيييييييير بجد بدون مبالغة