الرائعه النترا 2012

[ibn_seena]

كل واحد بيعز عربيته جدا وبيفخر بيها
مهما كان اداؤها سيئ او غير مرضي لشخص اخر
لان القرد في عين امه. ..... غزااااال

[mhkash]

يعنى حضرتك عايز تفهمنى انك عمرك ماسوقت بالطريقة دية , وانك لما سوقت بالطريقة دية لبست الناس فى بعض

والله انا الحمد لله بسوق بالقيادية دية طول عمرى وعمرى ماأذيت حد او حتى خليت اللى بعمل قدامة الغرزة , انة حتى يدوس فرامل او يحدف على اللى جنبة عشان يتفاداتنى , انا بخاف على الناس قبل نفسى

مافيش ياباشا فى مصر خالص احنا كلنا ماشيين ببركة وستر ربنا [/quote]

صح معاك حق ، كلنا ماشيين بستر ربنا ، وانا عن نفسي بالتزم بالسواقه السليمه - يعني بالتزم بسرعة الطريق و حتي كمان سرعة الحارات على الطريق و بادي اشارات وبربط الحزام و باصر ان اللى راكبين معايا يربطوا الحزام من قبل حتي صدور قانون المرور وكده

بس لا تنكر ان السواقه الملتزمه هي اسلم طريق للحفاظ على عربيتك و عربيات اللى حواليك

وللامانه انا مبعرفش اعمل غرز او امركه او حاجات من دي ولا حتي كان نفسي اتعلم الحاجات دي خالص - يمكن عشان اول ما اتعلمت السواقه كان عندي 30 سنه واكنت عربيتي وزيرو و كنت خايف عليها جدا
وشكرا

[Samir Elshahawy]

و الله أنا نفس الكلام لدرجة أن اللي بيركبوا معايا (لو مش فاهمين في قواعد الأمان و السلامة) بيتخنقوا حتي الابواب و الشبابيك بأفتحها بقدر مناسب أوأتحكم أنا في غلقها خاصة لو معايا اطفال في العربية

و برضه أنا زي حضرتك ما اعرفش يعني أيه غرزة و أيه هيا الالغرزة المقفولة و المفتوحة و القطم و الفروق بينهم لأني شايف أن ده شغل ترزية مش قيادة سيارات

كل اللي أعرفه عن القيادة هو أنها

فن - ذوق - أخلاااااااق

[mhkash]

و الله أنا نفس الكلام لدرجة أن اللي بيركبوا معايا (لو مش فاهمين في قواعد الأمان و السلامة) بيتخنقوا حتي الابواب و الشبابيك بأفتحها بقدر مناسب أوأتحكم أنا في غلقها خاصة لو معايا اطفال في العربية

و برضه أنا زي حضرتك ما اعرفش يعني أيه غرزة و أيه هيا الالغرزة المقفولة و المفتوحة و القطم و الفروق بينهم لأني شايف أن ده شغل ترزية مش قيادة سيارات

كل اللي أعرفه عن القيادة هو أنها

فن - ذوق - أخلاااااااق

فعلا معاك حق السواقه فن وذوق واخلاق و ده اللى بتشوفه فى كل الدول دلوقتي سواء فى الشرق او الغرب حتي الدول اللي كانت ناميه الى وقت قريب - تقدمت هذه الدول بفضل الله اولا ثم لانهم اخذوا بالاسباب ومنها الالتزام و الوقوف عند الحدود

[msalama]

اكيد مش هتلاقوا فرق لان معظم اللى بيشترى كورى عارف هو جايبة لية ( سيارة بتؤدى الغرض منها - استعمال مدينة مالهاش فى الثبات العالى ولا الجرى بالمناورات ولا فرامل high performance , عشان كدة مريحة معظم الناس

يعنى انا لو والدى اشترى هيونداى مش هيجى يقولى العربية مش ثابتة على 140 كم مثلا لانة اخرة 80 كم , مش هيجى يقولى العربية فراملها وحشة على 200 كم لانة عمرة مابيعدى ال100 كم

مش هيحتاج ال +و- عشان يعرف التسارع بتاع السيارة هو ال d وشكرا , ولا عمرة هياخد غرزة عشان يعرف العربية بتعوم من ورا ولا لأ ولا هتعمل منة over steering ولا لأ

عشان كدة الهيونداى ناجح

واى شاب معاة هيونداى لا يمكن يقدر يعمل المناورات اللى بتعملها ال bmw و civic , subaru على سرعات عالية

رحم الله امرىء عرف قدر نفسة

الهيونداى حلو اوى عليها تمشى بيها عادى وبسرعات معقولة لان ولا الطريق ولا اللى حواليك ولا العربية هيساعدوك انك تعمل sport ride

و الله عجبنى اسلوبك جميل و مرتب مافيش تريقة احسن من كده بس واضح من كلامك إنك لسه ماركبتش الالنترا الجديده جربها و بعدين ابقى قول رأيك

[SAMEH_FOUAD]

و الله عجبنى اسلوبك جميل و مرتب مافيش تريقة احسن من كده بس واضح من كلامك إنك لسه ماركبتش الالنترا الجديده جربها و بعدين ابقى قول رأيك

ربنا يخليك ياباشا , بس انا ماسخرتش منها انا قولت حدودها فين , واعتقد دة شىء ناس كتييييييييييييييير جدا متفقين علية

[besbest]

انا من وجهه نظري الشخصيه المتواضعه جدا ان لو كل شخص حاول انه يطبق قواعد المرور والالتزام بقوانين المرور ده هيقلل جدا من نسبه حوادث الطرق المتفاقمه عندنا في بلدنا بس للاسف هي مسأله اخلاق والتزام لازم الموضوع يتغرس في الاطفال من وهم صغيرين علشان يكونو مسؤولين ويفهموا يعني ايه سواقه عربيه
والتزام بطريق وقواعد مرور ,اللي بيشتري عربيه كوري او ياباني او الماني الاغلبيه العظمي مش بيشتري علشان يجري ويلعب بالعربيه ويشد والكلام ده كل واحد بيكون له وجهه نظر في الشراء واخيرا من وجهه نظري ان الكوري اقتصادي جدا واعلي اعتماديه واقل مصاريف تشغيل بالنسبه للاسره المصريه متوسطه الحال .... واسف علي الاطاله

[svneleven]

اكيد مش هتلاقوا فرق لان معظم اللى بيشترى كورى عارف هو جايبة لية ( سيارة بتؤدى الغرض منها - استعمال مدينة مالهاش فى الثبات العالى ولا الجرى بالمناورات ولا فرامل high performance , عشان كدة مريحة معظم الناس

يعنى انا لو والدى اشترى هيونداى مش هيجى يقولى العربية مش ثابتة على 140 كم مثلا لانة اخرة 80 كم , مش هيجى يقولى العربية فراملها وحشة على 200 كم لانة عمرة مابيعدى ال100 كم

مش هيحتاج ال +و- عشان يعرف التسارع بتاع السيارة هو ال d وشكرا , ولا عمرة هياخد غرزة عشان يعرف العربية بتعوم من ورا ولا لأ ولا هتعمل منة over steering ولا لأ

عشان كدة الهيونداى ناجح

واى شاب معاة هيونداى لا يمكن يقدر يعمل المناورات اللى بتعملها ال bmw و civic , subaru على سرعات عالية

رحم الله امرىء عرف قدر نفسة

الهيونداى حلو اوى عليها تمشى بيها عادى وبسرعات معقولة لان ولا الطريق ولا اللى حواليك ولا العربية هيساعدوك انك تعمل sport ride

مع احترامي الشديد للهوندا و حبي ليها الا أن حضرتك ما ينفعش تحطها مع ال BMW و ال Mercedes (مثلا) في كفة واحدة لأنه ما ينفعش ننكر أنه فيه فرق بينهم بالظبط زي الفرق اللي بين الهوندا و الهيونداي و كمان أظن حضرتك متحامل حبتين علي الهيونداي و محسسني أنك بتتكلم علي 132 أو 125 و في نفس الوقت بتتكلم علي الهوندا و بتقول High Performance و كلام جامد جدا و بتحسسني أنها مازيراتي.
و مع ذلك فلازم أعترف أن أحد أسباب حبي للهوندا هو أنهاهي و السوبارو فعلا من السيارات الي عرفت تتعلق في ذيل الكبار أمثال ال BMW و Audi و غيره و اعطت الفرصة لكل واحد معاه قرشين علي قده زينا في مصر أنه يركب عربية ممكن نقول عليها رياضية و يستمتع بسواقتها.
علي فكرة أنا عندي الانترا 2012 و لو كانت هوندا ما غيرتش شكل السفيك كنت هشتري سيفيك بلا تفكير.
و تقبل فائق احترامي و تقديري.