كل شىء عن قطع غيار الماتريكس

[thegreatnileman]

باقترح ( بعد اذن السادة المشرفين ) على جميع السادة مالكى الماتريكس وضع اخر الاسعار لقطع الغيار لكل جزء تم تغييره ومصدر الشراء ومكان التغيير يعنى فى التوكيل ولا بره والمصنعيه كام وده حيفيدنا كلنا علشان ماحدش يدفع اكتر من اللازم واللى دفع كتير ممكن حد مننا يفيده بخبرته بس قطع غيار وبس يعنى بلاش اسعار سيارات وتضبيط وخلافه علشان يبقى الموضوع محدد .

على فكرة اذا كان الموضوع ده مش عاجبكم او مكرر والسادة مشرفى الموقع مش موافقين عليه ومسحوه انا مش زعلان والهدف الصالح العام

وانا مش حضيف اى مشاركة بالنسبة للموضوع ده الا بعد الموافقه وبدء المشاركة من السادة الاعضاء

وشكرا

[hrammah]

nice suggetion

[mohmd76]

نعم اوافقك الراى وكلامك سليم
لابد من اعلام الغير عن كل معلومة اكتسبها من تجربته مع الصيانة وقطع الغيار واسعارها كذلك نوع البنزين المستخدم والزيوت الخاصة بالموتور
وكل الاصوات التى تصدر من السيارة او اى عيب يظهر فيها

[momomania22]

حد عنده فكرة عن اسعار فلاتر البنزين والهوا
والتكييف عندي ضعيف ورا لو مشغله على 2
ده عادي ولا في عندي مشكلة

[thegreatnileman]

فلتر التكييف فى التوكيل رخيص جدا ب 330 جنيه بس وخارج التوكيل ب75 جنيه فى شارع دمشق وكورى برضه

انا بحط زيت شل الترا 10000 وبغير الفلتر معاه

اما بالنسبة للعربيه فانا شايف ان استهلاكها للبنزين عالى يعنى فى احسن حالاتها بتعمل 8.4 كم/لتر فتيس اوتوماتيك

واول ما تشتغل وتكون بارده الموتور بيبقى له صوت فى الاول

[thegreatnileman]

بالنسبة للتكييف تلاحظ ان الفرق فى سرعة المروحه كبير بين السرعه 4 والسرعه 3

وطبيعى انك لو عاوز توصل الهواء للخلف لازم تعلى السرعه بس ده فى الغالب بيكون فى النهار والعربيه سخنه من الشمس لكن اعتقد انه بالليل ممكن السرعه 2 بتكون كفايه مع رفع درجة التبريد شويه لان درجة التبريد هى اللى بتتحكم فى فترة تشغيل الكومبريسور وبالتالى شدة البروده

[thegreatnileman]

على فكره كمان العربيه اللى مافيهاش رف ورا بتحتاج وقت اكبر للتبريد لان الرف بيعزل الشنطه الى حد ما عن باقى العربية وبالتالى بيوفر فى الحجم المطلوب تبريده من العربيه

[sayedmorssi]

انا لسة مشترى فلتر زيت و طقم سيور و سير كاتينة من توكيل غبور بمبلغ 510 جنيها
والله حررررام ( ماتريكس 2006 )

[thegreatnileman]

والله حررررام

ولسه المصنعيات

[osamaelbaz]

انا عندى الزيت مجننى بينقص بعد خمس الاف كيلو من استخدامة انا بحط شل الترا 10000 وبيكون عند علامة ال فل وبعد خمسة الاف كيلو بيبدأ ينقص لعند فوق النص بشوية وانا معرفشى اية السبب انا هتجنن العربية 2008 وعاملة 23000 كيلو ومفيش منها مشاكل نهائى الا الموضوع دة مجننى بالرغم انة مش مأثر على العربية بس خايف ليكون الموتور فية حاجة

[maraaawan]

على فكرة مشكلة ضعف التكيف بعد فترة واحد فى البنزينة ورالى سببها وطلع فى منتهى الهيافة فك الدرج بتاع التابلوة بحرص علشان ما تكسروش هو بيتخلع بسهولة هاتلاقى وراة فلتر التكيف طلعة هاتلاقية مهبب ومكتوم تراب من الجو المشرق الجميل بتاعنا خلى الراجل بتاع البنزينة ينضفة بخرطوم الهوا كويس وابعد انت علشان ما تتردمش هايرجعلك الفلتر جديد زى الفل وطبعا الرجل الغلبان مش هايبقى باين منةاى حاجة خالص ركب الفلتر تانى وركب الدرج كويس شغل العربية وشغل التكيف هاتلاقية رجع تلاجة وهو على واحد كمان فى عز الشمس فى شهر 7 واى خدمة طبعا انا بتكلم على الماتريكس

[ashraf122]

السلام عليكم بعض اسعار قطع الغيار من التوكيل

1-اكصدام خلفى 765 جنية+خوص و قواعد اكصدام 117 جنية
2-فانوس خلفى 382 جنية
ومتنسوش تزودوا 10% ضريبة مبيعات

[amrtalaat]

كلمة ماتريكس ع الشنطة 30 بندق +15 بندق مصنعية !!!!!!

[thegreatnileman]

الزيت مجننى بينقص بعد خمس الاف كيلو من استخدامة

راجع بنفسك او فى محطة البنزين طبة الزيت 99% حتلاقيها مرشحة زيت حتى ولو بسيط وده طبعا بسبب الربط الغبى بتاع البهوات

وطممنى

[thegreatnileman]

بندق

[move=left] بندق بندق بندق [/move]