أصلاح مع أفسدة السمكرى فى الأكسنت rb

[Ghosts]

أزيكم يا أحلى هيونداوية ....
الموضوع بأختصار أن أبن خالى خبط عربيتة ال rb ....

المهم وداها علطول تتصلح عند سمكرى معرفة و رش الباب الورانى بس لون الباب بعد ما أترش مختلف شوية عن باقى العربية ... فأنتم أية رأيكم يتصرف أزاى فى الموضوع دة؟؟!!

يروح للسمكرى تانى ولا يرشها فى التوكيل أضمن؟؟!!
و ياترى حد عندة فكرة الموضوع دة هيتكلف كام فى التوكيل؟؟!!

[broadband]

حرام عليه يودى العربية لاى حد
كان ممكن يسأل على مركز للسمكرة مشهور و هما يرجعوها زى ماكانت من الاول
لان ممكن كده يكون فيه حاجات اتدقت في القوايم تعييب العربية او بويه لطشت الدواخل

ممكن يشوف منتدى الورشة و يسأل مين احسن فنى سمكرة و دهان

[Ghosts]

حرام عليه يودى العربية لاى حد
كان ممكن يسأل على مركز للسمكرة مشهور و هما يرجعوها زى ماكانت من الاول
لان ممكن كده يكون فيه حاجات اتدقت في القوايم تعييب العربية او بويه لطشت الدواخل

ممكن يشوف منتدى الورشة و يسأل مين احسن فنى سمكرة و دهان

عندك حق فى كل اللى قلتة ....
بس معلش محدش بيتعلم ببلاش المهم أحنا عايزين دلوقتى نرجع العربية زى ما كانت ... نعمل أية؟؟!!

[MohammedAladel]

طيب يعنى فلنفرض إن الباب اتفعص خالص أنا مش متخيل السمكرى مهما كان شاطر إنه يرجعه زى ما كان

أنا عندى خبطة فى الباب خفيفة بس فى نص الباب الباب مش حتة واحدة السوكة اللى فى النص هل السمكرى يجيبها على البارد ؟؟

[john55]

رش الباب في التوكيل 350 جنيه

[Samir Elshahawy]

لو علي قد اللون بس ممكن تتعمل في التوكيل
لكن لو خبطة في الباب الافضل تشوف سمكري كويس أو
ورشة نايل موتورز أو
م/ هاني speed service

هما ممكن يردوا الخبطة دي علي البارد لو أمكن

[Ghosts]

رش الباب في التوكيل 350 جنيه

تمام يا John ....
طب هسيبها عندهم كام يوم ولا هيعملوها فى يوميها؟؟!!

[Ghosts]

لو علي قد اللون بس ممكن تتعمل في التوكيل
لكن لو خبطة في الباب الافضل تشوف سمكري كويس أو
ورشة نايل موتورز أو
م/ هاني speed service

هما ممكن يردوا الخبطة دي علي البارد لو أمكن

لا الخبطة أتعملت كويس بس المشكلة فى اللون بس ....

[Samir Elshahawy]

لا الخبطة أتعملت كويس بس المشكلة فى اللون بس ....

يبقي يرجع للسمكري و يظبط اللون

[john55]

هتسبها يوم واحد وتخدها تاني يوم والعربيه هتخش الفرن في التوكيل وانشاء الله مشهتلاقي فرق خالص في اللون وانا كنت راشش العتب وطلع زي الفبريقه متقلقش خالص

[Ghosts]

يبقي يرجع للسمكري و يظبط اللون

ما أنا بقولة كدة بس هو بيقول أن درجة لون العربية مش موجودة عندة ....
ولا حضرتك شايف أية؟؟!!

[Ghosts]

هتسبها يوم واحد وتخدها تاني يوم والعربيه هتخش الفرن في التوكيل وإن شاء الله مشهتلاقي فرق خالص في اللون وانا كنت راشش العتب وطلع زي الفبريقه متقلقش خالص

شكرآ يا John ربنا يخليك ....

[Samir Elshahawy]

ما أنا بقولة كدة بس هو بيقول أن درجة لون العربية مش موجودة عندة ....
ولا حضرتك شايف أية؟؟!!

يعني مافيش عنده اللون ؟ يشتريه أو يأخد غطا تانك البنزين و يروح لمحل البويات هايضرب له اللون بالكومبيوتر

[Ghosts]

يعني مافيش عنده اللون ؟ يشتريه أو يأخد غطا تانك البنزين و يروح لمحل البويات هايضرب له اللون بالكومبيوتر

السمكرى قالة أنة هيعملة اللون بالكومبيوتر زى ما حضرتك ما بتقول بس بردوة فى فرق فى اللون ....
اللى أقصدة أن السمكرى لو كان عندة اللون المظبوط كان عملة علطول ....

أحنا كتير بنعمل نفسنا ناصحين وبنفضل نلف وندور عشان منروحش التوكيل عشان نوفر وفى الأخر بنروح التوكيل و بنضطر نصلح عندة تااااااااااانى يعنى بندفع تمن التصليح مرتين ....
شوفت النصاحة؟؟!!

[adel1212]

انا مش فاهم ايه علاقة السمكري بدرجة اللون
تحياتي