تنتيش فى الفيرنا عند الكبس

[ahmed_yos]

العربية بتنتش عند ار بى ام 4 وتفضل كده لحد ما تعدى وتوصل ل ار بى ام 4 والموضوع ده على كل النقلات بلا استثناى من الاول حتى الخامس
العربية مانيوال تفتكروا ممكن يكون ايه
علما بانى قمت بتغيرر حساس كرنك و بوجيهات و طرمبة بنزين وفلتر بنزين

[alaamousa]

هات الاسبراي بتاع الحساس ورش عليه يا باشا وامسحه كويس ان شاء الله تفك معاك على طووووول

[M.Al-Hefnawy]

أعتقد إنك محتاج تنضف الرشاشات

[verna2008auto]

هالللو يا مومبيك

اسمع اللي ها قولك علية ..

1- هاتشتري طقم اسلاك بوجيهات ( كوري كويس ) في حدود 80 جنية

2- ها تفوك من فوق ال اربع اسلاك كهرباء بتوع الانجيكشنز ( الرشاشات ) سهلين انك تفوكهم دول بكلبسات بلاستك

3- تكون مشتري علبة اسبرى ( جانك الاصفر) ب 18 جنية .. وتروش الاربع اسلاك اللي انتا فكيتهم بتوع الانشيكشنز ( الرشاشات ) وتنضفهم كويس

وتعيد تركيبهم تاني (( كويس )) وتسمع صوت التكة بتاعت كلبساتهم

سيب البوجيهات في حالهم دلوقت

امشي قد 20- 25- كيلو متر ولو عاوز تزود ما فيش مانع (( علي كبس ))يعني ارفع الار بي ام قبل كل نقلة (( حرق علي الغيار )) بالراحة

بعد المشوار ده
غير (( طقم البوجيهات اللي موجود مع كبلاتة ))

اسمع اللي با قولك علية .. الموضوع اللي عندك مش ها يخرج من اللي انا قلتة إن شاء الله

خولص الكلام

[ahmed_yos]

يا باشا شاكر جدا و جارى التجربة بس انا برده شكيت فى اسلاك البوجيهات بس فكيت بتوع عربية واحد صاحبى وجربت بيهم لقيت نفس المشكلة برده بس هجرب انضف كلبسات الرشاشات زى ما قلتلى

[alaamousa]

بالتوفيق باذن الله