كشاف فيرنا خلفى

[smsmsmsm1983]

الكشاف الخلفى اتكسر فى زحمة العيد من سواق نقل بمقطورة فرامل الجرار غير موجودة بيفرمل بفرامل المقطورة الله ينتقم منه
سؤالى عن كشاف خلفى يكون زى الاصلى و ما يبهتش
ياريت لو نوعه و سعره ولو فى ماركة وش خلفى كويسة و حد جربها يقولى عليها و سعرها

[aymn6666]

ريح نفسك وهات من الاخر اشتريه استعمال حيعمل 100 جنيه
علشان كل الي في السوق تعبان وبعد شهر لونه حيتغير حيبقي برتقاني مش احمر

[ABO MALEK]

من الحرفيين انا اشتريته قبل كده إستيراد بحالة الزيرو بـــــــــ 150 بلبل..
ولو انت فى الشرقية عليك وعلى الزقازيق اخر شارع وادى النيل او الناس اللى جنب شيبوب بتوع الإستيراد اللى هناك واديك عرفت حدوده من 150:100 انت وشطارتك.

بالتوفيق.وحمدالله على سلامتك واللى بيجى فى الريش بقشيش.

[smsmsmsm1983]

و الله متشكر على نصيحتكم الغالية لو فى اراء اخرى

[mshmshm3]

انا لسة جايب واحد خلفي ديبو تايواني ب 140 جنيه جديد و بقاله كتير و ماتغيرش لونه
انا جايبه من شارع احمد سعيد و ممكن تلاقيه في التوفيقية