باركولى اشتريت النترا 2012 تركى طلبية خاصة فل اوبشن!

[ferrari1500]

السلام عليكم ورحمة الله وبركاته

دى اول مشاركة ليا بقسم هيونداى وحبيت استفيد من خبراتكم فى الالنترا الجديدة لانى حجزت 2012 طلبية جت السعودية عند وكيلها الناغى بجدة من تركيا مواصفات اوروبى

انا كنت لسه بايع عربيتى الاولى تويوتا برادو 2007معايا زيرو من 5 سنين وحبيت اجيب بنفس سعر البيع تقريبا عربية اقدر انزلها مصر 1600 سي سي(التغيير كبير قوى ربنا يستر هههههه) طبعا لانى شايف موضوع الجمارك ده هيطول وممكن ميكونش فيه سماح لعربية واحدة بدون جمرك للمصريين بالخارج (لو حصل هجيب سا عتها بى ام على طول هههههههههه)

المهم روحت وشوفت فى الوكالات :الكروز والسفيك ب 70 و75 الف ريال 1800 سي سي-الاوكتافيا 1600 مش موجودة ب 98 الف (غالية جدا بالنسبة لاسعار هنا)طبعا فل اوبشن والسيراتو او الكارينز الجديد قدامه شهرين والسبورتاج والقشقاى وال اكس فى 2000 سي سي والجيتا والباسات من 2000 سي سي بردو والجولف 1600 بس فوق ال 100 الف والبيجو من 85 الف ستاندرد ل 508 والفل 508 ب 114 الف ريال


فمبقاش غير الكورولا 1600 ب 67 الف فقيرة وتايلاندى جنوط 15 وزجاج كهربا وسنتر وريموت وفوجات وبس


وروحت شوفت الالنترا 2013 فل اوبشن 1600(فى كمان هنا 1800 بزيادة الف ريال بس)


مواصفاتها:


2013


1600 سي سي-اتوماتيك 6 سرعات


مقاعد جلد كامل لون واحد بيج


مثبت-اوديو كنترول –بلوتوث


سي دى لون فضى من اكسسوارات الوكيل هنا


تشغيل بزر(بصمة)


مصابيح اوتو ويتم التحكم فى ارتفاعها


مكيف يدوى


فتحة سقف


جنوط 17 اطارات هانكوك


كرسي السائق تحكم يدوى 6 اتجاهات


دريكسيون جلد-عصا جير جلد –مسند يد جلد


2 ايرباج


مرايا كهرباء بدون ضم مع اشارات ليد


مرايه داخليه عادية


abs بدون


السعر 66 الف ريال


وطبعا صرفت نظر عنها لانى مستحيل اجيب عربية 2013 بدون abs


وبعدين لقيت الموظف بيقولى فيه طلبية من تركيا خاصة مواصفات خليجى بس 2012 لونين بس المتوفريين فضى وبرونزى


مواصفاتها:


2012


1600 سي سي-اتوماتيك 6 سرعات


مقاعد جلد وفى المنتصف مخمل لون رمادى داخلى فى الفضى وبيج فى البرونزى


مثبت-اوديو كنترول –بلوتوث


سي دى لون اسود لامع اصلى


تشغيل بزر(بصمة)


مصابيح اوتو ويتم التحكم فى ارتفاعها


مكيف الكترونى منفصل


جنوط 16 اطارات هانكوك


كرسي السائق تحكم يدوى 6 اتجاهات


دريكسيون جلد-عصا جير جلد –مسند يد جلد


6 ايرباج (2 امامى -2 ستائر جانبى-2 داخل المقاعد الامامية)


مرايا كهرباء بدون ضم مع اشارة ليد


مرايه داخليه ذاتية التعتيم مع كاميرا خلفية


نظام ثبات الكترونى ESP تقدر تفصله بزرار


abs +ebd+bas


بدون فتحة سقف


السعر 60 الف ريال فيها كل ده بس من غير فتحة وجنط 16(شايفه افضل فى جدة او فى مصر)


يا ترى ايه رايكم فيها وبالنسبة لمواصفات الفل اوبشن فى مصر ايه الفرق


وياترى كام جماركها تقريبا لو حد يعرف لو هنزلها ان شالله كمان 3 سنين فى اخر 2015 اذا ربنا اراد


واعذرونى على عدم وجود صور لانى لحقت المعرض فى اخر وقت وحجزت الفضى وخلصت ع طول قبل ما يخلصوا


وشكرا

كما وعدتكم .. اليكم الصور مع الاعتذار على عدم وضوحها وانعاكاسات الاضواء
--------------------------------------------------

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قوانين المنتدى
م ع 3

[S O P H O S]

ما شاء الله
مبروك يا باشا ..

[Land_Cruiser]

ما شاء الله سعرها حلو و امكانياتها بس دى حاجه و البرادو حاجه تانيه خالص بالنسبه للفتره اللى هتركبها فيها فى السعودية يعنى لانى عارف انك مش هتعرف تدخلها مصر علشان الجمارك. بالنسبه بس للمواصفات الاوروبى ممتازه بالنسبه للأمان طبعا بس حضرتك شوف التكييف ايه نظامه يعنى زى الخليجى و لا اضعف علشان الحر

[mazher_m]

بسم الله ما شاء الله

[sanhory]

انت كده عملت الصصصححححححححح

[addams_2]

100 100
لو التكيف مش اوى ركب في كول علي الزجاج

[dozo]

ماشاء الله ربنا يباركلك فيها .
احسن حاجه انك تزود الف ريال يعنى 1600 ج و تاخد موتور 1800 بدل 1600 ده احنا عندنا دى شريحه و دى شريحه تانيه خاللللللللللللللللص صبرنا يا رب

[ayman_omer2007]

الف مبروك وربنا يديك خير ويحميك من شرها

[Youssef.Awad]

الف مبروك مقدما وفى انتظار الصور ..
ودى الطبيعى لأنه عيب اوى لما تنزل عربية فى 2012 ولا 2013 بدون abs !!!
سواء ده كان فى مصر او السعودية مع الفارق طبعا فى الاسعار
ده هبور باشا بيجيب العربية متقلبة ويبيعها للناس الغلابة اللى مش عارفين اى حاجة ب145 الف واكتر كمان
حسبى الله ونعم الوكيل فى التوكيلات واللى بيعملوه فينا

[zangry]

الف مبرووك وسعرها كويس وتستاهل عشان ال 6 ايرباج وال esp

[ferrari1500]

بسم الله ما شاء الله

ربنا يخليك يا باشا

انت كده عملت الصصصححححححححح

نأمل من الله ان يكتبلى الصالح

100 100
لو التكيف مش اوى ركب في كول علي الزجاج

بس يا ريس التكييف الكترونى اقوى من العادى وحتى المروحة اكتر من 4 درجات بس للاسف مجربتوش ولو طلع فيه حاجة العربية ع الضمان وهما مسئوليين انهم دخلوها هنا ويبقى يومهم اسود لو مش مطابقة للمواصفات الخليجى لان الموضوع هنا مش هيعدى بالساهل مش عشانى بس عشان غيرى اللى هيشتكى وحماية المستهلك هنا الى حد ما افضل من مصر
والسيارة جاى معاها تظليل عازل مجانى nano خاص بهيونداى ولو لقيتو وحش هركب3m لانى كنت مركبه فى البرادو وكان تحفة اوفى كوول او جونسون

ماشاء الله ربنا يباركلك فيها .
احسن حاجه انك تزود الف ريال يعنى 1600 ج و تاخد موتور 1800 بدل 1600 ده احنا عندنا دى شريحه و دى شريحه تانيه خاللللللللللللللللص صبرنا يا رب

طب وهنزلها مصر ازاى والفرق فى القوة مش كبير 130 حصان ل 148 مش فارقه لان بقية المواصفات واحد

الف مبروك وربنا يديك خير ويحميك من شرها

ربنا يخليك ويبارك فيك

الف مبروك مقدما وفى انتظار الصور ..
ودى الطبيعى لأنه عيب اوى لما تنزل عربية فى 2012 ولا 2013 بدون abs !!!
سواء ده كان فى مصر او السعودية مع الفارق طبعا فى الاسعار
ده هبور باشا بيجيب العربية متقلبة ويبيعها للناس الغلابة اللى مش عارفين اى حاجة ب145 الف واكتر كمان
حسبى الله ونعم الوكيل فى التوكيلات واللى بيعملوه فينا

فى الطريق يا زعيم

الف مبرووك وسعرها كويس وتستاهل عشان ال 6 ايرباج وال esp

فعلا مواصفات الامان فى العربية دى هى اللى خلتنى انسى موضوع فتحة السقف وهيونداى بتستقل فعلا بالمنطقة العربية وشغل استخسار

[ferrari1500]

ما شاء الله
مبروك يا باشا ..

الله يبارك فيك

ما شاء الله سعرها حلو و امكانياتها بس دى حاجه و البرادو حاجه تانيه خالص بالنسبه للفتره اللى هتركبها فيها فى السعودية يعنى لانى عارف انك مش هتعرف تدخلها مصر علشان الجمارك. بالنسبه بس للمواصفات الاوروبى ممتازه بالنسبه للأمان طبعا بس حضرتك شوف التكييف ايه نظامه يعنى زى الخليجى و لا اضعف علشان الحر

هو فعلا اللى بتقوله ده لغاية دلوقتى مخوفنى بعد اكتر من 5 سنين فوق وطلوع ارصفة واكل مطبات و145 الف كم مشى تغيير كبير انى ارجع اركب سيدان حتى لو الفئة السابعة بس الواحد ممكن يتعود وهى فترة اقل من 3 سنين وانزلها مصر او ابيعها هنا انشالله واجيب ساعتها حلم حياتى زيرو bmw x5 بس ابو الامراس يدينا عربية واحدة بدون جمارك هههههه

والمكيف هيبان مع التجربة وللاسف مجربتوش بس لما سالت قالولى ازاى هنجيبها وهى مش نفس المواصفات الخليجى لانها بتروح الاردن وتركيا والله اعلم ؟؟

[Land_Cruiser]

الله يبارك فيك




هو فعلا اللى بتقوله ده لغاية دلوقتى مخوفنى بعد اكتر من 5 سنين فوق وطلوع ارصفة واكل مطبات و145 الف كم مشى تغيير كبير انى ارجع اركب سيدان حتى لو الفئة السابعة بس الواحد ممكن يتعود وهى فترة اقل من 3 سنين وانزلها مصر او ابيعها هنا انشالله واجيب ساعتها حلم حياتى زيرو bmw x5 بس ابو الامراس يدينا عربية واحدة بدون جمارك هههههه

والمكيف هيبان مع التجربة وللاسف مجربتوش بس لما سالت قالولى ازاى هنجيبها وهى مش نفس المواصفات الخليجى لانها بتروح الاردن وتركيا والله اعلم ؟؟

ربنا يباركلك فيها و يطلع كويس ان شاء الله. حكايه ازاى هنجيبها و هى مش نفس المواصفات الخليجى و الكلام ده حضرتك قعدت هناك فتره و اكيد عارف دماغهم عامله ازاى ونظام ابشر .. ابشر و ده اللى خلانى أقول لحضرتك أتأكد بنفسك فى المشاركه الاولى لأن العالم الطيبه دى الشمس أكلت دماغهم من زمان و ممكن يعملوا اى حاجه

[ferrari1500]

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قوانين المنتدى
م ع 3

شكرا ع التصحيح .. وباعتذر لعدم معرفتى .

[ferrari1500]

ربنا يباركلك فيها و يطلع كويس ان شاء الله. حكايه ازاى هنجيبها و هى مش نفس المواصفات الخليجى و الكلام ده حضرتك قعدت هناك فتره و اكيد عارف دماغهم عامله ازاى ونظام ابشر .. ابشر و ده اللى خلانى أقول لحضرتك أتأكد بنفسك فى المشاركه الاولى لأن العالم الطيبه دى الشمس أكلت دماغهم من زمان و ممكن يعملوا اى حاجه

عندك حق فعلا موضوع ابشر ده بس انا شاريها من مندوب مبيعات مصرى وتانى حاجة لو كنت جبتها من الحراج او معرض كنت هبقى خايف ومكنتش هجبها بس التجربة خير دليل وهديكوا تقرير بعد التجربة انشالله