المساعدين الخلفيين اتغيرو accent rb 2012

[elmo7amed]

السلام عليكم ورحمه الله وبركاته
انا كنت قولت من فتره عن تغير المساعدين فى التوكيل تبع الضمان من غير اى فلوس انهرده اتصلو بيا وقالو ليا ان المساعدين وصلو روحت علطول سلمتلهم العربيه وطلبت مع تغير المساعد صيانه ال 10000 كم غيرو المساعد وعملت الصيانه وكله تمام

الاختلاف بعد تغير المساعد

1-العربيه اثبت على الطريق
2-العربيه انشف كتير كتير يعنى فى المطبات
3-حاسس انها اقوى من الاول كتير كنت بضغط على العربيه من ورا كنت بحس انها مرجيحه

اى استفسار انا تحت مولاكى اكسنت 2012
elmo7amed@yahoo.com

[john55]

حضرتك عملتها في العبور ولا ابورواش

[elmo7amed]

اسكندريه

[amagroup]

السؤال اللي دائما بيتسال
العربيه نشفت عن الاول

وسؤال من الاخر
لو خيرت بين الوضع القديم والجديد ترجح أنهي (قبل التغيير ولا بعد التغيير) ونسبه الافضلية كام %؟

[elmo7amed]

بعد احسن كتير طبعا لواحد عارف يعنى ايه ثبات وقوه للعربيه لكن اللى بيحب يتمرجح يفضل زى ماهو بس نصيحه المساعدين لما اتغيرو عندى كان فيهم واحد ضارب دا دليل انهم ضعاف جدا

[m_darwesh]

الاستاذ elmo7amed:
السلام عليكم

ممكن اعرف ابعت الشكوى ازاي انا دخلت على موقع هيونداي مصر بس ما عرفتش اوصل لمكان ابع فيه شكوى ؟ وهو المفروض اكتب فيها ايه ؟

وسؤال أخير
هما ردو عليك بعد كام يوم لما بعت الشكوى؟

انا عندي نفس المشكلة بس كنت فاكر انها حاجة عادية في النوع ده

شكرا

[elmo7amed]

يا جماعه العمليه مش محتاجه الموقع ولا الشكوى زى كل الناس مبتقول حضراتكم حتعملوا ايه
1-حتحجز على الرقم دا 16101 احجز علشان يبقى دورك بدرى شويه طبعا انت مفعل الضمان برده عن طريق نفس الرقم
2-حتطلب تعمل الصيانه بتاعت العربيه وقولها على الكشف على المساعدين الخلفيين ...شوف انت ماشى كام كيلو واطلب الصيانه
3-طبعا حتروح اقرب فرع ليك توكيل شوفه فين هناك بقه حتقابل المهندس تقوله ان المساعد الخلفى ضعيف جدا وبيوطى العربيه معايا وبسمع صوت تزييق فى العربيه وانا ماشى حتى لو مش بتسمع قول كده
بس
4-لو عرفت تدخل للمكانيكى اللى حيكشف على العربيه قوله ان المساعد مش حلو وعاوز اغيرهم وتعمل صيانتك عادى
5- لو قالولك ان المساعد حيتغير وكمان فتره بقه تعالى يبقى تمام كده وبعد فتره هما حيتصلو بيك ويقولك تعالى المساعد وصل تروح تركبهم وتدعيلى بس

[m_darwesh]

شكرا لاهتمامك
بس عندي استفسار
هوا المساعدين الضمان بتاعهم لغاية كام ألف كيلومتر او لغاية مدة اد ايه؟
انا عامل بالعربية تقريبا 25 الف كم وبقالي سنة واربع شهور شاريها

شكرا

[elmo7amed]

الضمان مرتبط بضمان العربيه طبعا

[moha4tec]

تسلم الايادى على الموضوع الجميل

[elmo7amed]

شكرا لذوقك وكرم اخلاقك