النترا 2012 md جننتني :(

[easy2002]

السلام عليكم ورحمة الله وبركاته


أنا معايا النترا 2012 الشكل الجديد ماشي بيها 6000 كيلو حتى الآن والعربية تمام والحمدلله لكن من فترة جيت بطفي العربية وبطلع المفتاح المفروض ان السنتر يفتح والإضاءة بتاعت الصالون تنور وتطفي تدريجي الموضوع ده محلصلش معايا لكن بعدها بحوالي ساعه رجعت اشتغلت الاضاءة تاني حصل معايا الموضوع ده دلوقتي ومش عارف من ايه

وكمان الريموت مبقاش يشتغل كويس لدرجة انها فضحتني ف مرة عشان جيت أفتحها بيه ومفتحتش ففتحتها بالمفتاح


ياريت حد يقولي ايه الحل وشكرا جزيلا ليكم

[egyptodentist]

الموضوع نتيجة ان جهاز الانذار ده بيركبه غبور هنا في مصر الا لو عربيتك خليجي او هاي لاين
عموما الموضوع بسيط ممكن يكون فيوز جهاز الانذار وده سهل انه ممكن يعلق ويشتغل
ممكن السلك اللي مغذي جهاز الانذار مهزوز مش اكتر من كدة

[MohamedSamy06]

موضوع الانذار دا مش عارف ... لكن الاضاءه دي حصلت معايا بردو ان نور الصالون كله مشتغلش لما طفيت العربيه وفضلت افتح واقفل في العربيه وبردو مفيش وبعد 10 دقايق بس رجعت اشوف ايه القصه اشتغل عادي ... دي اول مره تحصل معايا على فكره

[devil_storm]

الموضوع نتيجة ان جهاز الانذار ده بيركبه غبور هنا في مصر الا لو عربيتك خليجي او هاي لاين
عموما الموضوع بسيط ممكن يكون فيوز جهاز الانذار وده سهل انه ممكن يعلق ويشتغل
ممكن السلك اللي مغذي جهاز الانذار مهزوز مش اكتر من كدة

كلامك معكوس الالنترا md غابور بينزلها بانذار بلدها و الخليجي هي اللي التاجر بيركبلها انذار هنا في مصر و كمان بيركبلها هنا السنسور بارك لكن غابور بينزل السنسور استوك من بلدها

[easy2002]

موضوع الانذار دا مش عارف ... لكن الاضاءه دي حصلت معايا بردو ان نور الصالون كله مشتغلش لما طفيت العربيه وفضلت افتح واقفل في العربيه وبردو مفيش وبعد 10 دقايق بس رجعت اشوف ايه القصه اشتغل عادي ... دي اول مره تحصل معايا على فكره

بالضبط كده اللي بيحصل معايا ومش عارف سببه ايه

[atyam]

بالنسبة للريموت روح عند اى ساعاتى وخليه يركبلك بطاريات يابانى وانسى انه يعمل معاك كده تانى

[egyptodentist]

كلامك معكوس الالنترا md غابور بينزلها بانذار بلدها و الخليجي هي اللي التاجر بيركبلها انذار هنا في مصر و كمان بيركبلها هنا السنسور بارك لكن غابور بينزل السنسور استوك من بلدها

يا باشا اول وتلني فئة غبور اللي بيركب الانذار بدليل اللمبة بتاعت الانذار اللي فوق التابلوه ثانيا يا باشا الريموت علي لوجو gb محفور من وراه ولو فكيت الجهاز هتلاقي مصنوع في مصر .......انا ليسه شاري ال rb وانا في المعرض اتفرجت علي الالنترا اول فئة لان سعرها كان قريب من الهاي لاين الrb ولقيت نفس الريموت واللمبة اللي بقولك عليهم......انا متأكد لانه معايا النيو اكسنت نفس الريموت ابو gb لوجو من ورا وجيت اركب وحدة رفع ففكيت الجهاز عشان ادور علي الفردة اللي بتغذي وحدة الرفع وللاسف لقيته صنع في مصر وكمان في 6اكتوبر والفردة ملغية والحمد لله غيرت الجهاز خالص عشان كمان مش فيه فردة فتح الشنطة.....والجهاز القديم موجود (اللي هوا الاصلي) هصورللك بأذن الله (صنع في مصر )...
بالنسبة لموضوع الخليج بصراحة لااعلم .....بس عامة اللي متأكد منه انه الريموت الاصلي (الكوري) بيبقي سلاح مش ريموت منفصل

[ibnmoaz]

الاستاذ الفاضل الموضوع في منتهي السهوله.وهو عباره عن سوسته في الكونتاكت نتيجه التراب من الجو بتعلق بس دخل المفتاح تانيوخرجه بسرعه
الموضوع هيخلص. وابقي انفخ الكونتاكت بهوا في اي بنزينه وخﻻص. انا حصلي ده قبل كده كزا مره .اخوك عامل 34000 كلم بتلعربيه

[easy2002]

الاستاذ الفاضل الموضوع في منتهي السهوله.وهو عباره عن سوسته في الكونتاكت نتيجه التراب من الجو بتعلق بس دخل المفتاح تانيوخرجه بسرعه
الموضوع هيخلص. وابقي انفخ الكونتاكت بهوا في اي بنزينه وخﻻص. انا حصلي ده قبل كده كزا مره .اخوك عامل 34000 كلم بتلعربيه

شكرا جزيلا يافندم انا هجرب الموضوع ده

[easy2002]

يا باشا اول وتلني فئة غبور اللي بيركب الانذار بدليل اللمبة بتاعت الانذار اللي فوق التابلوه ثانيا يا باشا الريموت علي لوجو gb محفور من وراه ولو فكيت الجهاز هتلاقي مصنوع في مصر .......انا ليسه شاري ال rb وانا في المعرض اتفرجت علي الالنترا اول فئة لان سعرها كان قريب من الهاي لاين الrb ولقيت نفس الريموت واللمبة اللي بقولك عليهم......انا متأكد لانه معايا النيو اكسنت نفس الريموت ابو gb لوجو من ورا وجيت اركب وحدة رفع ففكيت الجهاز عشان ادور علي الفردة اللي بتغذي وحدة الرفع وللاسف لقيته صنع في مصر وكمان في 6اكتوبر والفردة ملغية والحمد لله غيرت الجهاز خالص عشان كمان مش فيه فردة فتح الشنطة.....والجهاز القديم موجود (اللي هوا الاصلي) هصورللك بأذن الله (صنع في مصر )...
بالنسبة لموضوع الخليج بصراحة لااعلم .....بس عامة اللي متأكد منه انه الريموت الاصلي (الكوري) بيبقي سلاح مش ريموت منفصل

على فكره يا باشا انا اول فئه اوتو ومفتاحي سلاح مش ريموت وكذلك اول فئة مانويال ممكن صاحب المعرض مجبلكش المفتاح بتاعها

وشكرا ل مرورك ياباشا

[asadx100]

الاستاذ الفاضل الموضوع في منتهي السهوله.وهو عباره عن سوسته في الكونتاكت نتيجه التراب من الجو بتعلق بس دخل المفتاح تانيوخرجه بسرعه
الموضوع هيخلص. وابقي انفخ الكونتاكت بهوا في اي بنزينه وخﻻص. انا حصلي ده قبل كده كزا مره .اخوك عامل 34000 كلم بتلعربيه

بعد اذنك سؤال ؟؟؟؟؟؟؟؟؟؟؟؟؟


العربية ارتفاعها عن الأرض أخباره ايه في مصر ؟


علشان أنا اللي مرددني عن العربية دي

قربها من الأرض

خايف من قطع غيارها

ومش عارف ايه المناسب لمصر من حيث اي فئة تبقى منطقية

[easy2002]

والله يافندم مش كله المناطق بس انا معايا فيرنا هيا أعلى منها بمراحل ومعايا تويوتا أوطى منها وانا من طنطا لكن باخد بالي وباخد المطبات بالعرض

[asadx100]

والله يافندم مش كله المناطق بس انا معايا فيرنا هيا أعلى منها بمراحل ومعايا تويوتا أوطى منها وانا من طنطا لكن باخد بالي وباخد المطبات بالعرض

أنا برده من المنصورة ,,,,

ومعنديش استعداد ان أجيب عربية تحك في المطبات
أو حتى أفكر قبل ما أشيل فيها أي حاجة




طيب ,,,,, الكورولا أعلى منها ولا برده بتحك ؟

أصل كدة الحيرة بتزيد

[mamahoba]

أخى العزيز إفتح وش علبة الفيوزات إللى فى التابلوه هتلاقى مفتاح فيه اون واوف خليه على اون وشكرا

[easy2002]

أخى العزيز إفتح وش علبة الفيوزات إللى فى التابلوه هتلاقى مفتاح فيه اون واوف خليه على اون وشكرا

شكرا على مرورك يا باشا بس الموضوع ده انا عامله والعربية ف المعرض قبل ما أستلمها حتى وشكرا لإهتمام حضرتك