هل توجد علاقة بين التكيف و نقص مياه التبريد فى الفيرنا

[ahmed9003]

السلام عليكم ورحمة الله وبركاته

عندى مشكلة حاسس انها غريبة شوية انا معايا عربية فيرنا موديل 2005 عاملة 104000 كم مانيوال 1600 سى سى ومياه التبريد زى الفل مش بتنقص منى وكله تمام بص لاحظت بقالى فترة حوالى شهرين انى كل ما اشغل التكييف فى يوم اجى تانى يوم الاقى مياه التبريد فى القربة ناقصة جامد جدا لدرجة ان بعد مشوار من المشاوير وانا مشغل التكييف ببص تانى يوم لقيت القربة تقريبا فاضية.

فــ لو سمحتم اللى عنده تفسير للموضوع ده وايه حله ياريت يقولى وجزاكم الله كل خير

[haysam2000]

بص هو الثابت ان التكييف لما بيشتغل بيكون حمل على الموتور ف بيحتاج يزود سرعه طرمبه المياه علشان يزود التبريد لكن مش معنى كده ان فى سحب اكتر للمياه لكن معناه ان فى خرطوم مثلا مع الضغط الزياده بينشع مياه او بيسرب يعنى و هتلاقى نفس الكلام المفروض لو مش مشغل التكييف بس مسافر على سرعه عاليه وقت طويل برضه هتلاقى المياه نقصت لو العيب ده موجود

[Saeed-Taha]

غالبا فى تسريب من الريداتير نفسه
حضرتك ممكن تملى القربة وتشغل التكييف وتلاحظ الريداتير وتشوف لو بيسرب مايه من الغطاء ولا لاء

[ahmed9003]

غالبا فى تسريب من الريداتير نفسه
حضرتك ممكن تملى القربة وتشغل التكييف وتلاحظ الريداتير وتشوف لو بيسرب مايه من الغطاء ولا لاء

شكرا لرد حضرتك بس عايز اعرف هو لو الريداتير هو اللى بيسرب مش المفروض يسرب سواء التكيف شغال او لأ . النقطة اللى بتكلم فيها ان الميه بتنقص بعد مشوار مشغل فيه التكيف لكن وانا مش مشغله عادى جدا الميه فى القربة ممكن تقعد اسبوع زى ماهيه او ممكن ازودها كوباية ميه

[ahmed9003]

بص هو الثابت ان التكييف لما بيشتغل بيكون حمل على الموتور ف بيحتاج يزود سرعه طرمبه المياه علشان يزود التبريد لكن مش معنى كده ان فى سحب اكتر للمياه لكن معناه ان فى خرطوم مثلا مع الضغط الزياده بينشع مياه او بيسرب يعنى و هتلاقى نفس الكلام المفروض لو مش مشغل التكييف بس مسافر على سرعه عاليه وقت طويل برضه هتلاقى المياه نقصت لو العيب ده موجود

اشكرك للاهتمام والرد استاذ هيثم وحخلى التوكيل ان شاء الله يعمل معاينة للخراطيم عشان اعرف العيب منين وجزاكم الله كل خير

[eyeswizard]

اكشف على غطا الراديتير

[Saeed-Taha]

شكرا لرد حضرتك بس عايز اعرف هو لو الريداتير هو اللى بيسرب مش المفروض يسرب سواء التكيف شغال او لأ . النقطة اللى بتكلم فيها ان الميه بتنقص بعد مشوار مشغل فيه التكيف لكن وانا مش مشغله عادى جدا الميه فى القربة ممكن تقعد اسبوع زى ماهيه او ممكن ازودها كوباية ميه

كلامك منطقى
بس مع تشغيل التكييف بيكون فى ضغط اكتر على الماتور وبالتالى بيحصل ضغط اكتر على دورة الماية فا وقتها بيحصل التسريب دا..لكن فى الوضع الطبيعى مفيش تسريب

[ahmed9003]

اكشف على غطا الراديتير

اشكر حضرتك على الاهتمام ومحاولة المساعدة بس فى الحقيقة الغطا زى الفل ومش بيسرب لانه لو بيسرب يسرب فى الحالتين سواء كنت مشغل التكييف او اقفله بس ده مش بيحصل اللى بيحصل ان الميه بتنقص بعد مشوار مشغل فيه التكييف

[ahmed9003]

كلامك منطقى
بس مع تشغيل التكييف بيكون فى ضغط اكتر على الماتور وبالتالى بيحصل ضغط اكتر على دورة الماية فا وقتها بيحصل التسريب دا..لكن فى الوضع الطبيعى مفيش تسريب

بشكرك على المساعدة وجزاك الله كل خير على العموم حروح التوكيل واشرحلهم الوضع وربنا يسهل يمكن تكون فيه افادة

[haysam2000]

اشكرك للاهتمام والرد استاذ هيثم وحخلى التوكيل ان شاء الله يعمل معاينة للخراطيم عشان اعرف العيب منين وجزاكم الله كل خير

و اياكم ان شاء الله و باذن الله خير

[socratov]

الطبيعي لأ ، أنا فيرناوي جديد و أنت خلتني أراقب الموضوع ، أنا عامل 4000 كيلو من أول أكتوبر منهم 3000 بتكييف و المياه زي ما هي عند المستوي المضبوط اللي اشترتها بيه "هي مياه زرقة و لو اني أشك أصلا انها هتفرق في حاجة في مشكلتك"