رابطة مالكى الهيونداى كوبيه كل ما تريد معرفته

[washable]

السلام عليكم

انا اشتريت عربية هيونداى كوبيه 2005 و الصراحه انا تعبت اوى عشان اعرف تفاصيل عنها قبل الشراء و حتى بعد ما جبتها تعبت اكتر عشان اعرف محلات قطع الغيار الخاصة بيها و اسعارها..

ومن هنا اكتشفت ان فى كتير ناس متعرفش حاجه عن العربية ده .. فقولت لازم بعد ما لفيت و اتبهدلت افيد حبايبى و اصحابنا بتوع نايل موتورز اللى دايما كانوا واقفين جنبنا و بيسعدونا.


انا هابدا فى نشر المواضيع الخاصة بيا و بالصور كامله انشا الله و تحت امر اى حد عنده مشكله فى العربيه ده ونحاول نساعد بعض.

تلخيص سريع للحاجات اللى انا عملتها فى العربية:

1- تغيير طقم دبرياج اسطوانه و بليه و ديسك .
2- تغير طقم السيور بالكامل.
3-رش و دهان العربية بالكامل بدون السقف.
4-تغيير فردتين بريدجستوم تايلاندى امامى.
5-ركبت طقم الزينون بنفسى و شيلته بنفسى برده.
6-اشتريت فوجات و ركبتها بنفسى.
7- أستعدال الجنوط الامامية و الخلفية.


مشاكل الفيوزات اللى فى العربية و مشاكل الاضاءة اللى هتقبلك, غيرت فوانيس خلفية لزوم الشياكه

لاحقا هابدأ فى نشر اماكن و اسماء المحلات اللى هتلاقوا فيها قطع الغيار اللى انوا محتاجنها.

اتمنى ان اى حد عنده تجربه مع العربيه ده يبدا ينشرها هنا عشان الاستفاده تعم
اشكركم

اخوكم أحمد

[Mohab.Nabil]

الف مبروك يا باشا على العربية

العربية ديه من العربيات اللى كنت بحلم بيها بس موفقنيش الحظ انى امتلكها

و لحد دلوقتى ببص عليها و هى ماشية فى الشارع لأنها مميزة جدا ماشاء الله .. شكلها من افضل الكوبيه اللى نزل فى مصر

[gigomiko]

يا ريت تقلنا علي الاسعار كلها ، انا بعت العربيه دي من ٥شهور كانت صفراء اللون و غيرت بعدها ٣عربيات و ملقتش عربيه امتع في ركوبتها و سواقتها من الهيونداي كوبيه المميزه جدا ك شكل و ك عدم انتشار و اخيرا رجعت تاني للكوبيه و جبت واحده سيلفر من ٣ايام

[original]

ألف مبروك العربية
ومنتظرين الصور والمعلومات القيمة..

[Samir Elshahawy]

أولا مبروك عليك الهيونداي كوبيه و ربنا يبارك لك فيها و يكفيك شرها و شر الطريق و يؤتيك خيرها

ثانيا.. مرحبا بك معنا في قسم النجوم و شد حيلك وورينا التقارير علشان نضمها لمجموعة الفهرس اللي بدأناها

ممكن حضرتك تشوف الموضوعات دي علشان تعمل سلسلة الموضوعات الخاصة بالكوبيه علي غرارها و لو أحتجت أي مساعدة أنا تحت أمرك

http://www.nilemotors.net/Nile/299492-a.html

http://www.nilemotors.net/Nile/299413-hd.html

http://www.nilemotors.net/Nile/282401-a.html

[washable]

أولا مبروك عليك الهيونداي كوبيه و ربنا يبارك لك فيها و يكفيك شرها و شر الطريق و يؤتيك خيرها

ثانيا.. مرحبا بك معنا في قسم النجوم و شد حيلك وورينا التقارير علشان نضمها لمجموعة الفهرس اللي بدأناها

ممكن حضرتك تشوف الموضوعات دي علشان تعمل سلسلة الموضوعات الخاصة بالكوبيه علي غرارها و لو أحتجت أي مساعدة أنا تحت أمرك

http://www.nilemotors.net/nile/299492-a.html

http://www.nilemotors.net/nile/299413-hd.html

http://www.nilemotors.net/nile/282401-a.html

أشكركم جميعا و بالخصوص الاستاذ سامر

انا بعمل دلوقتى شوية شغل عفشة و كهرباء و إن شاء الله هقولكم على احسن ناس من الكهربائية

برده اب اقولكم انكم متجبوش طقم الشبورة الصينى عشان ده اى كلام وش اللمبه بيقفع و بيبووظ و مش هتعرفوا تفكوه و هيترمى.

إن شاء الله انا هاظبتكم و مبدئيا كده قطع الغيار موجوده فى حتيتتيين
الاولى شارع دمشق عند احمد جابر قدام التوكيل بتاع هيونداى

الثانى عند الحاج عبد الحمييد فى الحرفيين برده راجل زى الفل و عنده جديد و استيراد و كلمته واحده :)

الحاج اسلام عبد الحميد: 01092800580

كهربائى الشيخ محموود فى الحرفيين راجل ميه ميه و فاهم كهربة العربية ده : 01008158309

قلولوة بس انا من طرف المهندس صاحب العربية الكوبيه النبيتى اللى كان مركب كتاوت النور :)

اخوكم احمد


اشكركم

[khaabas]

هو صحيح الموتور بتاعها هو موتور الالنترا ال 2005 يعنى الفيرنا ولا ايه بالظبط يا كبير