هذا الوضع لم أعد أطيقه أو أحتمله

[SAMEH_FOUAD]

و الله الموضوع بقي ماسخ أوي و هم كلمتين و حافظينهم .. الواحد يغيب يغيب و يرجع يلاقي الشريط سافف و بيعيد في نفس الكلام البايت و الحمضان
و محسسني إن اللي ركب كوري ربنا إبتلاه .. مع إن لو بصينا لها بالعدل هانلاقي إن الكوري هو الأقل أعطال و مشاكل و الأكثر إحتمال
دا أنا أفتكر واحد منهم جرب الإلنترا قبل ما يتم فتح باب الحجز
و كذلك الأكسنت

و مش قادرين يفهمو إن الكوري حقق مراد ناس كتير من أوبشن لإقتصاديه و سعر إعادة بيع و سرعة بيع(دي طلبات زبون الكوري )

و مش قادرين برضه يقدرو مدي حب الناس و تقديرهم للياباني و الإيطالي و الألماني ... لكن مش معني إني بحبه إنه يناسبني ... ممكن قطع غياره ما تناسبنيش ممكن توكيله ممكن إعادة بيعه ... هي ظروفنا كده

ممكن يستوعبو الكلام ده لما يشوفو أتنين يدمرو مكنتين واحده دايو و التانيه سيفيك بتاع الدايو بيخلص نفسه في يومين و في حدود 3000 جنيه بتبقي العمليه ملمومه أما السيفيك بيلف و يدور علشان ينزل من 10000 تمن الموتور ألف جنيه

نيجي لموضوع الشخصنه بجد بحس إن كل واحد منهم مخلف عربيه و أي حد ينطق يقفله بالمرصاد و لو واحد مبسوط من عربيته يسودو عيشته و يطلعوله فيها القطط الفاطسه

مع إن من أبسط قواعد الذوق إن الواحد يبارك لأخوه أو صديقه لما يبقي مبسوط و يدعي له بالتوفيق

لكن ده هايهات ميحصلش ....

و دايما تلاقيهم كلهم سايبين الموضوع كام يوم ميتناقشوش و لا يفتحو بقهم لغاية ما يجي الزغلول الكبير بتاعهم (الـgenius) و يدينا الإبتسامات و القهقاهات أدعي عليك و أقول أيه بس يا فور ... و لا بلاش

بس و الله العظيم كلها مش مستاهله إن واحد مننا يزعل من التاني و لا يكدب التاني لأن واحد زي المهندس سمير مش هايكدب و هو حسب نا أنا شايف الناس بتشكر فيه بناء عن تعامل و عيش و ملح و فيه ناس بتتصل بي و بتشكر فيه من وراه و بتشكر في أخلاقه و هو مش أول مره يركب عربيه أكيد (لكن هو حب الإلنترا شويتين)

و يا ريت يا باشمهندس تلغي موضوع الإنسحاب ده بالله عليك
مجهودك ملموس و مشكور و الله و يا ريت يبقي قرار زي كده لما يكون اللي بيعمل كده معاك مالكي هيونداي لكن السبب خارجي زي ما أنت شايف يبقي أيه ذنب الناس في هيونداي

اعتقد مافيش داعى للكلام دة ياباشا

احنا دلوقتى بنحاول اننا نرجع المهندس سمير عن قرارة مش نفتح مواضيع شد ومين اوفر ومين اغلى !!!!!!!

[Ultramisho]

منسق اي قسم في نيل موتورز عمله تطوعي
ومعنى كده انه بياخد من وقته ومجهوده لا لسبب الا مساعدة الآخرين
وهذا انتم ياباشمهندس
انا عن نفسي حبيت قسم هيونداى وعربيات هيونداي ورجالة هيونداى وكان لكم الاثر الكبير في ذلك

وجود قلة من الناس الطيبين الذين للاسف تحكمهم الغيرة او حب الظهور
ووجود متعصبين لارائهم يعني داخلين المنتدى وهم غير منصتين جيدين للاستفادة بقدر ماهم راغبين بفرض رأيهم كحقيقة مؤكدة أمر طبيعي

وجود من يعتبر ان المنتدى وغيره حلبة للصراع لاثبات انهم فقط الصح طبيعي
لكنهم قليلين وطالما ليس هنالك اساءة بالقول فهم مقبولين وربما رأيهم يساعد في طرح الافكار واثبات عكس ما يقولون
أما من لا قدر الله يسيئ للابرياء والخلوقين في هذا المنتدى فلقد وضع هذا المنتدى المقدر والمحترم وسائل لحماية أعضاءه

اقول لكم ياباشمهندس اذا اساء واحد لكم او قلل من خبراتكم ورأيكم فأمامه الآلاف واقول الآلاف من المقدرين لكم ولوجهة نظركم وخبرتكم

أخيرا وليس آخرا إلى أي اداري ومنسق في هذا المنتدى الرائع أقول لهم هذا عمل تطوعي ثوابه عند الله سبحانه كما تعلمون وليس كل الناس اهل لمثل هذا العمل فإن استطعتم الاستمرار فيه فهذا مكسب كبير لنا وان لم تستطيعوا فلن ينسى أحد ما قدمتموه وستظلوا وزملائكم في قلوبنا جميعا

[mohammedabdallh]

ياهندسه
اذا كرهت المنتدى بسبب عده اشخاص
فانك كالذى احرق بيته من اجل التخلص من بعض الصراصير

[HOSSAM99]

اعتقد مافيش داعى للكلام دة ياباشا

احنا دلوقتى بنحاول اننا نرجع المهندس سمير عن قرارة مش نفتح مواضيع شد ومين اوفر ومين اغلى !!!!!!!

لا و الله مش إنت اللي تقولي المناسب من الغير مناسب خليك في حالك مبوجهلكش كلام
و هو حضرتك اللي بتحاول ترجع الباشمهندس سمير (أتمني ذلك)

[SAMEH_FOUAD]

لا و الله مش إنت اللي تقولي المناسب من الغير مناسب خليك في حالك مبوجهلكش كلام
و هو حضرتك اللي بتحاول ترجع الباشمهندس سمير (أتمني ذلك)

هو انا جيبتلك سيرة مناسب ولا غير مناسب انا بقولك مافيش داعى للكلام دة

لاحول ولا قوة الا بالله

انا اصلا غلطان انى اتكلمت معاك

[AHMEDCAR]

سمير باشا انت اخر واحد كنت افكر انه يقول الكلام ده بصراحه ان مستعجب سيب اللى يقول يقول

القافله تسير .........

ولا هونضاى هتخلينا نتحرم منك

[verna2008auto]

خليك كما النخل عالى المقام
وأذا يلقى عليك الناس الحجارة ... تهديهم من اجود الثمار...

عجبا لكل إنسان يلقي الكلمة ولا يعلم بأي مثقال تزن ...
انا معاك باش مهندس سمير في الغضب طبعا من قلة الاحترام او سوء التعامل مع قليلي الخبرة والزوق ...و لكن مش معاك في الانسحاب ( طبعا )

[toty_305]

-لو الناس المحترمه انسحبت ....هيفضلنا مين ؟؟؟

-العقليات دي بتعرفني ليه بيموت في الطرق أكتر من غزه حاجه تقرف فعلنا

[Habd]

يا بشمهندس اسف على التعبير : طنش و كبر دماغك :)

[devil_storm]

انا مقدر تماما لكل اللي حضرتك كتبته يا بشمهندس
وانا لمست بالفعل هذا الهجوم الغير مبرر علي القسم والأعضاء وحضرتك
بس انا مش معاك في الأنسحاب

+١١١١١١١
يا بشمهندس كبر ال g و روق ال d
عموما الناس المحترمه في المنتدي معروفه و الناس اللي مش محترمه برضه كلنا عرفنهم و انت فعلا من اكتر الناس المحترمه في المنتدي

[freeman207]

بصراحة يابشمهندس سمير المنتدى من غيرك ملوش اى طعم انت اكتر شخصية محترمة قابلتها فى حياتى تحياتى لك

[abogharib]

يابشمهندس سمير انت من الناس المحترمه فعلا هنا و مينفعش نسيب المنتدى كده علشان التعليقات و الهجوم اللى بيجى على هيونداى من ........... مش عايز اقول اسماء كلو واحد عارف نفسو :d

[DEVILRIDER]

صلى على النبى طيب و والله تقاريرك من اكبر الاسباب الى خليتنا نجيب العربية دىه و انتى اضافة كبيرة للمنتدى و امسحها فيااا و بخصوص المشاركات الى بتخرج عن الموضوع هى اضافة للمنتدى بس بتتطول و بتمسخ فى الاخر لانها بتخش فى حاجات تتانية و فى هجوم على الكوررى بغرض الهجوم عربية غالية بئا رخخيصة بتتهاجم بس اللعب اليومىن دول على الالنترا مع انها مكفية احتياجاتنا و زيادةةةة كمان و بخصوص الهجوم على حضرتك هو ااستاذ سامح اكيد ميقصدش اهانة ليك خالص هو اعتقد ببيقول على كلام الكوريين وارقامهم اللى ساعات بتفشل عندنا فى مصر لكن فى الالنترا مش لامس ده و عربية حلوة لكن معتقدش انو يقصد يهين حضرتك و والله انابستنى تقاريرك و بشوف مشاركاتك لانهها اضافة جدا و بتدى طعم للمنتدى و اخىرا بلاش قرار اللانسحاب ده نهائىىىىىىى يا ريت تعيد تفكىرك لان انتا حبببتنا فى المنتدى و العربية و تقارىرك و فيك شخصيا و فى اللاخر كلنا اخوات بنكمل بعض و متزعلششش و اتمى ترجع عن قرارك تانىىى

[moha4tec]

هو مين اللى زعلك يا بشمهندس سمير
قولى و احنا نعمل الواجب
زى ما انت عارف ما احنا كورى زى بعض ههههههههه
انا و ابن عمى على الغريب
ربنا يكرم و ترجع عن قرارك و يهدى النفوس

[alaa74]

أخى وصديقى العزيز مهندس / سمير

متفق معك وبشدة فى غضبك من أى شئ أو إنسان يتجاوز معك الحد أو حتى يفكر
مع الأخذ فى الإعتبار فرق السن والخبرة والتجارب الحياتيه .

حتى وإن إختلفنا لابد أن يكون إختلاف فى وجهه النظر او الرأى دون أى تجاوز من أى نوع ، مع كامل التقدير لشخص ورأى كل عضو لكن التطاول مرفوض .

وكما تحدثنا صباح اليوم عن هذا الموضوع بان المنتدى كمكان وبمساهمات أعضاء كثيرين محترمين وأنت بالطبع واحد منهم له حق عليك لأن المسئوليه تقتضى المثابرة والتجاوز عن الصغائر والأهم فى هذا المكان الصدق والإخلاص وكثير من الأعضاء بشكل عام وبشكل خاص يقدرون تعبك وجهودك وتضحيتك بوقتك وتعبك مقابل خدمه هذا المكان وبدون مقابل إلا حبك لهذا المكان .

وكما تحدث كثير من الأخوة الأفاضل إنه فى غياب الأعضاء المحترمين المؤثرين أمثالك
فكيف يكون حال المنتدى ؟
وهل تتركه لمن لا يستحق ؟
أنا اخدت منك وعد بتراجعك عن قرار الإنسحاب وأرجو أن تنفذة فورا .

وأخيرا لأعضاء قسم هيونداى الأعزاء
قسم هيونداى ملئ بالكثير من الأعضاء المحترمين ويعد من أحد اهم أقسام نايل موتورز
فأرجوكم حافظوا على هؤلاء الأعضاء وبخاصه باشمهندس سمير الشهاوى .

تقبلوا جميعا تحياتى