حل نهائي لحدفة الفيرناو للرجرجة و للتيل المنحول ( مصور )

[verna2008auto]

السلام عليكم ورحمه الله وبركاته ..
انا عندي موضوع مهم ارجو به إفادة كل حبايبي واصدقائي في منتديانا الجميل نايل موتورز
واعتقد انه ممكن يستفيد بية اي حد تاني معاة غير الفيرنا

المشكلة كالتالي ...(( حدفة ناحية اتجاه معين )) وسعات ممكن تتعالج علي خفيف بالزوايا ..
مع رجرجة في الدركسيون وتقلب علي جسم العربية بعد 110 كيلومتر ..( وتخف بس ترجع تاني مع الترصيص )
تيل منحول من فردة مع رجرجة في الفرامل ( ممكن تتحل بس ها ترجع تاني ) ب مسح الطنابير

الكشف ..
بيتم فك العجلتين الاماميتين ورفع السيارة تماما من علي الارض
مع وضع حجر كبير خلف العجل الخلفي لتفادي رجوع السيارة للخلف

بعد الرفع .. يتم تشغيل السيارة علي (المور ) بدون غيار
ومراقبة الفردة اليمين وهي تعمل علي خفيف ونشوف هل هناك (( ورورة ) يعني السورة والطنبورة ماشيين عدل واله فية عوجة وعدم استواء .. ونشوف العجلتين الناحيتين يعني

وممكن ندي غيار اولاني بدون بنزين ونشوف وهيا ماشية .. اية الاخبار ..

لو فية عوجة يبقي الحل (( مش ها يخرج عن التالي ))
تغير شمعدان + بلية + صورة ...... (( اسمع اللي با اقولك علية ))
طيب ... نيجي للصور


دي الطنبورة ... بيتم خرطها عند الخراط الجوز ب 50 جنية .. يعني ازاله طبقة من الوش عشان تكون مستوية (( حل تأكل التيل )) والرجرجة عند الفرامل



الصورة اللي فوق دي تعليمية تعريفية عن مكان الكوبلين ومكان الشمعدان

ودي كمان عن مكان المقص ( الجزء المسؤل عن رفع الدوشمه كلها الشمعدان بالطنبورة بالفردة كلها ) عن الارض وتلقي الصدمات


دي الطنبورة بعد المسح ..


واخيرا حل مشكلة الحدفة وجزء من حل تأكل التيل بتاع الفرامل


المكان ده اللي بيركب فية الكاوتش .. ودة لو كان فية ( ريجه او عوجة ميللي ) يعمل رجرجة علي سرعة عالية ويعمل كمان تأكل في التيل .. ويعمل حدفة .. لانه مشترك مع الشمعدان

تحزير هام (بلاش الزرجينة البلدي )
ممكن نعمل الكشف دة قبل اي مشكلة زوايا او رجرجة علي سرعات
للتأكد من سلامة اجزاء الرفع
صدقوني .. الموضوع سهل .. بس اللي يبلغ المعلومه ويعرفها ..

انا صورت وعرفت حل المشكلة دي في المركز ده ..(( والله مش دعاية )) بس لو حد عاوز يعرف مكان كويس انا جربت فية الشغل ده وحليت مشكلة الحدفة والرجرجة والزوايا ولازم يقول للمركز انه جي من ((( نايل موتورز )))
ويكون مزاكر كويس المشكلة وبعد كده يقولنا اية الاخبار




- الإعلانات التجارية ممنوعة طبقاً لنظام المنتدى دون الرجوع والتنسيق مع إدارة المنتدى.

يرجى مراجعة قواعد المنتدى

راسل إدارة المنتدى

3ب

[Ahmed_Ramadan]

أولا أحييك على نقل تجربتك بالتفصيل الجميل ده ....

ثانيا أنت كده معملتش زرجينة أنت بدلت على طول مش كده و لا أنا فاهم غلط ؟؟؟

[verna2008auto]

أولا أحييك على نقل تجربتك بالتفصيل الجميل ده ....

ثانيا أنت كده معملتش زرجينة أنت بدلت على طول مش كده و لا أنا فاهم غلط ؟؟؟

زميلي العزيز ..
الزرجينة من ((( اخطر ))) الاشياء اللي ممكن تتعمل للعربية..
لانها لو حلت مشكلة (معينة دة لو حلت )
بتكون لخبطت ابعاد معينة في العربية .. يصعب بعد مده حل اي مشكلة نتيجة للابعاد والمقاسات المتلخبطة

مش ها تبقا عارف دة من الشاسية واله من القنطرة واله من الاسكاترا واله من الكاوتش واله من مقاسة وي وي وي ....

فا انا با ارفض كل الرفض الزرجينة دي

انا الهمني الله عز وجل علي الطريقة دي وشوفتها قدامي ..لتحديد الغربلة ولمعرفة استواء الاجزاء الميكانيكية في العربية ... وفرحت جدا لمعرفتي طريقة الفحص .. لان ممكن اي حد يعملها تحت البيت حتي ......

ويبقي عارف ..ان الغربلة مش بس ترصيص
ممكن تكون من( الشمعدان بالبلية بتاعتو والسورة بالطنبورة) دول بيسموهم بالبلدي الدوشمة...

وصدقني علي ضمنتي

[haysam2000]

الف شكر يا عاصم على معلوماتك اللى تنقلهلنا اول باول
بجد ربنا يباركلك فيها و يكفيك شرها و يجعلها اخر الأحزان

[aymn6666]

الله ينور يا استاذ عصام
بس انت مقلتش علي اهم حاجه
ايه سبب المشكله
لان الشمعدان من اقوي اجزاء العفشه وعمر ماحيبقي فيه عوجه هو والصره من غير سبب
يعني هل العربيه اتخبطت من العجله في مطب جامد او حفره علي سرعه عاليه
ياريت توضح اكتر اسباب الاعوجاج

[verna2008auto]

الله ينور يا استاذ عصام
بس انت مقلتش علي اهم حاجه
ايه سبب المشكله
لان الشمعدان من اقوي اجزاء العفشه وعمر ماحيبقي فيه عوجه هو والصره من غير سبب
يعني هل العربيه اتخبطت من العجله في مطب جامد او حفره علي سرعه عاليه
ياريت توضح اكتر اسباب الاعوجاج

دة سبب الموضوع



اسفلت متقشر علي سرعة 40-60 كيلو متر

[aymn6666]

دة سبب الموضوع



اسفلت متقشر علي سرعة 40-60 كيلو متر

بس دي سرعه قليله انها تاثر علي الشمعدان
انا اخد طوبه كبيره في العجله الشمال وانا علي120 خليت العجله رحلت 2سم للخلف وبعدين غيرت المقص التلاحيل قل ل1 سم
وعملت زرجينه للمقص فقط اتظبط معايا الترحيل وبقي تمام
بس العربيه وطيت من الجنب الشمال وعليت الياي بكوتش بيجو وظبط الارتفاع
بس المشكله اني لو غيرت المقص بواحد جديد الترحيل حيرجع تاني 1سم
بنسبه للياي لازم اغير الاتنين مع بعض
بس يا تري الترحيل الي في العجله سببه ايه

[verna2008auto]

استكمال
كل الكلام اللي انا كاتبة وموضوعاتي دي عن خبرة شخصية وتم التجربة بنفسي
بالنسبة لاحمد بولة .. ده مركز صيانة جديد حبيت اشوف شغل الراجل وهوا عمل الاختبارات دي عندة ومغيرش والسلام
وسمحلي اصور ( عربيتي ) واتعلم منه ..

تم مسح الطنتبير ب 50 جنية ( وكانت لسة فيها لحمة ) يعني مش رقيقة
تم تبديل الطنبورتين مكان بعضهم والمشكلة موجوده
الراجل بعت والله جاب طنابير جديدة وجربناها وماطلعش منها
اشتريت شمعدان + بلية وركبناهم والمشكلة هيا هيا
اشتريت ( سرة ) وركبناها والمشكلة هيا هيا ...
(((( هوا قالي من البداية ان العيب في الدوشمة انا ما صدقتوش )))) وقالي برده هاتهم استيراد
انا اللي حبيت اتفزلك واجيب جديد واكبسهم عندة ... يبقا انا المتسبب في الخسائر المادية دي ..
عشان ((((((((((((((( اتعلم ))))))))))))))))
وفي النهايا
الخبرة تغلب
فعلا نفزت كلامة وجبت دوشمة ( شمعدان+ بلية+سورة ) وتم التركيب
المشكله اتحلت ..
وبكده
حليت مشكلة الغربلة حتي ولو انا مرصص بعد 110 كيلو
حليت مشكلة الغربلة مع الفرامل وتأكل التيل من فرده واحده بس
حليت مشكلة الزوايا ... وحدفة الزوايا واتزان العربيةا

حبيت اقول لكل الناس عشان يستفيدو من خبرتي ... ويعوض علينا ربنا في الخسائر المادية

بالنسبة للزرجينة ... ((( انا كنت عاملها ) لان كان في الفردة دي (( كامبر )) فتح العجلة لبرة بعد المطب

ولية انا با قول لا
لان تأثيرها كان ممكن يكون علي
1- بارات الطرف وبيض بارات الطرف
2-الكوبين
3-الشاسية
4-القنطرة

وبالتاكيد ها تغير ابعاد للعربية من تحت وها تلففني حولين نفسي ...

عشان كده التجربة خير من العلاج

بالنسبة للمركز .. الراجل بطولت بال وقف جنبي في يوم كامل من 10 صباحا الي 9 مساء لغاية ما المشكلة اتحلت
وخد مني 50 جنية مسح طنبير
20 جنية كبس بلية
60 جنية مصنعية الفك والتركيب 3 مرات عندة ..(( بروقان ))
وفي النهايا .. الموضوع ده عشان نخلي بالنا من الزرجينة ..وحل المشكلات ال5 دول
زوايا اتزان فرامل غربلة عومان

[verna2008auto]

الف شكر يا عاصم على معلوماتك اللى تنقلهلنا اول باول
بجد ربنا يباركلك فيها و يكفيك شرها و يجعلها اخر الأحزان

شكرا مونشير :b4_007:

[mazeen]

بصراحه المهندس أحمد راجل فى غاية الذوق والاخلاق وصديق بالنسبه ليا شخصياً وانا باتعامل معاه من اول مافتح المركز من 5 سنين والحمد لله جبتله أكتر من 20 واحد صاحبى وعمره ما خذلنى

[Ashraf_Ibrahim]

تسلم يا عاصم على الموضوع

[alaamousa]

تقرير جميل ومفيد يا ابو عاصم تسلم ايدك

[motoxp]

استاذ verna 2008 auto الرجه اللى عندك كانت على سرعه من 110 - 130 و بالبنزين فقط لما تشيل رجلك من على البنزين تروح الرجه و كمان بعد 130 بالبنزين مفيش رجه

انا عندى كده ياريت تقولى و تنصحنى عشان ناس كتير قالتلى كوبلن داخلى

جربت ترصيص كتير و بلى عجل و مفيش حل نهائى

على فكرة التيل الامامى اصلى و الطنابير جديدة والكاوتش جديد جود يير كمان

[verna2008auto]

استاذ verna 2008 auto الرجه اللى عندك كانت على سرعه من 110 - 130 و بالبنزين فقط لما تشيل رجلك من على البنزين تروح الرجه و كمان بعد 130 بالبنزين مفيش رجه

انا عندى كده ياريت تقولى و تنصحنى عشان ناس كتير قالتلى كوبلن داخلى

جربت ترصيص كتير و بلى عجل و مفيش حل نهائى

على فكرة التيل الامامى اصلى و الطنابير جديدة والكاوتش جديد جود يير كمان

كان عندي نفس المشكلة دي ..
وصدقني بردو انا اشتريت جديد (( وطلع مش مناسب ))
الحكمة في ..(( التشخيص السليم ))
راجع الخطوات اللي انا قلتهالك .. وممكن تعمل الاختبار ده سهل لوحدك
..
واخيرا ..(( ادي العيش لخبازة )) يعني .. المفروض حد يكون مجرب ومكان الناس بتشكر فية ..
انا للاسف حطيت المكان ( المركز ) ده هنا .. بس إتشال ( الادارة شالته ) نتيجة لانة ( اتفهم غلط ) اتفهم اني با اعملة دعاية .. .
جرب وقولي .. دة رقمي لو كلمني لو حاجه عصلجت او لو عاوزني ادلك علي العنوان
عاصم 01222223482

[motoxp]

ممكن العنوان و رقم التليفون لو سمحت على الخاص

وانت حليت الرجة دى ازاى من فضلك؟