فضيحة شركة هيونداى/ كيا بسبب تزوير استهلاك وقود سياراتها

[SAMEH_FOUAD]

اذيكوا ياهيونداوية حبيت بس امسى عليكم ولقيت خبر كدة قولت تشوفوة نتناقش فية

طبعا العنوان واضح من عنوانة

هيونداى/ كيا قامت بتزوير استهلاك سياراتها ( النترا - سوناتا - اكسنت - veloster - سوناتا هايبرد )

وذلك بوضوع استيكرات على السيارة بأن هذة السيارات موفرة جدا فى استهلاك الوقود حيث يتم
استهلاك جالون واحد لكل 40 ميل خارج المدينة و 29 داخل المدينة

وهذة طبعا ارقام مزورة حيث تم اختبار اكثر من سيارة وكما ذكر عدد كبير جدا , ووجد ان السيارة تستهلك اكثر من النسبة المقررة

وتم عمل جلسات فى الكونجرس الامريكى لمناقشة هذا التزوير لان شركة هيونداى وضعت ملصقات على السيارة تفيد بأن باستهلاك السيارة 40 ميل لكل جالون وهذا جاء على غير الحقيقة

وتم عمل دعاوى ضدها بالتزوير

خصوصا ان هيونداى عملت دعاية واعلانات فى ال t.v - radio بأن السيارة النترا توفر 4 دولار لكل جالون وهو على غير الواقع

وفى النهاية اراد المسؤلين فى الولايات المتحدة بوضع مسؤلين هيونداى تحت طائلة اللوائح والقوانين ,

والبحث فى القضية لمعرفتة كيف يتم اختبار هذة السيارات وكيف تم وضع هذا الاستهلاك المزور

وايضا لان من حق الشعب الامريكى معرفة الحقيقة , وحقيقة تزوير شركات هيونداى / كيا

وسوف يتم توقيع غرامة على هيونداى تقدر ب 362 مليون دولار امريكى

ودة لينك الموضوع

http://www.consumerwatchdog.org/newsrelease/congressional-hearings-called-hyundai-mpg-sticker-scandal-0

[S O P H O S]

وده علي الانتاج الجديد ولا عموما ؟

[Hosam_Optrawy]

قريت الموضوع من فترة

ملاك العربيات اشتكوا ان العربيات مبتوصلش ل 40 ميل فى الجالون ابدا فى الطرق المفتوحه

وبعد زيادة الشكاوى بحثوا فى الموضوع واكتشفوا ان فى " خطأ فى تقدير الرقم " يتراوح بين 1 و 2 ميل لكل جالون مع اختلاف الموديل يعنى الفرق بسيط جدا

وتم تقديم اعتذار من الشركه للمشتريين وهايدفعولهم تعويضات وطبعا تم تعديل ارقام استهلاك

انا مش شايف ان دى فضيحه ولا تزوير والكلام الكبير دا , دا مجرد تقدير خاطئ وهما اعترفوا بدا

وزى ماقولت الفرق بسيط جدا يعنى مثلا متوسط استهلاك الالنترا بدل ماكان 14 كم لكل لتر بقى 13.6 لكل لتر يعنى 400 متر :) هما مكبرين الموضوع بس عشان فى بلد محترمه والمواطنين بيتمسكوا بحقوقهم حتى لو كانت بسيطه وطبعا هو دا الصح ياريتنا زيهم

ودى الارقام الجديدة

[SAMEH_FOUAD]

ياباشا الضحك دة من 2010 لحد الان وفى الشركتين

والفضيحة مش انا اللى قولت والله , الموضوع نازل كدة فى امريكا انا جيبت اللى بيتقال

وعلى فكرة الفرق اعلى من كدة

غالبا ووفقا للتقرير ان الفرق كان كدة وبقى كدة


ودة تقرير كيا

[ahmedeihab]

طب ده ينفع يا جدعان

اكيد خطأ مطبعى

اللى بيطبع الورق كان شارب سجارتين حلوين و قالك اقلل الاستهلاك

^_^

[S O P H O S]

اكيد كان سرحان
لكن بصراحة ده كانت ميزة ولو طلعت غلط يبقي المستهلك ممكن يفقد الثقة
بشكل كبير ..

[i_Am_Legend]

انا لسة شايف الخبر دة في موتور وااي...الصبح...وكنت لسة هاعمل الموضوع دة...بجد هيونداي وكيا ...كدب السنيييييييييييييييييييين.....الله ينور عليك يا سمسم...نفسي اغمض عيني وافتحها..والاقي الكوري دة انتهي هو والصيني...اعععععععععععععع.......

[Hosam_Optrawy]

ياباشا الضحك دة من 2010 لحد الان وفى الشركتين

والفضيحة مش انا اللى قولت والله , الموضوع نازل كدة فى امريكا انا جيبت اللى بيتقال

وعلى فكرة الفرق اعلى من كدة

غالبا ووفقا للتقرير ان الفرق كان كدة وبقى كدة


ودة تقرير كيا

الخطأ زى ماهو فى الجدول فى الالنترا والسوناتا والاوبتيما موديلات 2011 ومعظم الموديلات فى 2012 و 2013 يعنى مفيش فى 2010

والفرق زى ماقولت وهاحسبهالك تانى

انا قولت متوسط الاستهلاك الفرق فيه 400 متر فقط لانه كان 33 ميل لكل جالون وبقى 32 ميل لكل جالون , لو حولت لكيلو متر ولتر هاتلاقيه بدل 14 كم لكل لتر بقى 13.6 كم لكل لتر

نيجى للاستهلاك بتاع ال Highway اللى مكتوب على الصوره اللى انت جبتها كان 40 ميل لكل جالون بقى 38 ميل لكل جالون يعنى بدل 17 كم لكل لتر بقى 16.15 كم لكل لتر يعنى الفرق 850 متر

اخر واحد الاستهلاك بتاع ال City كان 29 ميل لكل جالون بقى 28 ميل لكل جالون يعنى بدل 12.3 كم لكل لتر بقى 11.9 كم لكل لتر يعنى الفرق 400 متر

والباقى نفس الفروق تقريبا

اللى قاصد يكدب او يزور مش هايبقى فى الارقام بسيطه دى , زى ماقولت دا مجرد خطأ فى التقدير واعترفوا بيه وصلحوا الموقف ودا مش عيب , هيونداى-كيا دلوقتى من اكبر الشركات وليها سمعتها اللى تخاف عليها ومبيعاتها اللى تخاف تقل فمش هاتخاطر عشان 400 متر

[Hosam_Optrawy]

نفسي اغمض عيني وافتحها..والاقي الكوري دة انتهي هو والصيني...اعععععععععععععع.......

نفس الامنيه بتاعت معظم شركات السيارات حاليا :) لكن مستحيل الا لو كوريا دخلت فى حرب بقى ولا جرالها مصيبه

[dozo]

نفس الامنيه بتاعت معظم شركات السيارات حاليا :) لكن مستحيل الا لو كوريا دخلت فى حرب بقى ولا جرالها مصيبه

هههههههههه
مش مستاهله حروب . هى بس تاخد شويه هوا من الربيع العربى اللى عندنا

[Ahmed_Adham]

انتو مكبرين الموضوع ليه. هوه احنا من امتى بنهتم قوي باستهلاك البنزين وبنحطه في اولوياتنا واحنا بنشتري عربيه خصوصا لو الفرق بسيط كده يعني 1-2 mpg ؟ ده احنا أول حاجه بنسألها على أي عربيه

1- سعر اعاده البيع. (طب اشتري الاول وبعدين فكر في البيع!)
2- الشكل الخارجي (مع ان صاحب العربيه أقل واحد بيشوفها من بره).
3- التكييف التلاجه. (مع اننا مش في الخليج ولا حاجه).

طب قولولي مين من التوكيلات في مصر بيحط ارقام استهلاك البنزين في الاعلانات والبوسترات؟ لو حد منهم اتكلم عن البنزين بيقول (توفير في الوقود) بدون الكلام عن ارقام. ولما تشوف عربيه في معرض التوكيل وتبص في مواصفات العربيه اللي بتبقى على ستاند جنب العربيه مش هتلاقي كلام عن الوقود خالص. متهيألي المناسبه الوحيده اللي هتلاقي فيها كلام عن الوقود هوه البروشور اللي بيكون مطبوع من الشركة صاحبه العربيه بره مصر حتى العربيات اللي في البروشور بتبقى غير اللي بتنزل عندنا.

احنا أهم حاجه نركز فيها دلوقتي ان العربيه تمشي ب 92 اللي واخد جايزه "رضا الحكومه" واللي مخلياه أحسن اختيار بلا منازع ونبعد عن 95 اللي بيدعم الفوارق بين الطبقات وبيعزز روح الحقد والحسد بين المواطنين.

[moha4tec]

هههههههههههههههههههههههههههههههههههههههههههههههههه هههههههههههه
مع احترامى للكل بس انا مش شايف اى فضيحه . يعنى 400 متر فى التفويله او حتى اللتر هتفرق كتير كده .
يا عم قول يا باسط .
كل الموضوع و الفضيحه دى على 1 او 2 ميل ناقص هههههههههههه.و الله الامريكان دول ناس فاضيه جدا .
و الله اللى اعرفه انهم مثلا يقولوا 40 و هى الحقيقى 12 او 20 انما الفرق من 40 الى 39 يبقى حصل خير ان شاء الله .عادى جدا .
هى كوريا بس محتاجه عفشه جديده تمام تنزلها فى موديلاتها .زى ما جددت اشكالها و كماليتها و تصميماتها .تهتم بالباقى بقى يا ريت عن قريب باذن الله .
اقعدوا بالعافيه

[SAMEH_FOUAD]

الخطأ زى ماهو فى الجدول فى الالنترا والسوناتا والاوبتيما موديلات 2011 ومعظم الموديلات فى 2012 و 2013 يعنى مفيش فى 2010

والفرق زى ماقولت وهاحسبهالك تانى

انا قولت متوسط الاستهلاك الفرق فيه 400 متر فقط لانه كان 33 ميل لكل جالون وبقى 32 ميل لكل جالون , لو حولت لكيلو متر ولتر هاتلاقيه بدل 14 كم لكل لتر بقى 13.6 كم لكل لتر

نيجى للاستهلاك بتاع ال Highway اللى مكتوب على الصوره اللى انت جبتها كان 40 ميل لكل جالون بقى 38 ميل لكل جالون يعنى بدل 17 كم لكل لتر بقى 16.15 كم لكل لتر يعنى الفرق 850 متر

اخر واحد الاستهلاك بتاع ال City كان 29 ميل لكل جالون بقى 28 ميل لكل جالون يعنى بدل 12.3 كم لكل لتر بقى 11.9 كم لكل لتر يعنى الفرق 400 متر

والباقى نفس الفروق تقريبا

اللى قاصد يكدب او يزور مش هايبقى فى الارقام بسيطه دى , زى ماقولت دا مجرد خطأ فى التقدير واعترفوا بيه وصلحوا الموقف ودا مش عيب , هيونداى-كيا دلوقتى من اكبر الشركات وليها سمعتها اللى تخاف عليها ومبيعاتها اللى تخاف تقل فمش هاتخاطر عشان 400 متر

ياباشا انت شايف يعنى ان الكام ميل الفرق دول هما اللى خلاهم يرفعوا قضية يعنى اكيد لأ طبعا
هو السبب الرئيسى واللى اتقال ان شركة هيونداى - كيا , اعلنوا عن سياراتهم باستخدام ارقام وهمية حتى لو كانت فرق قليل مابين الحقيقة بس خلى بالك ان هدف هيونداى انها تكون فى المقدمة ومتفوقة على منافسيها , حتى ولو بالتزوير , ودة اللى اتقال
يعنى مثلا المنافسين يتراوح الاستهلاك بين 39 الى 38 لما يجى بقى ويقولك دية النترا مثلا بتعمل 40 ميل , ماهية كدة يبقى تفوقت عليهم بالارقام واصبحت فى الترتيب الاول فى الاستهلاك , مش دة مقارنات كنتوا انتوا بتستشهدوا بيها مع اى مقارنة مع سيارة منافسة

- وبعدين معلش يعنى هو فية شركة بتلزق استيكرات على العربية وبتقول انها بتوفر 4 دولار فى الجالون , وتعمل اعلانات فى الراديو اشترى هيونداى \ كيا , دية اية التهريج دة الصراحة انا ماشوفتش كدة بصراحة

- ماشى ياباشا هو الموضوع مش محتاج توضيح

المجلات والتقارير الامريكية هية اللى اعلنت نفسها بهذا المقال " فضيحة هيونداى لتزويرها فى ال mpg " واترفع قضية وهيونداى هتدفع تعويض 362 ميلون دولار , واضح جدا ان الموضوع بسيط جدا وكل دة عشان 400 متر زيادة

- على فكرة نسيت اقول كمان ان المستهلك الامريكى فقد المصداقية فى هذة الشركة ومبيعاتها قلت تقريبا وفقا للاحصائية فشركة هيونداى فى اقل من شهر نزلت مبيعاتها من 6.7 الى % 6.3 و شركة كيا نزلت مبيعاتها من 9.2 الى 7.3 %

بردة للعلم ان بعد الاعلان عن ارقام الاستهلاك الصحيحة وجد ان شركة كيا كان الفرق مثلا فى سياراتها كيا سول الى 5 ميل فرق , وكيا ريو الى 4 ميل فرق
وموديلات هيونداى كلها الفرق مابين 2 ميل الى ميل لكل سيارة

يعنى تقارير السيارات كلها غلط

[Hosam_Optrawy]

ياباشا انت شايف يعنى ان الكام ميل الفرق دول هما اللى خلاهم يرفعوا قضية يعنى اكيد لأ طبعا
هو السبب الرئيسى واللى اتقال ان شركة هيونداى - كيا , اعلنوا عن سياراتهم باستخدام ارقام وهمية حتى لو كانت فرق قليل مابين الحقيقة بس خلى بالك ان هدف هيونداى انها تكون فى المقدمة ومتفوقة على منافسيها , حتى ولو بالتزوير , ودة اللى اتقال
يعنى مثلا المنافسين يتراوح الاستهلاك بين 39 الى 38 لما يجى بقى ويقولك دية النترا مثلا بتعمل 40 ميل , ماهية كدة يبقى تفوقت عليهم بالارقام واصبحت فى الترتيب الاول فى الاستهلاك , مش دة مقارنات كنتوا انتوا بتستشهدوا بيها مع اى مقارنة مع سيارة منافسة

- وبعدين معلش يعنى هو فية شركة بتلزق استيكرات على العربية وبتقول انها بتوفر 4 دولار فى الجالون , وتعمل اعلانات فى الراديو اشترى هيونداى \ كيا , دية اية التهريج دة الصراحة انا ماشوفتش كدة بصراحة

- ماشى ياباشا هو الموضوع مش محتاج توضيح

المجلات والتقارير الامريكية هية اللى اعلنت نفسها بهذا المقال " فضيحة هيونداى لتزويرها فى ال mpg " واترفع قضية وهيونداى هتدفع تعويض 362 ميلون دولار , واضح جدا ان الموضوع بسيط جدا وكل دة عشان 400 متر زيادة

- على فكرة نسيت اقول كمان ان المستهلك الامريكى فقد المصداقية فى هذة الشركة ومبيعاتها قلت تقريبا وفقا للاحصائية فشركة هيونداى فى اقل من شهر نزلت مبيعاتها من 6.7 الى % 6.3 و شركة كيا نزلت مبيعاتها من 9.2 الى 7.3 %

بردة للعلم ان بعد الاعلان عن ارقام الاستهلاك الصحيحة وجد ان شركة كيا كان الفرق مثلا فى سياراتها كيا سول الى 5 ميل فرق , وكيا ريو الى 4 ميل فرق
وموديلات هيونداى كلها الفرق مابين 2 ميل الى ميل لكل سيارة

يعنى تقارير السيارات كلها غلط

على فكره شيفروليه بتقول ان الكروز بتوصل ل 42 ميل عال Highway , يعنى 40 دا مش اعلى رقم ومش ميزه جامده اوى كدا , وانت لسه قايل ان معظم المنافسين من 38 ل 39 يعنى قريبين من بعض مش 30 مثلا عشان الناس تجرى على هيونداى وتسيب الشركات التانيه حتى لو مش مقتنعه بهيونداى , هى الناس سابت كل المميزات وبتشترى الالنترا بالرغم من سعرها اللى زى المنافسين ويمكن اكتر عشان خاطر ال 40 ميل فقط ؟ ولما يبقى 38 يبقى خلاص مش هاتشتريها

موضوع الاستيكرات دا شغل دعايا واعلانات عادى مفيهاش حاجه كل الشركات دلوقتى بتعمل المستحيل عشان تزود مبيعاتها

اما بخصوص المبيعات فالموضوع دا حصل اول الشهر ولسه هانشوف اخر الشهر المبيعات اتأثرت وقلت فعلا ولا لأ ونشوف كمان الكام شهر الجايين المبيعات هاتقل بسبب الموضوع دا ولا لأ , لان مينفعش نحكم على المبيعات فى اقل من شهر , ولحد دلوقتى السوناتا والالنترا والاوبتيما فى المراكز الاولى فى فئتهم

[A.Adel]

مبدئيًا أنا مش قصدي أدخل في جدال مع حد ولا اطلع حد غلطان :)

بس 2 mpg بتساوي 0.85 km/l

يعني لو قلنا التفويلة 50 أو 60 لتر
هيبقى الفرق 0.85 * 50 أو 60

يعني هيبقى 42.5 km أو 51 كم فالتفويلة

و ده حوالي 8.5 % استهلاك زيادة
يعني مش رقم صغير خالص

و يا ريت لو أنا فاهم حاجة غلط حد يوضحلي