افضل انواع الزيوت للمحرك

[sando_star109]

انا عملت صيانه 10000 كيلو وحطيت زيت موبل وان عند بتاع الزيت وغيرت فلتر الزيت حطيت الزيت 10000 المهم اولا لقيت العربيه اول ما دورت الموتور حسيت الموتور بيترجرج جامد وعمال ينتش وعداد r b m عمال يطلع وينزل ولمبه الانجيكشن نورت انا معايا النترا 2012 md بعد شويه لقيت لمبه الانجيكشن طفت بس صوت الموتور عالى وسافرت بالعربيه اليوم التانى حاسس ان العربيه ادائها مش كويس وعزمها خف .صوتها عالى ومش عارف اعمل ايه اغير الزيت دا ولا ايه ولو غيرت اجيب ايه يعنى ايه هو النوع اللى يكون كويس للعربيه الالنترا 2012 وايه ممكن يكون نوع فلتر الزيت الكويس ولو حبيت اغيره اغيره فين مع العلم انى من بورسعيد ناس قالولى ان زيت الشيل احسن من الموبل ودا اللى التوكيل بيستخدمه للعربيه الالنترا هو فعلا الكلام دا مظبوط لو سمحتم ممكن لو حد عارف التوكيل بيحط زيت قيه يقولى عليه والسلام عليكم ورحمة الله وبركاته

[Khaled Lanos]

ياباشا الزيت ده زبالة وأداءه سيء جدا..أنا كنت بستعملو في اللانوس كان بيخلي صوت المتور عالي وخشن وسحب ضعيف..والأهم انو كان بيتبخر عندي..

ودلوقتي بستعمل زيت فيسكو 5000 (تخليقي) والحمد لله صوت المتور هدي والسحب بقى تمام..وبالنسبة للبخر لسا تحت الإختبار عشان الزيت بقالو عندي 2000 كيلو وهو بيقعد من 10-15 ألف على حسب ظروف التشغيل.

فانا رأيي غير موبيل الزبالة ده وحط زيت تخليقي (انتا عربيتك زيرو لسا المفروض تستعمل زيت تخليقي) زي فيسكو 5000 أو كاسترول ايدج مثلا وإن شاء الله هتنبسط منو أوي.

تحياتي ليك.

[Youssef.Awad]

اخر نتائج بحث تم فى اكتوبر 2012 هى التالى:
-----------------------------------------

[adel1212]

زيت شيل 10000 ( العلبة الرصاصي) + تغير الفلتر من اى مكان معتمد
تحياتي

[elmo7amed]

السلام عليكم ورحمه الله وبركاته
طبعا انا انصح سيادتك ب شل لانه فعلا ثبت انه افضل من موبيل 1 انا بحط لعربيتى شل 10000 كم وبنزله على حوالى 7000 كم احسن وافضل للموتور وعلشان ابقى انا كمان مطمن مش اكتر وحضرتك لو مشيك كتير يبقى افضل ليك انك تغيره على المعدل بتاعه او اقل الف كم خصوصا اننا فى ايام شتا بس ان شاء الله شل افضل ولان لزوجته40/50 فى حين ان الموبيل 50/50 دا كلام نصحنى بيه صديق ليا فى شغله فى تغير الزيت

[sando_star109]

شكرا على ردكم بس برده انا محدش رد عليه ممكن الزيت دا لو انا مشيت بيه ال 10000 كيلو ممكن يعمل حأجه مش كويسه فى الموتور ولا انزله واحط شيل مكانه يعنى مككن الزيت دا يضر الموتور ولا اسيبه وامشى بيه الكام كيلو دول وبعد كده احوط شيل

[HOSSAM99]

مع كل الأعراض المذكوره من حضرتك فالزيت منها براء .. ده لو زيت قليه مش هاتكون دي أعراضه

المشكله منحصره في عدم إنتظام الحريق و علشان كده فيه برجله في العربيه
و علشان نقدر نساعد لازم تجاوبنا علي الأسله دي
حضرتك عملت صيانة الـ10000 كم فين ؟ و إيه اللي تم فيها ؟ هل غسلت الموتور ؟ هل تم فك أي جزء و تم تنضيفه ؟ و أيه هو ؟

هو موبيل زيت متوسط و لا هو سئ و لا ممتاز و دي مش أعراضه .. أقصي حاجه ممكن تلاحظها علي المدي القصير و السريع إرتفاع في صوت المحرك و إحساس بالخشونه

[superb]

فى اشاعات عن وجود زيوت مضروبه فى اماكن كتيره الفتره دى .. ياريت تتأكد من مصدر الزيت بتاعك و انه جديد و العبوه غير مستخدمه ... دا الموتور مش لعبه ..

[john55]

في التوكيل بيستعمل زيت شل هلييتكس10000 في غبور

[ahmed_h_g]

اخر نتائج بحث تم فى اكتوبر 2012 هى التالى:
-----------------------------------------

على فكره التقييم ده بالنسبه للأكثر مبيعا" فى سوق المانيا وليس للجوده
يعنى التقييم ده لو أتعمل عندنا هتلاقى مصر للبترول أولا" :)

[د.هشام]

انا سمعت ان فيه زيوت مضروبة من موبيل
تاكد انك بتشتريه من بنزينة موبيل
بس عن تجربة موبيل زيت ممتاز, انا بستخدمه بقالي 12 سنة, مستعملتش غيره

[Ashraf_Ibrahim]

في الواقع انا جربت نوعين من الزيوت من ساعة ما جبت عربيتي من سنتين ونصف
حطيت شيل الاصفر ال 5000 كم وكان معقول مش وحش
وجربت بعديه شيل الترا هيلكس الرمادي ال 10000 كم وللأسف كان صوت الموتور عالي ونزل ناقص
بعدها جربت كاسترول ايدج وحطيته 3 مرات وكل مرة كنت بمشي عليه 15000 كم وبينزل ممتاز وصوت الموتور رائع واداؤه اكثر من ممتاز
انصحك بكاسترول ايدج

[egyptodentist]

اولا:::::في حاجة غلط حصلت في العربية عندك لانه حتي لو الزيت مضروب لمبة التشيك متنورش حتي لو اللي موتور زيت طعام لكن متنورش علطول اكيد في حاجة غلط شيك علي علبة فلتر الهواء ممكن يتكون مش مقفولة كويس بعد ما نظفه الفلتر في الصيانة لانه اللمبة نورت في الاول وبعد ما الكنترول ضبط نسبة الهواء طفت بس الخليط مش مضبوط عشان كده العربية مش مضبوطة...بالنشبة للزيت لو العربية اتضبطت معاك بعد ماتراجع عليها متغيرش الزيت غير قبل ميعاده ب1000 كيلو وافضل اختيارين هما الشيل والكاسترول ايدج زي ما قالو الاعضاء المحترمين....وبسيطة بأذن الله

[ayman2]

على فكره التقييم ده بالنسبه للأكثر مبيعا" فى سوق المانيا وليس للجوده
يعنى التقييم ده لو أتعمل عندنا هتلاقى مصر للبترول أولا" :)

فى المانيا اكثر مبيعا يعنى اكثر جوده وفعلا زيت Hiqui moly High Tech هو الوحيد اللى صمد فى السياره حتى 9000 مع الحرق العنيف والنقص كان لايذكر وصوت الموتور ارتفع قليلا بعد 7000 لكن مع شل وموبيل النتيجه كانت سيئه وكاسترول كان أسوا منهم مع بعض الزملاء وخصوصا مع التربو

[s7oda]

معلومة للتوضيح الاخ الاي بيقول اشتري الزيت من البنزينة اضمن ويكون كويس لا طبعا مش شرط في ناس في منطقتنا عاملة ملايين من الزيت المضروب وخصوصا موبيل واكتر مبيعتهم لمحطات البنزين
المشكلة اننا بندعي عليهم لانهم خربو بيوت ناس كتير جدااااااااااااااااااا وبعد ما يكنزو من الغش يرجعو يشتغلو في الزيت السليم

حسبي الله فيهم