دالايات النترا 2012

[freeman207]

قدر الله ماشاء فعل امبارح بعد مارجعت من الشغل وداخل الجراج كان فيه قطعة بلاط مكسورة طلعت عليها عادى بالكاوتش راحت وقفة ورافعة العربية لفوق وهوب راحت نازلة تانى ببص لقيتها قطعت الدلاية الشمال

الامامى طبعا نزلت بصيت واتصدمت واتععكننت اوى وقلت الحمد لله

نيجى للمفيد ياريت اعرف سعر دالايات العربية دى بكام وبتتباع طقم ولا كل فردة لوحدها
لانى سالت فى التوكيل قالولى الامامى شمال ب 60.5 بسسسسسسسسسسسسس

[freeman207]

وكالعادة 40 مشاهدة ولا رد ولا حتى واحد يوحد ربنا !!!!!!!!!!

[mahmoud_afifi]

الدلايات بتتباع في شارع دمشق طقم كامل ممكن يبقى بسعر قطعه واحده في التوكيل او ارخص كمان.
حاجه بسيطه ماتضايقش نفسك

[freeman207]

الدلايات بتتباع في شارع دمشق طقم كامل ممكن يبقى بسعر قطعه واحده في التوكيل او ارخص كمان.
حاجه بسيطه ماتضايقش نفسك

اولا بشكرك انك اول واحد يرد عليا لك منى كل التحية والتقدير

النهاردة خدت لفة واكتشفت ان كل عربية ليها دلاية مخصوص ليها على ادها واد فتحات الاخرام بتاعت التثبيت والطول

منتظر باقى الاعضاء يتافعلوا

[john55]

انا لو مكانك اجيبها من التوكيل واريح دماغي انا عارف ان سعرها في التوكيل غالي بس هتفرق ايه20او30 جنيه بدل اللف اوالدوران دا راي ممكن يعجب حضرتك او لا يعجبك وشكرا

[mahmoud_afifi]

اولا بشكرك انك اول واحد يرد عليا لك منى كل التحية والتقدير

النهاردة خدت لفة واكتشفت ان كل عربية ليها دلاية مخصوص ليها على ادها واد فتحات الاخرام بتاعت التثبيت والطول

منتظر باقى الاعضاء يتافعلوا

لا داعي للشكر يا باشا احنا هنا بنخدم بعض كلنا :)

بالنسبه للدلايات اعتقد يركبلها بتاعت السيراتو واحسن حاجه انك تجيب طقم كامل عشان يبقى عندك احتياطي للباقي لو لا قدر الله اتكسرت.
بس الي انا لاحظته ان الي في شارع دمشق سهل انها تتكسر عكس الاصليه بتاعت العربيه. واجب اني اقول لحضرتك وحضرتك ليك مطلق الحريه في الاختيار

[freeman207]

انا لو مكانك اجيبها من التوكيل واريح دماغي انا عارف ان سعرها في التوكيل غالي بس هتفرق ايه20او30 جنيه بدل اللف اوالدوران دا راي ممكن يعجب حضرتك او لا يعجبك وشكرا

انا معاك الاصلى اصلى ولا يعلى على الاصلى بس دى دلاية مش عارف حرام ادفع فيها المبلغ ده
يعنى مش فانوس ولاتيل

[freeman207]

لا داعي للشكر يا باشا احنا هنا بنخدم بعض كلنا :)

بالنسبه للدلايات اعتقد يركبلها بتاعت السيراتو واحسن حاجه انك تجيب طقم كامل عشان يبقى عندك احتياطي للباقي لو لا قدر الله اتكسرت.
بس الي انا لاحظته ان الي في شارع دمشق سهل انها تتكسر عكس الاصليه بتاعت العربيه. واجب اني اقول لحضرتك وحضرتك ليك مطلق الحريه في الاختيار

شكلى هشتريها وخلاص بس حراااااااااااام

[ABO MALEK]

قدرالله وماشاء فعل..يمكن تكون فديت بها حاجة تانية اكبر.
الأورجينال لا يعلى عليه.

[samihanwar]

معالى الباشا هتفرق جامد عن التوكيل
والافضل ليك انك تروح التوفيقيه وانشاء الله هتلاقيها بس تجيب الاصلى بتاعتها او الموبيس ده انضف حاجه مش هتقدر تميزها عن اللى بتتباع فى التوكيل
والناس اللى متخصصه اوى فى التوفيقيه للهيونداى عندك ابراهيم البنا وجورج حلمى ومجدى رمزى
وتقبل مرورى

[freeman207]

قدرالله وماشاء فعل..يمكن تكون فديت بها حاجة تانية اكبر.
الأورجينال لا يعلى عليه.

انا معاك والله بس حرام اوى 60 جنيه فى حتة دلاية

[freeman207]

معالى الباشا هتفرق جامد عن التوكيل
والافضل ليك انك تروح التوفيقيه وإن شاء الله هتلاقيها بس تجيب الاصلى بتاعتها او الموبيس ده انضف حاجه مش هتقدر تميزها عن اللى بتتباع فى التوكيل
والناس اللى متخصصه اوى فى التوفيقيه للهيونداى عندك ابراهيم البنا وجورج حلمى ومجدى رمزى
وتقبل مرورى

شكرا على ردك وربنا يخليك طيب حد مع ارقام الناس دى نسالهم موجودة وبكام؟

[svneleven]

60 جنيه مش حاجة لعربية ب 125 الف حنيه. و كمان لما تركب الأصلي هتحس ان العربية زي ما هي جديده و ده مجرد احساس.

[freeman207]

60 جنيه مش حاجة لعربية ب 125 الف حنيه. و كمان لما تركب الأصلي هتحس ان العربية زي ما هي جديده و ده مجرد احساس.

ربنا يسهل واجيب الاصلى وخلاص