خرطوم مساحات الفيرنا

[mshmshm3]

السلام عليكم و مساء الخير جميعا ،،،
امبارح بشغل مية المساحات لاقيت في صوت طالع و المية بتقع من ميزراب اخر الاكصدام عند العجلة اليمين قدام تحت قربة المساحات وكل لما احط مية تنزل تاني كلها
كدة الخرطوم اللي واصل للقربة اتفك
اوصله ازاي عشان اركبه

[haysam2000]

افتح الكبوت و اسنده بالعصايه
تعالى من الناحيه اللى فيها البزبوز و امسكه بايدك من بره علشان ميطلعش من مكانه و ركبلو الخرطون (عاشق و معشوق يعنى ولا افيز و لا غيره)

[mshmshm3]

افتح الكبوت و اسنده بالعصايه
تعالى من الناحيه اللى فيها البزبوز و امسكه بايدك من بره علشان ميطلعش من مكانه و ركبلو الخرطون (عاشق و معشوق يعنى ولا افيز و لا غيره)

مكانه فين مفيش حاجة باينة وانا فاتح الكبوت
في ناس بتقولي ده اتفك عشان السمكري اللي رد الخبطة اللي في الرفرف ما ربطوش كويس و السمكري فك حتة من الكارتيرة
معلش حضرتك وضحلي بالظبط المكان فين بتاع الخرطوم اللي طالع من قربة المية مش اللي في الكبوت

[haysam2000]

يا باشا خرطوم المساحات جوه الكابوت فى الأول ولا انت قصدك اللى طالع من قربه المياة اصلا ؟

[mshmshm3]

يا باشا خرطوم المساحات جوه الكابوت فى الأول ولا انت قصدك اللى طالع من قربه المياة اصلا ؟

ايوة قصدي اللي طالع من القربة عملتو النهاردة فكيت الكارتيرة و عملتو وكان مزيت تقريبا عشان كان عندي نشع في خرطوم زيت الباور

شكرا علي اهتمامك ياباشا