الفرق بي هيونداي فيرنا 2006 كوري 1500 سي سي وال 1600 مصري

[ahmedbadr_99]

ماهو الفرق بي هيونداي فيرنا 2006 كوري 1500 سي سي وال 1600 مصري
من حيث الموتور هلي في فرق جامد يعني ؟
وهل الموتور 1500 ده ضعيف غير 1600
اصل انا معروض عليا فيرنا 2006 كوري 1500 سي سي , فابريقة بالكامل وعامله 60000 كم وحالتها نضيفة بس هو طالب 50000 جم نهائي
السعر كويس ولا نجيب 1600 بنفس السعر مع الحالة

[ahmedbadr_99]

ارجو الرد

[ahmedbadr_99]

بسم الله ماشاء الله 45 مشاهده للموضوع محدش بيقول حاجة ليه يا جماعه ؟
فين وحوش الهيونداي والفيرنا !!!!!!!!!!!!!!!!!!!!!!!

[EngAhmedSakr]

بالنسبه للسعر 50 الف
فهي غاليه جدا بالنسبه للموديل دا 2006 حتي لو فبريكه وخصوصا انها 1500
فرق الموتور في الشد مش كبير خصوصا ان العربيه خفيفه اساسا
ولكن يفضل الـ 1600 وموديلات حديثه 2010-2011-2012 علشان في الموديلات دي تخلصوا من علبه الشكمان الواطيه واللي بتحك في المطبات مع التحميل بالموديلات القديمه

نصيحه دور علي 1600 موديل احدث وحاله كويسه لان فلوسك تجيب طبعا .

[egyptodentist]

اولا:::: الفيرنا الكوري افضل من المصري زي اي عربية كوري بتكون مواصفات البلد المصنعة اعلي من مواصفات بلدنا الحبيب....
ثانيا:::الموتور ال1500 مش ضعيف ولا حاجة بس طبعا مش زي ال1600 بالذات مع التكيف والحمولة بس عامة الفرق مش كبير في السحب مقارنة بباقي المواصفات...يعني شوف وزن كابوت الكوري من المصري ...شوف وزن باب الكوري من المصري....التقفيل طبعا افضل بكثير...حتي الخامات الداخلية احسن نوعا ما.....
بس بالنسبة للسعر انا شايف انه غالي حبيتين يعني ممكن تنزل 2-4 اللف و بغض النظر عن العداد افحص العربية كويس جدا لو العربية بحالتها ومش راشة صاج نهائي تساوي ال50000 واتوكل علي الله حتي لو مرضيش ينزل لانه عربية اغلي 3000 وسليمة افضل من عربية ارخص 10000 ومتهانة ..
وبالنسبة للمقارنة بين الكوي والمصري في نفس السعر الكوري يكسب

[ahmedesmat1987]

عن تجربه ال1500 اجرسف اكتر من 1600 يعنى لما تدوس بنزين قليل تسحب بسرعه جدا تحس انك راكب عربيه مجنونه ومش محتاج تقرص على الموتور عشان تجمع سرعه ودا طبعا لان نقطه قوه العزم بتبقى فى 1500 على عدد لفات اقل من ال 1600 يعنى مثلا فى ال1500 بتبقى 2800 لفه وال 1600 فى 3200 مثلا فبتلاقى 1600 اهدى شويه فى الاندفاع لاكن فى التجميع 1600 تفرق فى السرعات العاليه

[ahmedbadr_99]

الف شكر يا رجالة وربنا يجعله في ميزان حسناتكم

[loshabih]

عن تجربه ال1500 اجرسف اكتر من 1600 يعنى لما تدوس بنزين قليل تسحب بسرعه جدا تحس انك راكب عربيه مجنونه ومش محتاج تقرص على الموتور عشان تجمع سرعه ودا طبعا لان نقطه قوه العزم بتبقى فى 1500 على عدد لفات اقل من ال 1600 يعنى مثلا فى ال1500 بتبقى 2800 لفه وال 1600 فى 3200 مثلا فبتلاقى 1600 اهدى شويه فى الاندفاع لاكن فى التجميع 1600 تفرق فى السرعات العاليه

مع كامل احترامي الكلام ده غلط وليس له اساس من الصحة ومش قاعدة

[mrgamal]

السعر غالى جدا ومنصحكش بالعربية خالص موديل 2006 يعنى داخلة فى 7 سنين شغل واى كانت حالتها السعر غالى وبخصوص الفرق بينها وبين المصرى الصاج والعفشة واحد الفرق فى المحرك فقط لاغير اضافة الى تقفيل الخواجه ولو فيها اى خبطة من قبل وتم تغير اى جزء مثلا رفرف او كبود يبقى ميزة التقفيل راحت

[ahmedesmat1987]

مع كامل احترامي الكلام ده غلط وليس له اساس من الصحة ومش قاعدة

مع كامل احترامى انا ليك انا كلامى مش من دماغى ولا تاليف انا على بستند فى كلامى على معلومات من بروشور السياراتين واسال اى حد معانا فى المنتدى معاه المكنه 1500 هيقولك نفس اللى انا بقولو

[mshmshm3]

هو مش اخر الكوري كان موديل 2004 ؟؟؟ وكذلك ال 1500 بعد كدة من 2006 كان 1600
طيب انت لو دورت شوية هاتجيب بال 50 الف حاجة موديل 2008 وماشية نفس المسافة تقريبا و بنفس السعر و يبقي معاك موديل جديد و بالنسبة لعلبة الشكمان تقدر تغيرها لو هاتعملك مشكلة مع المطبات
مش قاعدة عدد الكيلو متر اللي ماشياه العربية طيب ما المعارض بيطلع عربيات زيرو تروح بيها مشاوير و يفصلو فيشة العداد و لو اتخبطت تتسمكر و تترش و تتباع بنفس السعر علي انها فابريكة بالكامل زيرو
خد معاك حد يكون سمكري غير انصاص عربيات و يكون شغله نضيف و يبص في العربية
غير كدة بيبان من حاجات كتير العربية فعلا نضيفة و تستاهل ولا لا
زي مثلا انطباعك عن اللي كان بيسوق العربية
حالة الصالون و نضافته
فواتير الصيانة الدورية و الزمنية
وهكذا وماتتسرعش

[loshabih]

مع كامل احترامى انا ليك انا كلامى مش من دماغى ولا تاليف انا على بستند فى كلامى على معلومات من بروشور السياراتين واسال اى حد معانا فى المنتدى معاه المكنه 1500 هيقولك نفس اللى انا بقولو

المكنه ال1600 بتطلع العزم علي 3000 لفه ودي معروفة
نيجي بقي لمواتير ال1500 :
Hyundai Accent 1.5 GLS 2006


Fuel: Diesel
Maximum torque: 187 Nm (137.9 ft·lb) @ 2000 rpm


Hyundai Accent 1.5 MVi 2005

Maximum torque: 133 Nm (98.1 ft·lb) @ 3000 rpm






Hyundai Accent 1.5 CDX Automatic 2005

Maximum torque: 132 Nm (97.4 ft·lb) @ 2900 rpm


طبعا زي مواضح الوحيده اللي بطلع علي اقل من 3000 هيا ال CDX Automatic وكمان فرق 1000 لفه فقط وانا معرفش ال1500 اللي في مصر هيا دي ولا لا ولو هيا فلو دخلت علي الموقع هتلاقي التسارع اقل من ال1600 يبقي ازاي اجرسف اكتر من 1600 الا لو الموتور متركب علي بودي مصري



وا2000 دي ديزل...

ودا الموقع Hyundai Accent specs

[ahmedbadr_99]

يا جماعه انا سألت واحد علي الفيرنا ال 1500 موديل 2006 قاللي انها موتور اكسنت فهل يقصد النيو اكسنت ولا الاكسنت القديمة الل هي موديل 1998 ال 1500
وبعدين في نا قالتلي ان الموتور ال 1500 علي الفيرنا تعبان وبيفوت بسرعه علشان كده مانتشرش كتير وبقي ال 1600 هو المنتشر
ارجو الافاده وشكرا

[midooo_119]

لسه صاحبى جايب ال1500 من يومين ب 45 الف عاملة 88 الف كم

[haysam2000]

اولا الكورى اخره 2004 لانى معايا واحده و عارف و بال 50 دول تقدر تركب 2007 اتوماتيك انما 1500 محستهاش خالص خصوصا انا مبحبش العربيات اللى مفيهاش ار بى ام