Tweet
برجاء الافادة عن موضوع الزوايا فى الفيرنا هل فعلا تحدف يمين او شمال وما بتظبطش لانى عايز اجيب فيرنا ولا احسن ابعد عنها واجيب افيواحسن برجاء اللى عنده فيرنا يقولى
-
-
عيب الحدف الى فى الفيرنا سببه ان فيه دفعات من الفيرنا بتنزل بكاوتش نسر سىء جدا جدا جدا و هو ده سبب الحدفه و الغربله ، فا لو هاتجيب فيرنا اول ما تستلمها تروح على واحد بتاع كاوتش تبيع الكاوتش النسر ( لانه لسه جديد بشوكه) و تجيب اى نوع محترم و هتلاقى المشكله اتحلت بأذن الله من غير اى حوارات.
و لو عاوز ثبات اكتر على الطريق يبقى غير كاوتش و جنوط لو انتا بتسوق على سرعات عاليهم / احمد فوزى -
شكرا يابشمهندس احمد على الرد بس رايك اجيب افيو احسن ولااية بدل وجع الدماغComment
-
زى ما الباشمهندس احمد قالك كدهشكرا يابشمهندس احمد على الرد بس رايك اجيب افيو احسن ولااية بدل وجع الدماغ
وبعدين الافيو هيا هيا اللانوس بس بسعر اعلى يبقى يا تجيب لانوس يا تستنى اما ينزلو موديل جديد فى الافيو[CENTER][shfaf2]http://img254.imageshack.us/img254/5662/backdsc00128la4yl6.jpg[/shfaf2][/CENTER]Comment
-
بص يا باشا الاتنين قريبين من بعض اوى ،بس الفيرنا موتورها اقوى و الافيو صالونها احلى ،شوف لو قعدت تسمع كلمه من كل واحد مش هاتشترى حاجه فى الاخر لان الى معاه فيرنا هيدافع عنها بأستماته و الى معاه افيو هيدافع عنها بأستماته .فا شوف انتا مرتاح لايه اكتر
بالنسبه للعيب المشهور فى الفيرنا انا قلت لك على سببه من الاخر ، انا فضلت الفيرنا علشان انا عاجبنى ان موتوها اقوى.م / احمد فوزىComment
-
وبعدين الافيو هيا هيا اللانوس بس بسعر اعلى يبقى يا تجيب لانوس يا تستنى اما ينزلو موديل جديد فى الافيو[/quote]
تمامم / احمد فوزىComment
-
هوه منصور هينزل موديل جديد للافيو غير الشكل الحالى ولا ايةComment
-
حضرتك ممكن تسال في منتدي شيفروليه
اما بالنسبه للفيرنا فده اتحل لان اغلب الكاوتش اللي نازل نوع تركي اسمه لاسا
و بعدين هو حضرتك عندك فيرنا و لا لسه هتشتريهاComment
-
لا لسه لم اشترى علشان كده بسأل لقبل ما اشتريComment
-
تمام بص ياباشا
نمسكها واحده واحده
الافيو تكسب في الشياكه علي الاقل شكل جديد
الفيرنا تكسب في الموتور 106 حصان مقابل 85 للافيو
العفشه عامه بتستحمل في الفيرنا جامد و الدليل انتشارها كتاكسي يعني عربيه بتاعت شقا
الفيرنا قطع غيارها عند اي بقال و اي حد يفهم فيها اكتر من الافيو
الفيرنا سهله البيع و اعاده بيعها مرتفع و غالبا الافيو هتكون كده برضه
الاتنين تجميع مصري و بهم مشاكل التجميع المصري
بالنسبه للتوكيل عامه الناس تفضل المنصور عن غبور
رأيي صراحه ان الاتنين مبالغ في سعرهم بس الافيو مبالغ فيها جدا جدا جدا
اي سؤال اخر انا تحت امركComment
-
شكرا جدا جدا ياباشا على مقارنتك الموضوعيةComment
-
معلش ياباشا كنت عايز استفسر على حتة الزوايا والحدفة لان ناس كتير قالت على الفيرنا الموضوع ده والواضح ان عندك فيرنا 2008 هل فعلا غيرت الكاوتش والجنوط بعد ما جبتها ولا ايهComment
-
شوف الموضوع ده كده لان المكتوب هنا بيقول ان الحدفة
مش هتتحل غير بتغير الكاوتش بمقاس 14 والجنوط ايضا
[CENTER]
[FONT=Comic Sans MS][SIZE=4][COLOR=Blue]Omar[/COLOR][/SIZE][/FONT]
[img2]http://www8.0zz0.com/thumbs/2009/10/06/18/187809311.jpg[/img2]
[/CENTER]Comment
-
أحب أضيف حاجتين
1- موضوع الحدفه دة أنا مقابلتوش خالص في عربيتي الفيرنا وهي على فكرة موديل 2004 يعني مش عيب في كل الفيرنا
2- من العيوب الشهيرة للفيرنا إن صوت موتورها عالي شوية ( بعكس الأفيو خالص) ومزعج في بعض الأحيان لكن في المقابل أفضل في الكفاءة[CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]Comment
-
بس صوتها زي مابيقول سبعاوي من نوع الزئير مش من نوع الانين
تحس ان صوتها بيقول دوس كمان :)
اما الحدفه و الثبات فعامه ينصح بتغيير الجنطComment
Comment