تغيير الزجاج الأمامى لنيو أكسنت

[MSK61]

السلام عليكم،
أنا عربيتى نيو أكسنت 2010. من قيمة سنة و شوية كده الزجاج الأمامى اتنقر فى جزء كده و بعديها بشوية وسع و طلع منه شرخين طوال بعرض اللوح. المهم أنا سبت الموضوع و اليومين دول قررت أغير البربريزالأمامى.

لما سألت لقيت فيه نوعين ممكن أركبهم: الأصلى بتاع هيونداى(من بره التوكيل) ب450 ج بتركيبه، و زجاج دكتور جريش ب370 ج بتركيبه(فى محلات بره مش فى مقر المصنع بتاعه فى العاشر من رمضان). و دلوقتى أنا محتار أركب أنهى فيهم؟ دكتور جريش شركة عالمية و الناس بتشكر فى صناعته. فى نفس الوقت فيه ناس قالت لى إن فيه عوامل تانية زى وضوح الرؤية من خلال الزجاج، و الزغللة لو فيه نور ضرب فى القزاز من بره، درجة حجب الزجاج لحرارة الشمس(و اللى ممكن يؤثر على تسخين التابلوه مثلاً و الهوا بصفة عامة جوه العربية)، و عوامل زى كده.

هل يقدر أى حد يفيدنى إذا كان فيه فروق زى ده فعلاً موجودة بين النوعين؟ و بناءاً عليه إذا كان الأحسن إنى أركب واحد فيهم بعينه؟

[original]

دكتور جريش الإزاز بتاعه أخضر والأصلى بتاع العربية شفاف
أنا جربت إزاز الباب اليمين ومزعلنى على الآخر وبدور على الأصلى بتاعها عشان كان شفاف مش أخضر وبيعض فى كاوتشة الباب
الإزاز الخلفى عندى مغيره دكتور جريش وصراحة واضح أوى إنه مختلف عن باقى الإزاز عشان لونه أخضر

[Ayman-Ahmed]

وعليكم السلام.

اللى عرفته عن زجاج جريش انه مبيستحملش زى الفابريكا ومعامل الحرارة بتاعه اقل من 70% اللى فيها واللى بيزود درجة حرارة الصالون وبياثر مع الوقت على التابلوه والكراسى...الخ.

كان فيه اعضاء جربوا زجاج امان وقالوا انه افضل ومبيزغللش .

سوالى: هو الزجاج اللى ب 450 هل استيراد ولا بيتباع عند محل زجاج معين؟لاننى واقع فى نفس حيرتك وعاوز اغير الامامى ومش عارف اعمل ايه.

[amrelsaqqa]

لو مكانك هجيب الاصلى بدون تفكير وخصوصا ان الفرق مش كتير

[MSK61]

متشكر يا جماعة على كل الإجابات. بالنسبة لسؤال الأستاذ أيمن، أنا سألت فى محلين: واحد فى القصر العينى و التانى اسمه الحاجة لزجاج السيارات فى سور مجرى العيون(و ليه فروع تانية منهم واحد مثلاً على كورنيش مصر القديمة و فى أماكن تانية). الاتنين قالوا لى نفس السعر 450 ج و قالوا لى إنه الزجاج الأصلى بتاع هيونداى و عليه حتى شعار شركة هيونداى.

أنا كمان جربت أسأل فى توكيل غبور، اتصلت بيهم مرتين فى يومين مختلفين(إمبارح و أول إمبارح)، كانوا كل مرة بياخدوا السؤال و يقولوا لى حد من مسؤولين قطع الغيار حيكلمنى يبلغنى السعر بعد 3 ساعات، بس محدش اتكلم فى أى مرة(و الله احتمال يكونوا كلمونى النهارده لأنى لقيت رقم معرفوش طلبنى مرتين ورا بعض، و طبعاً ما سمعتش الموبايل ساعتها). المهم أنا الصراحة زهقت و مش ناوى أسألهم تانى، كل ده عشان بس أعرف تمن قطعة غيار؟

عموماً أنا دلوقتى شكلى حمشى فى سكة الأصلى اللى ب450 ج و أركبه، و ربنا يسهل بقى!

شكراً تانى يا جماعة على الإجابات.

[original]

معقول فى إزاز كورى الأصلى بتاعها!!
أعتقد إنه استثمارى عليه علامة هيونداى..
حضرتك شوف العلامة اللى على الإزاز بتاع العربية وروح شوف اللى بيقولوا عليه أصلى..

[Y a r i s]

معليش ممكن ادلي بدلوي عن تجربة
قزاز دكتور جريش مش عالمي ولا حاجة هو قزاز عادي جداً بس حابب اقول انو مش هيفرق حاجة عن قزاز الاصلي بتاع هونداي لان قزاز هونداي مش معالج لاشعة الشمس بل زجاج عادي جداً وشفاف وبيدخل اشعة الشمس بكل الوانها وانواعها ... وحتى الكلمة الي سمعتها قبل كده ان زجاج دكتور قريش مخضر والكلام ده كلو اتضح بالمنسبة ليا انو كلوا اونطة في اونطة .... مفيش فرق بين دكتور جريش. وبين القزاز الي محطوط عليه الشعار ....

ايمتى القزاز تحس بفرق في الخامات لمن يكون معالج من اشعة الشمس. وده اللوح الواحد تمنوا فوق ال ٢٠٠٠ جنية. زي قزاز تويوتا كدة او قزاز الاوكتافيا الاصلي من التوكيل ... بس انتا ممكن تعمل حاجة حلوة ركب دكتور جريش وممكن تروح تركبلوا حماية فيلم شفافة. ضدد الكسر والنقر ووممكن تديلو كمان طبقة شفافة فيلم امريكي كمان عازل للحرارة. وساعتها هيبقى افضل. والله ولي التوفيق

[Habd]

مفيش ازاز اصلى ب 450 ج من سنة لما سالت ف التوكيل كان ف حدود 2500 ج من غير التركيب و الضريبة يعنى بيلعب ف 3500 ج و ازاز جريش ف العاشر لما سالت بالتليفون بالتركيب ب 315 ج و انا ف نفس حيرتك خاصة ان الازاز واخد لحد الوقتى 6 او 7 خبطات و فيه شرخ كبييييييييييييييير

[Y a r i s]

الار بي عندي تقفيل بلادها كوري. قزازها شفاف وعادي وغير عازل للحرارة نهائي
بنفس مستوى دكتور جريش حتى البرفريز الامامي لمن تيجي وقت الظهرية كدة تلاقي صورة التابلوة مزغللة على البرفريز ... فتوكل على الله وركب دكتور جريش وخلاص ... وتحياتي

[Ayman-Ahmed]

متشكر يا جماعة على كل الإجابات. بالنسبة لسؤال الأستاذ أيمن، أنا سألت فى محلين: واحد فى القصر العينى و التانى اسمه الحاجة لزجاج السيارات فى سور مجرى العيون(و ليه فروع تانية منهم واحد مثلاً على كورنيش مصر القديمة و فى أماكن تانية). الاتنين قالوا لى نفس السعر 450 ج و قالوا لى إنه الزجاج الأصلى بتاع هيونداى و عليه حتى شعار شركة هيونداى.

أنا كمان جربت أسأل فى توكيل غبور، اتصلت بيهم مرتين فى يومين مختلفين(إمبارح و أول إمبارح)، كانوا كل مرة بياخدوا السؤال و يقولوا لى حد من مسؤولين قطع الغيار حيكلمنى يبلغنى السعر بعد 3 ساعات، بس محدش اتكلم فى أى مرة(و الله احتمال يكونوا كلمونى النهارده لأنى لقيت رقم معرفوش طلبنى مرتين ورا بعض، و طبعاً ما سمعتش الموبايل ساعتها). المهم أنا الصراحة زهقت و مش ناوى أسألهم تانى، كل ده عشان بس أعرف تمن قطعة غيار؟

عموماً أنا دلوقتى شكلى حمشى فى سكة الأصلى اللى ب450 ج و أركبه، و ربنا يسهل بقى!

شكراً تانى يا جماعة على الإجابات.

مشكور جدا على ذوقك وردك وياريت لما تركب جريش تقولنا انطباعك عنه ايه؟

معليش ممكن ادلي بدلوي عن تجربة
قزاز دكتور جريش مش عالمي ولا حاجة هو قزاز عادي جداً بس حابب اقول انو مش هيفرق حاجة عن قزاز الاصلي بتاع هونداي لان قزاز هونداي مش معالج لاشعة الشمس بل زجاج عادي جداً وشفاف وبيدخل اشعة الشمس بكل الوانها وانواعها ... وحتى الكلمة الي سمعتها قبل كده ان زجاج دكتور قريش مخضر والكلام ده كلو اتضح بالمنسبة ليا انو كلوا اونطة في اونطة .... مفيش فرق بين دكتور جريش. وبين القزاز الي محطوط عليه الشعار ....

ايمتى القزاز تحس بفرق في الخامات لمن يكون معالج من اشعة الشمس. وده اللوح الواحد تمنوا فوق ال ٢٠٠٠ جنية. زي قزاز تويوتا كدة او قزاز الاوكتافيا الاصلي من التوكيل ... بس انتا ممكن تعمل حاجة حلوة ركب دكتور جريش وممكن تروح تركبلوا حماية فيلم شفافة. ضدد الكسر والنقر ووممكن تديلو كمان طبقة شفافة فيلم امريكي كمان عازل للحرارة. وساعتها هيبقى افضل. والله ولي التوفيق

مشكور جدا على المعلومات الجديدة والمساعدة وحضرتك عندك فكرة عن تمن تركيب الفيلم الشفاف او الحماية ؟

[amrelsaqqa]

هو فعلا مش كل اللى عليه الشعار يبقى اصلى
والسعر يعتبر قليل ،بس انا قلت يمكن عشان هيونداى فرخيص

بس انا عندى في التويوتا ازاز استغفر الله العظيم ، مجرح وكله دواير ( زي لما تبص لصاج العربية في الشمس ) و بيعكس التابلوه والرؤية منه مش حلوة خالص وطبعا غير معالج ضد اشعة الشمس ، ومع ذلك عليه شعار تويوتا وطبعا اكيد مش الاصلى بتاعها

لدرجة ان الازاز بتاع الـ 504 كان احسن بمراحل ! ، بس مش فاكر للاسف كان دكتور جريش ولا ايه ،بس تقريبا كان دكتور جريش

[MSK61]

طيب يا شباب، هوا بناءاً على إجاباتكم الأخيرة فى الموضوع ده أنا شكلى حروح لإزاز جريش و أسيبنى من بتاع هيونداى ده. ححاول أروح أركبه بكرة الجمعة أو بعده السبت إن شاء الله. دعواتكم بقى!

بس انا عندى في التويوتا ازاز استغفر الله العظيم ، مجرح وكله دواير ( زي لما تبص لصاج العربية في الشمس ) و بيعكس التابلوه والرؤية منه مش حلوة خالص وطبعا غير معالج ضد اشعة الشمس ، ومع ذلك عليه شعار تويوتا وطبعا اكيد مش الاصلى بتاعها

لدرجة ان الازاز بتاع الـ 504 كان احسن بمراحل ! ، بس مش فاكر للاسف كان دكتور جريش ولا ايه ،بس تقريبا كان دكتور جريش

ماعتقدش إنه دكتور جريش لإنك بتقول عليه شعار تويوتا، زجاج دكتور جريش له شعاره الخاص على حسب ما سمعت(أو حد يصحح لى لو كانت المعلومة ده غلط).

معقول فى إزاز كورى الأصلى بتاعها!!
أعتقد إنه استثمارى عليه علامة هيونداى..
حضرتك شوف العلامة اللى على الإزاز بتاع العربية وروح شوف اللى بيقولوا عليه أصلى..

و الله أنا المحل اللى سألته قال لى الأول على إزاز هيونداى الأصلى ب450 ج و بعدين قال لى و عندى الاستثمارى زى دكتور جريش ب370 ج، فواضح إن الاتنين حاجتين مختلفتين.

الار بي عندي تقفيل بلادها كوري. قزازها شفاف وعادي وغير عازل للحرارة نهائي
بنفس مستوى دكتور جريش حتى البرفريز الامامي لمن تيجي وقت الظهرية كدة تلاقي صورة التابلوة مزغلله على البرفريز ... فتوكل على الله وركب دكتور جريش وخلاص ... وتحياتي

الآر بى ده بقى حكايتها حكاية. فيه محل و أنا بسأله على عربيتى النيو أكسنت 2010 افتكر إنها آر بى، وقال لى بقى سعر وهمى 750 ج(و تقريباً كان يقصد إزازها الأصلى بتاع هيونداى). أنا عارف إن الآر بى فيها يعنى شوية فروق عن النيو أكسنت، بس ما كنتش أتصور إن الفرق يوصل لإن تمن البرفريز الأمامى يبقى ب750 ج. عموماً أنا متشكر على نصيحتك إنى أركب دكتور جريش، أنا شكلى حعمل كده فعلاً.

[michohat]

واحد صاحبي جنب منه مصنع زجاج قال لي ان الزجاج عنده ب 180 او حاجه زي كده وعليه شعار العربية ايا كان نوعها
و زجاج جريش ب 320 و زجاج امان ب 370
ايه افضل البدائل بصفتكم ناس جربت الازاز