وش السلندر وامبير الحراره للفيرنا

[KING_A841]

عايز نصيحه الفرناويه اللي مرت عليهم تجربه مشابهه من دي حتى لو مش فعربياتهم هما اي موديل هيونداي.


كذا واحد صاحيب قالي ان امبير الحراره للفيرنا او التاني اللي معاه الألنترا القديمه 2006 كان بيبقى امبير الحراره سليم وكل حاجه بس مشكلته لما العربيه بتسخن قوبي لأي سبب من الأسباب سواء نقص زيت او ميه بتبقى استجابته متأخره يعني بعد (ماالفاس ما يقع في الراس) اول مابيعل بتبقى العربيه جابت وش سليندر خلاص. وده اللي انا مش مقتنع بيه نهائيا لأن كده ملوش لزمه انهم يحطوا أمبير حراره .
فبما ان موضوع وش السلندر ده نادر حدوثه فياريت حد يقولي رأيه في الكلام ده لأنه لو لوكان مظبوط هضطر اني اركب عداد حراره خارجي تاني.
ارجو سرعه الرد
وشكرا

[KING_A841]

ايه محدش عندو ادنى فكره عن الموضوع ؟؟؟؟؟؟؟؟؟؟؟؟؟؟؟؟؟؟؟؟ فين الخبرات يارجاله.

[mshmshm3]

محدش عايز يرد عشان ما نفتيش
انا بصراحة اول مرة اسمع الكلام ده و حصوصا ان في ناس كتير معاها فيرنا و المؤشر ساعات يعدي النقطتين و يقف و ساعات يوصل للاخر معني كدة انه بيقوم بوظيفته تمام

[Ashraf_Ibrahim]

ايه محدش عندو ادنى فكره عن الموضوع ؟؟؟؟؟؟؟؟؟؟؟؟؟؟؟؟؟؟؟؟ فين الخبرات يارجاله.

يا عزيزي ادي الناس فرصة علشان ترد ولا تقلق الرد هييجي على طول

*الكلام اللي فوق دا طبعا ملهوش أي اساس من الصحة مطلقا
امبير الحرارة شغال ودقيق على فكرة فلا تقلق مطلقا
تابعه بس اثناء الرحلة من وقت للتاني

[METOELESSAWY]

الفيرنا بها مروحتين تبريد تعملات بكفاءه فى حالة تفص المياه او قله كفاءه دوره المياه يعنى بتصمد شويه فى الاحوال العاديه المروحه بتشغل و تفصل عدم الفصل او الفصل متاخر مأشر ضعف كفاءت دوره المياه من الاخر يجب متابعة مستوى المياه على طول العسيل الدورى مره فى السنه للردتير و استخدام المياه الخضرا موبيل او الاسبانى تركيز 40% عشان الميه العاديه بتعمل صدا بسرعه فى الفيرنا

[original]

زى ما الزملاء قالوا المعلومة محدش سمع عنها وطالما بتكشف أول بأول على دورة التبريد يبأا ماتقلقش..

[KING_A841]

يا عزيزي ادي الناس فرصة علشان ترد ولا تقلق الرد هييجي على طول

*الكلام اللي فوق دا طبعا ملهوش أي اساس من الصحة مطلقا
امبير الحرارة شغال ودقيق على فكرة فلا تقلق مطلقا
تابعه بس اثناء الرحلة من وقت للتاني

ياباشا انا طول مانا في المنتدى مطمن وعارف ان كده كده في حد عدى عليه تجربه مشابهه وميبخلش في اي معلومه عرفها زي حضرتك كده.
يس كل الفكره اني مشوفتش الأمبير ده عدى النص قبل كده فكنت مقلق منه

[Ashraf_Ibrahim]

لا متقلقش انا عدا معايا قبل كدة :d
وطبعا شفته اول ما عملها قليل الادب دا :d
كنت مشغل التكييف فلقيته علي شوية فقمت مهدي وطفيت التكييف لقيته نزل لوضعه الطبيعي فعرفت ان السربنتينة عاوزة تتنضف قمت مشغل التكييف تاني عادي وقمت فاتح تاني عادي وبيس معليش تاني ونضفتها وزي الفل مفيش مشاكل
فلا تقلق امبير الحرارة شغال في الفيرنا وزي الفل

[asm123]

انا عندى نفس المشكله حتى الان

المشكله دى تسببت انى اخرط وش السلندر

http://www.nilemotors.net/Nile/212981-a.html#post3873419740

وجارى البحث عن السبب. وخلى بالك ان ممكن ناس كتير من اللى بيطمنوك يكون عندهم نفس المشكله ومش عارفيين!

[pop2107]

الموضوع دة صح 100 فى 100 وحدث معايا .. وخرطوم الردياتير انفجر والحرارة عند الربع

؟؟

بالرغم من سلامة المراوح .. وطلع عيب ثرموستات الكوعة .. كانت قافلة ومفتحتش دورة

المية للموتور وبالرغم من كدة عداد الحرارة لم يحس بالمشكلة الا بعد فوات الاوان ؟

[m7mda7md]

تصدقوا انا عندي وسواس الموضوع ده!!!!!!!...... يا تري نكتشفها ازاي؟؟؟

[aymn6666]

تصدقوا انا عندي وسواس الموضوع ده!!!!!!!...... يا تري نكتشفها ازاي؟؟؟

ممكن بسهوله نشيل فيوز المرواح بتاعت الردياتير وبكده مش حيبقي في تبريد وحنشوف الحراره حتعلي ولا لئه لو عليت يبقي المؤشر استجابته كويسه ومفيش خوف

[KING_A841]

ممكن بسهوله نشيل فيوز المرواح بتاعت الردياتير وبكده مش حيبقي في تبريد وحنشوف الحراره حتعلي ولا لئه لو عليت يبقي المؤشر استجابته كويسه ومفيش خوف

أستاذ فكره حلوه بردوو
عداد الحراره ده متقسم 3 زونات c ودي بتعلى عادي(رينج حراره صغير) و الH ودي المفروض بتعلى عادي (رينج حراره صغير) اللي هو سؤالنا ؟؟
اما الزون اللي في النص اللي هي النورمال لما العربيه تسخن دي ليها رينج كبير مبيعلاش عنه بسهوله ولا بينقص بسهوله بردو

[m7mda7md]

ممكن بسهوله نشيل فيوز المرواح بتاعت الردياتير وبكده مش حيبقي في تبريد وحنشوف الحراره حتعلي ولا لئه لو عليت يبقي المؤشر استجابته كويسه ومفيش خوف

شكرا يا ايمن بك.. اخاف اعمل كده ما تصدق تسخن و يحصلها حاجه و ابقي انا السبب ههههههههههه