برمجة كاسيت الالنترا والأكسنت

[original]

الخطوات:
-افتح الكونتاك
-الكاسيت مش شغال
- اضغط على 1+4 مع بعض لمدة 4 ثوانى
-اضغط على رقم 1 (4) مرات هتلاقى قايمة اتفتحت
-اضغط رقم 6
-قلب فى القايمة واختار البلد اللى ممكن تتوافق معاك
-اضغط ok هيعمل ريستارت

[foxawy]

ايه السبب يعنى؟؟ اما يكون مهنج معاك يعنى تعمل ده ؟؟

[john55]

هو حضرتك هستفاد ايه انا عندي كل الاوبشن بزراير في الكاسيت زي الايكولايزر او البيز او التريبل ايه الميزه اللي ممكن استفاد منها في الخطوات اللي حضرتك ذكرتها وشكرا

[original]

لما تكون جايب كاسيت استيراد ممكن تلاقى قنوات الراديو مش متوافقة معانا..
طبعا بما إن العربيات فى مصر يا إما بتنزل من غير الكاسيت الأصلى أو بكاسيت تعبان!! والأصلى بتشوفه فى الكتالوج بتاع العربية وبتلاقيه فى العربيات المتقطعه..
فى ناس زى حالاتى من هواة الحاجات الأصلية اللى بتنزل فى العربيات اللى جاية متقطعة من برا
وده كان موضوع ليا من سنه عن تغيير الكاسيت وكان نظام أمريكانى وترددات الراديو بتتحرك كل 0.2 ميجاهرتز يعنى 100.5 بعدها 100.7

http://www.nilemotors.net/Nile/263560-a.html

عمتا الموضوع أنا تعبت فيه عشان أعرفه ومرضتش أستخسر المعلومة فى أعضاء المنتدى..

[john55]

شكرا لجهود حضرتك واكيد المعلومات اللي قلت عليها من الممكن اغير الكاسيت في يوم من الايام وهستفاد من اللينك اللي حضرتك عملته فشكرا ليك

[foxawy]

بصراحه حاجه كويسه شكرا لتعبك فعلا اللى انت بتقوله ده كلام صح ممكن احنا نقف ادمها تخلينا يبقى فى شك فى الكاست شكرا لتعبك