تقييمى للهيونداى i30 ( بالصور )

[haneena]

تقييم جميل ماشاء الله وحيادى جدا ربنا يباركلك فيها وهى عربية جميلة ماشاء الله وانا شايفة ان فوانيسها اللى ورا دى جميلة قوى قوى اول مرة آخد بالى منها شكلها جديد ومميز ماشاء الله
وكمان التابلوه شيك وبسيط وشكل الزراير كمان جميل فى الابواب ماشاء الله

انت كده متفرد يا استاذ فهد ودى حاجة جميلة فى حد ذاتها
بس موضوع التكييف ده موجود فى كل العربيات حتى لو الفين سى سى انا والدتى معاها مرسيدس وهى بالتكييف برده بتتاثر فى السحب بس تاثير خفيف
لكن دلوقتى فيه عربيات التكييف بتاعها بره زى الـsx4 بمعنى ان له موتور لوحده صغير ومش بياخد من موتور العربية وده مش بيخليها تتأثر بيه طبعا فى السحب
انا باقدر اشغل التكييف والعربية مش دايرة وبيخليها تلاجة

عموما العربية جميلة وربنا يباركلك فيها يا رب

[Mustafa_Farouk]

مع اني مش من محبي الهيونداي إلا ان وصفك التفصيلي للعربية شدني إني أكمل للآخر :)

ربنا يبارك لك فيها يا رب :)

ana kaman, i read it till the end cos of ur way of writting.

[mohamed ibiza]

ايه التقييم التحفه ده يا فهد فعلا فعلا مثال يحتذي به في التقييمات و عدم التحيز الف شكر ليك يا باشا انا ركبت ل i30 في المصرية بجد افضل ما قدمت هيونداي من ساعة ما انشأت هي i30 عربية فهلا بتديك اداء جولف و ليون بسعر اقل و جودة حلوة و اخيرا هيونداي غيرت التابلوه البلاستيك بأخر افضل و انضف و تقفيل ممتاز و الثبات اللي كان معقدني من هيونداي اتحل في i30 فعلا عربية في سعرها جامدة جدا بس برضه الحكم عليها لسه بدري من ناحية التحمل و العمر الافتراضي و المشاكل

ربنا يباركلك فيها يا فهد و يديك خيرها يا رب و يخليهالك:)

[Karim_Monir]

التكييف :

قوى و ممكن تشغلة على 3 لو انت فى عز الحر بعد الظهر و بعدين تنزل ل 2 و حتلاقى الجو ساقع حتى لو مركب ناس و بالليل 2 يكفى جدا و ممكن تشغلة على 1 و هوة بكر فى الفئات الأولى و تاتش فى الفئات الأعلى

فهد مشكور على التقييم الجيد بس ده اعتراضي
عندنا خطا شائع اننا نقول ان التكييف على 2 او 3 او 4
وده غلط لان اللي بتتكلم علية ده سرعة المروحة لكن انا شايفك عامل التكييف على اعلى درجة
يعني درجات الحرارة بتبتدي من عند اخر اللاحمر كدة لغاية اخر الازرق من تحت
كل ما تزرد انت كدة بتزود التكييف
لكن المروحة مالهاش علاقة غير بقوة الهواء
وانت ممكن تشغل المروحة من غير ما تدوس على زرار التكييف ومش هاتطلع هواء ساقع اطلاقا
يا ريت يكون المعني وصل

لكن دلوقتى فيه عربيات التكييف بتاعها بره زى الـsx4 بمعنى ان له موتور لوحده صغير ومش بياخد من موتور العربية وده مش بيخليها تتأثر بيه طبعا فى السحب
انا باقدر اشغل التكييف والعربية مش دايرة وبيخليها تلاجة

عموما العربية جميلة وربنا يباركلك فيها يا رب

غريبة قوي دي
انا اول مرة اسمع ان في موتور للتكييف لوحدة
انتي قصدك ان التكييف مايحملش على العربية مثلا لكن التكييف بموتور لوحدة دي جديدة قوي
اللي انتي بتعملية كدة انك بتشغللي الموتور على البطارية بتاعت العربية
وده ممكن في كل العربيات الجديدة بس بيهلك البطارية بسرعة طبعا

[Nader]

تقييم جميل يا فهد، ربنا يبارك لكم فيها.

[aif]

تقييم رائع يا فهد
ربنا يباركلك فيها ويملهالك بركة

معلهش كنت عاوز اتأكد من حاجة بالنسبة لتكييف sx4
انا بصراحة ما سمعتش عن تكييف له موتور لوحده ويشتغل والعربية مطفيه ... غير تكييف الاوتوبيسات السياحية الكبيرة ( السكانيا والمرسيدس ....) لكن في العربيات .... ياريت حد يشرحلنا المعلومة دي ... الكومبريسور بيشتغل ازاي والعربية مش دايرة والموتور المستقل ده بياخد الطاقة اللي بتدوره منين .... مش معقول من البطارية ... البطارية لا تحتمل الطاقة دي كلها
يا ريت حد يوضح الموضوع ده بالتفصيل في موضوع مستقل

[M_HaFeZ]

نفس معلومه التكييف المخصوص دى سمعت انها فى الالمانى
وعلشان كده مبتأثرش على السحب

[elayat]

ربنا يباركلك يا مان
بجد موضوع ممتاز

[fahd_628]

الف شكر يا جماعة على الردود

و بالنسبة لأخى كريم انا عارف ان دية مجرد سرعة المروحة و ملهاش دعوة بالكومبريسور بس انا كنت بقول ان انت بتشغل المروحة على 3 فى عز الظهر اظن انك لو شغلتها على 1 العربية مش حتسقع يبقى لازم تعلى المروحة ل 2 او 3 او 4 و كل ما بتعلى المروحة اكتر كل ما الهواء الى طالع بيبقى اقل برودة يعنى اكثر هواء برودة طالع هوة على المروحة سرعة 1 :)

و شكرا ليكم جميعا

[theking2690]

تقييم اكتر من رائع يا فهد ربنا يباركلك فيها

[bassam nagy]

تقييم رائع وربنا يباركللك فيها
ا
لكماليات الية موجودة فى الكاتالوج مابتنزلش فى اعلى فئة فى العربية

[Ahmed Anwer]

تقييم هايل و حيادي يا فهد

ربنا يباركلك فيها و يحرسها من العين

بسم الله ، ما شاء الله

[nobody]

و بالنسبة لأخى كريم انا عارف ان دية مجرد سرعة المروحة و ملهاش دعوة بالكومبريسور بس انا كنت بقول ان انت بتشغل المروحة على 3 فى عز الظهر اظن انك لو شغلتها على 1 العربية مش حتسقع يبقى لازم تعلى المروحة ل 2 او 3 او 4 و كل ما بتعلى المروحة اكتر كل ما الهواء الى طالع بيبقى اقل برودة يعنى اكثر هواء برودة طالع هوة على المروحة سرعة 1

أولا ألف شكر على هذا التقييم الرائع
ثانيا حضرتك لو تعرف نظرية عمل المكيفات حتعرف ان سرعة المروحة ليها علاقة بالكمبرسور
يعني لو حضرتك مشغل مروحة التكييف على سرعة 3 مثلا الكمبرسور ممكن يعد شغال لمدة 10 دقائق و بعدين يفصل 20 ثانية
اما لو مشغله على سرعة 1 حيفصل كل دقيقتين لمدة 10 ثوان
أتمنى أكون وصلت المعلومة لحضرتك
ممكن تتأكد عن طريق تشغيل التكييف وفتح الكبوت و ملاحظة كلاتش الكمبرسور

http://www.nilemotors.net/Nile/showt...D3%ED%C7%D1%C9

[ams]

تقييم رائع يا فهد
ربنا يباركلك فى العربية
بس فى ملحوظه صغيره : انا شايف ان abs مش من الكماليات ده شىء اساسى

[Hesham A.Megid]

متشكر جدا جدا يا جماعة على الردود الحلوة دية

بالنسبة للأخت نهى

السعر من اول 106 الف للمانيوال و نفس الكماليات الى عندى و تزيد 3000 جنية لو بفتحة سقف او 112 اوتوماتيك و دية اول فئة فى الأوتوماتيك و تزيد 3000 جنية لو بفتحة سقف و فية بعدين فئة ب 131 و دية فل اوبشن و بتزيد 3000 جنية برضة لو بفتحة سقف

فهد، وقع منك فئتين :) ال GLS و ال GLS اللي بفتحة سقف :)

و دول اعتقد ان تمنهم 121 الف و 124 الف...بس مش متأكد