سمكرى صلحلي " استكمال موضوع رشقت بالفيرنا"

[verna2008auto]

السلام عليكم ورحمه الله وبركاته

استكمال لموضوع رشقت بالفيرنا

http://www.nilemotors.net/Nile/324684-a.html

دي صورة العربية قبل







وووبعد.......................





السمكرى خد مني 300 جنية .. بداء الساعة 9 صباحا وخلص الساعة 1.30
..
ودمتم ...

[Mo.Kareem]

الاول الف مبروك على تصليح العربية ، وربنا يسترها معاك ومعانا
ثانياً 300 جنيه سمكرى و دوكو ولا سمكرة بس ؟
اصل لو سمكرة بس يبقى كتير اوى

[karimmagdy50]

متابع هوانت رشيت ولا سمكرت بس

[HeMa_LanCeR]

لا سمكرة بس
وبعديها لمع الرفرف

[Kareem Fawzy]

سمكره 300 جنيه على رفرف كتيييير قوى
الحادثة اللى كنت عاملها ورافع صورها كلفتنى 100 جنيه
بس الحمدلله انها رجعت زى ما كانت
حمدلله على السلامة يا عاصم

[mshmshm3]

و رد الرفرف علي البارد ولا علي السخن ؟
ولو علي السخن ازاي رده من غير الدهان ما يقع

[verna2008auto]

الاول الف مبروك على تصليح العربية ، وربنا يسترها معاك ومعانا
ثانياً 300 جنيه سمكرى و دوكو ولا سمكرة بس ؟
اصل لو سمكرة بس يبقى كتير اوى

انا عارف انه مغلواني...اصل للاسف مش با حب افاصل كتير
"" أعطى الاجير حقة قبل ان يجف عرقة ""
انا سمكرت بس
في تقديرك كان المفروض اديلو كام ؟؟ وماكنش ظلمته

[verna2008auto]

متابع هوانت رشيت ولا سمكرت بس

انا سمكرت بس

[mshmshm3]

الصراحة السمكري ايديه تتلف في حرير ده من رأيي
كان عندي خبطة في الرفرف بسيطة و رحت لسمكري علي قده ردها بس باينة انها كانت مخبوطة

[bmwx5n]

لو سماحت أنا عربيتي عن السمكري بيقولي غير الرفرف الشمال و اليمن علشان العصب في الضياع هو قال ممكن يتسمكر بس لو حد سند عليه هيدخل جوه اشتري جديد ولا اسمكر القديم

[haysam2000]

مبروك يا عاصم خلى بالك بقى

[Samir_Adel]

معمولة علي البارد كويسة جدا, مبروك.

[Sehsss]

شغله نضيف قوي، ما شاء الله

[mahmoud_afifi]

ماشاء الله لاقوة الا بالله.
تسلم ايد الي سمكر بصحيح.
هو مكانه فين صحيح يا كبير ؟

[verna2008auto]

لو سماحت أنا عربيتي عن السمكري بيقولي غير الرفرف الشمال و اليمن علشان العصب في الضياع هو قال ممكن يتسمكر بس لو حد سند عليه هيدخل جوه اشتري جديد ولا اسمكر القديم

سمكر عند حد كويس ....
عربياتنا في الشارع .. يعني الحاجه بتتغير لو لاقدر الله ((متفرتكة))
سمكر القديم