احط زيت ايه النترا 2012

[freeman207]

السلام عليكم

ايها الاخوة الكرام انا عربيتى النترا 2012 ماشية تقريبا 20500 كيلو وبحط زيت شيل الاصفر 5000 كيلو العربية خليجى سعودى

المهم سمعت ناس بتقول العربية لسة جديدة فلازم تحط شل الترا 10000 كيلو الاسود

مش عارف ايه الفرق ياريت حد يوضح الفرق وايه الاحسن دمتم بصحة وود

[Youssef.Awad]

مواصفات الزيوت التخليقية اللى بتتغير كل 10 الاف كم افضل من الزيوت النصف تخليقية اللى بتتغير كل 5000 كم
وبالنسبة لعربيتك حطلها اى زيت تخليقى معامل لزوجة 5w30 زى ليكوى مولى - فالفولين - كاسترول - شل - ... الخ
عن تجربة فى عربيتى السبورتاج 2012 .. من الزيرو وفى التوكيل بيحطوا زيت 5000 كم كاسترول 10W30 GTX زبالة
لحد اما غيرته برة من اول 17500 الى كاسترول ماجنتيك 5W30 والصوت والاداء فرق جامد مع تغيير البوجيهات العادية ببلاتينيوم

[Sehsss]

الزيت التخليقي هو زيت تكوينه الكيماوي معدل في المعمل من زيوت لها خواص مختلفة عن الزيت المعدنى لانه زيت صناعى، مثل موبيل 1 وشل ألتر وليكوي مولي وكاسترول إيدج وفالفولين .. إلخ
أما الزيت المعدني فهو زيت مصدره البترول المستخرج من الأرض ويتم تكريره
مثل موبيل xhp وشل الاصفر
ومميزات الزيت التخليقي الثبات الكيماوي والفيزيائي أفضل لأنه لا يفقد لزوجته بسرعة ويوفر في الوقود لإنه بيساعد الموتور يتحرك بسهولة أكبر، وبيحافظ على الموتور عند إدارته صباح لإنه بيوصل بسرعة للأجزاء اللي ما اتزيتتش، مما يعطي عمر أطول للموتور، كما إنه أسرع في التدفق من الزيت العادي، فيقدر يزيت الموتور أحسن، ومعدل بخره أقل، وأداءه أفضل في درجات الحرارة العالية والمنخفضة.. تحياتي

[freeman207]

متشكر على الردود وجارى انتظار بقية الاعضاء