راجعيـــــن

[Chemist Shehap]

طبعآ زى ما اغلبيتكو عارفين كان معايا فيرنا بس كانت مش مريحانى ( يمكن العيب انى اشتريت عربيه مش قد كده )
وبعتها وجيبت لانوس بس كان اخطر خطوه خدتها ف حياتى
لأنى الفيرنا ليها مميزات واللانوس برده...
بس عيوب اللانوس اكتر منها ف الفيرنا
يعنى نقدر نقيم 70% فيرنا ... 30% لانوس
المهم
انا ان شاء الله بيعت عربيتى النهارده وبدور على فيرنا
وفى فيرنا قدامى بس مش عارف اسعار السوق ايه اليومين دول
فيرنا 2008 كامله __ فبريكه بره وجوه ( ماعدا رفرف يمين )
عداد 60 الف /كم
معروضه قدامى ب 49 الف
يا ترى ايه رأيكم ف السعر ده ؟
لأنى بدور على عربيه على قد ما اقدر تكون مريحانى شويه مش عايز اشتغل فيها....

ان شاء الله اجيلكم تانى قريب
واول ما اجيبها ان شاء الله
مش هتعتب غير ( Sped Service Center )
وبــــــــــــــــــــــــــــــــــــــــــــــــ ـــــــــــــــــــــــــــــس

[akmm]

موفق إن شاء الله ... وكل عربيه فيها مميزات وعيوب ؟؟؟

[haysam2000]

باشا السعر كويس و ممكن تنزلك فيها الف كمان اللى هتعمل بيها الصيانه و توكل على الله بس اكشف عليها كويس

[enghany]

علي قلبي زي العسل هههههههه

[Kareem Fawzy]

سعرها تمام يا كبير
توكل على الله
ورأيي كمان قبل ما تخلص فيها خدها لهانى يبصلك عليها
هانى ما شاء الله عليه
ربنا يتمملك على خير ان شاء الله

[Chemist Shehap]

حبيبى خساره ... تجيبلى المراره !!!
العربيه طلع فيها قايم .......
انا تعبت :(
ماحدش فيكو كده يخدمنى ويجبلى واحده 2004 / 2005 كامله
بشمهندس هانى اكيد انت بتقابل ناس ممكن يكون حد عايز يبيع أو حاجه
يا ريت الاقيها......
اللى يتلسع من اللانوس.... ينفخ ف الفيرنا

[enghany]

2009 كامله مانيوال فابريكا بالكامل 45000 كم نهائي 55000