سؤال وارجو الافادة ( نيو اكسنت 2008 )

[karvata]

هل زيت الفرامل او زيت الباور بتتغير خواصة مع مرور الزمن مما يؤدى الى اى اعطال ( مثلا لو موجود فى العربية من اربع سنين هل من السخونه والمشى مدة الاربع سنين دول و75000 كم يتغير خواصة ويفقد لزوجته فايؤدى الى اى عطل) ولا بيتغير اصلا كل فترة ............. ارجو الافادة

[HOSSAM99]

لا يا فاندم مش هايؤدي لأعطال لكن مش هايقوم بوظيفته
زيت الفرامل بيفقد خواصه بمرور الوقت و بيتأثر جدا بعوامل الجو و كذلك زيت الباور
الثابت إن زيت الفرامل و زيت الباور يتغيرو علي سنتين تقريبا أو 60000 كم
طبعا إحنا مبنشوفش ده في مراكز الصيانه و ورش الميكانيكيه لأنهم بيخافو من تغيير زيت الفرامل جدا علشان ساعات لو الزيت مخالف للموصي به بيضر بدورة الفرامل و يضرب مساتر
و كمان زيت الباور لو عربيه قديمه و علبة الدركسيون بعافيه التغيير بيظهر عيوب عبة الدركسيون

علي العموم الكيلو متر و عدد السنوات بيقول تغير أفضل
الفرامل dot4 أو dot5
الباور atf3
و بالتوفيق

[karvata]

متشكر جدا

[akmm]

جميل جدا .............

[original]

الزيوت دى بتتغير طبعا
بس الأصلية بتقعد فترة عشان كده التوكيلات مش بتهتم أوى بالموضوع ده لأن الزيوت الموجودة فى مصر مش معمرة زى الأصلية وكمان مش مظابقة أوى للمواصفات المكتوبة فى الكتالوجات..
ريحت نفسى وجبت جهاز من بره مصر بيكشف على زيت الفرامل وبيقيس نسبة التلوث بالمياه فى سائل الفرامل..
1% تمام والزيت جديد
2% مش بطال بعد فترة من الإستخدام
3% يفضل إنه يتغير
4% المفروض يتغير ضرورىىىىىىىىىىىىى
جربته على عربيات كتير وتاكسيات كمان عشان أتأكد من الفرق والنتيجة كانت مش بطالة:
- لانوس عاملة 120ألف كم : 4
- تاكسى لادا : زيت الفرامل : 2 وزيت علبة الدبرياج : 4
- تويوتا 2009 دوبل كابينة 160ألف كم : 3
- سيريون 2008 70ألف كم : 1
- نيو أكسنت 2010 30ألف كم : 1
الزيوت الجديدة مصر للبترول و موبيل : 1