ريموت وسنتر و أنزار غبور فقد النطق accent 2012

[sdelbassuny]

السلام عليكم

بجد الواحد مش عارف يقول أيه ......... حظ ولا سوء صناعه ولا سرقه فلوس من المستهلك لمل أنزار وسنتر العربيه يتوقف عن العمل بعد 12 شهر و بعد مسافه مقطوعه حوالى 6000 كم

أتمنى ان تكون حاجه بسيطه وانا فى أنتظار مساعدتكم فى الموضوع ده وتوفروا على مشوار التوكيل

أنا جربت 2 ريموت ومازالت نفس المشكله
كمان السنتر الأبواب مابيقفلش زى الأول أول ماتمشى بالعربيه
ولا انزار ولا سرينه ولا أيى حاجه

أنا فى أنتظار خبراتكم وأرائكم

[exact]

ممكن فيوز الانذار ضرب وده عادي بيحصل في اي عربية

[verna2008auto]

السلام عليكم

بجد الواحد مش عارف يقول أيه ......... حظ ولا سوء صناعه ولا سرقه فلوس من المستهلك لمل أنزار وسنتر العربيه يتوقف عن العمل بعد 12 شهر و بعد مسافه مقطوعه حوالى 6000 كم

أتمنى ان تكون حاجه بسيطه وانا فى أنتظار مساعدتكم فى الموضوع ده وتوفروا على مشوار التوكيل

أنا جربت 2 ريموت ومازالت نفس المشكله
كمان السنتر الأبواب مابيقفلش زى الأول أول ماتمشى بالعربيه
ولا انزار ولا سرينه ولا أيى حاجه

أنا فى أنتظار خبراتكم وأرائكم

بس بس بس ..... يا زميلي العزيز من كلامك بان ان ( أمبيرك ) زاد علي الاخر ودة مانفعش
التوكيل بالزات ( من وجهه نظري ) محتاج الاول تتكلم بدرجات وعلي مراحل يعني في الاول ( علي السلانسية ) وبعد كده زود أمبيرك براحتك وعلي صوتك لو حد ما استجبش
بس اغلب الظن ها يقولك مدير الفرع ان العيب ده من المستهلكات مش عيب صناعة وده لازم يتحملها المستهلك ....
حرقت دمك وصوتك اتنبح وجبت معاك كتيبة اصحاب عملو دوشة ووو
وبعدين
ولا محضر شرطة ولا حماية مستهلك ولا وجع دماغ ...
جرب يمكن ربنا يخيب ظني
بس
الحل
كهربائي ب ( 10 ) جنية ها يعرف ان العيب فيوز او سلكه هربانة ب 3 تعريفة ...
تمت

[freeman207]

فعلا زى مالاعضاء قالوا هيبقى فيوز متقلقش شوف اى كهربائى

[toty_305]

-حضرتك تروح التوكيل عادي جدا هيحلو المشكله بكل هدوء و لو فيه مشكله هيغيروا الجهاز كله
-حصل معايه مشكلتين في الأنذار و اتصلحوا بكل هدوء
- المشكله لا علاقه لها بالفيوزات نهائي ده الجهاز نفسه فيه مشكله

[sdelbassuny]

جزاكم الله كل خير علي سرعة الرد و أن شاء الله هوصل لحل المشكله بزوق أو بالعفيه و منغير ولا جنيه

وها عرفكم أيه هيه المشكله بس بارب متكنش فيوز ويكون الجهاز هو الى فيه المشكله لأن لو فيوز معناها أن فى حاجه مهربه وبتسحب أمبير بيشيع الفيوز ربنا يستر

شكرا

[john55]

يا باشا روح التوكيل هيصلحولك اي مشكله وبلاش طالما حضرتك في الضمان اتا مغير السنتر لوك من شهرين في التوكيل كان في مشكله قريبه من مشكلتك فمتقلقش خالص وشكرا